Bakıda keçmiş nazirin qardaşı məhkəməlik oldu

Bakıda keçmiş nazirin qardaşı məhkəməlik oldu, Javid

Ona qarşı 140 min manat məbləğində iddia qaldırıb

Bakucity.az xəbər verir ki, bu gün Bakı Ağır Cinayətlər Məhkəməsində Naxçıvan Muxtar Respublikasının sabiq daxili işlər naziri Əhməd Əhmədovun qardaşı Əvəz Əhmədovun cinayət işi üzrə məhkəmənin hazırlıq iclası keçirilib. 

Hakim Samir Əliyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. 

Sonra zərərçəkmiş şəxs Rəşad Tahirov təqsirləndirilən şəxsə qarşı 140 min manat məbləğində mülki iddia qaldırıb. 

Məhkəmə mülki iddianı icraata götürüb. 

Məhkəmə baxışı dekabrın 19-na təyin edilib. 

Qeyd edək ki, Ə.Əhmədov iki nəfərin 140 min manat pulunu hədə-qorxu ilə ələ keçirməkdə günahlandırılır.

Onun barəsində Cinayət Məcəlləsinin 182.3.2-ci (hədə-qorxu ilə tələb etmə, külli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb.

Əvəz Əhmədov Naxçıvan Muxtar Respublikasının sabiq daxili işlər naziri Əhməd Əhmədovun qardaşıdır. 

Bakucity.az

Məhkəmə hökm
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər