Bakıda liftdə ölən xadiməyə görə daha bir nəfər həbs olundu

Bakıda liftdə ölən xadiməyə görə daha bir nəfər həbs olundu

Məhkəmənin vaxtı yaxın günlərdə bəlli olacaq

Bakucity.az xəbər verir ki, Bakıda liftin düşməsi nəticəsində ölən xadiməyə görə həbs edilən “Nəsimi-3” Mənzil Mülkiyyətçilərinin Müştərək Cəmiyyətinin idarə heyətinin sədri Soltanməcid Əzizov və Çingiz Şıxəliyevin cinayət işi üzrə ilkin istintaq başa çatıb.

Barələrində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim İradə Həsənzadənin icraatındadır.

Məhkəmənin vaxtı yaxın günlərdə bəlli olacaq.

S.Əzizov və Ç.Şıxəliyevin barəsində Cinayət Məcəlləsinin 222.3-cü (tikinti, mədən işlərinin və sair işlərin aparılmasının təhlükəsizlik qaydalarını pozma, eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi irəli sürülüb.

Hadisə bu il oktyabrın 4-ü paytaxtın Nəsimi rayonunda yerləşən, “Nəsimi-3” Mənzil Mülkiyyətçilərinin Müştərək Cəmiyyəti tərəfindən idarə olunan 10 mərtəbəli binada baş vermişdi. Təmizlik işləri aparan Mahirə Yusifovanın üstünə lift düşməsi nəticəsində vəfat edib.

S.Əzizov iş üzrə şübhəli şəxs qismində tutularaq istintaqa cəlb edilib. Daha sonra Ç.Şıxəliyev də saxlanılıb.

Bakucity.az

Məhkəmənin vaxtı lift xadimə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər