Bakıda qaydanı pozan sürücü özünü yandırmaq istədi - FOTO

Bakıda qaydanı pozan sürücü özünü yandırmaq istədi - FOTO, Javid

Sürücü özünə və polis əməkdaşına xəsarət yetirib

Bakucity.az xəbər verir ki, dünən saat 16:40 radələrində paytaxtın Azadlıq prospekti ilə Həsən Əliyev küçəsinin kəsişməsində nasaz vəziyyətdə, yol hərəkətində istismarı mümkün olmayan “QAZ-31” markalı, 10-NR-899 dövlət nömrə nişanlı avtomobil üstündə 12 metr uzunluğa malik tikinti materialı-armatur daşımaqla yük daşıma qaydasını pozduğu üçün yol polisi əməkdaşları tərəfindən saxlanılıb.

 Dövlət Yol Polisi İdarəsinin bölmə rəisi, polis polkovniki Vaqif Əsədov bildirib ki, avtomobil daşıdığı yüklə yol boyu digər hərəkət iştirakçılarına maneə yaradıb: “Sürücü, Zəngilan rayon sakini, Bakıxanov qəsəbəsində qeydiyyatda olan 53 yaşlı Məhərrəmov Kamil Atlıxan oğlu saxlanılarkən yol polisləri tərəfindən ona müvafiq sənədin təqdim edilməsi, eyni zamanda spirtli içkinin dərəcəsinin yoxlanılması üçün tibbi müayinədən keçirilməsi təklif edilib. Lakin sürücü sənəd təqdim etməyib və spirtli içkinin dərəcəsinin yoxlanılması üçün tibbi müayinədən keçirilməsindən imtina etməklə polisə 50 manat pul təklif edib.

İnspektorun prinsipiallığını görən sürücü avtomobilin baqajında plastmas qabdakı yanacağın benzin olduğunu bildirərək, kirbit çıxarmaqla özünü yandıracağını deyib. O, özünü yandıranda polis əməkdaşları bunun qarşısını alıblar. Sürücünün əynində yanan paltarlar çıxarılıb və Respublika Yanıq Mərkəzinə çatdırılıb. Mərkəzdən bildirilib ki, onun boynunda və sağ əlinin dərisinin yanığı qeydə alınıb. Hadisə zamanı yol polisi əməkdaşı da yanıq xəsarəti alıb”. (Avtosfer.az)

Bakıda qaydanı pozan sürücü özünü yandırmaq istədi - FOTO, fotoşəkil-1 Bakıda qaydanı pozan sürücü özünü yandırmaq istədi - FOTO, fotoşəkil-2 Bakıda qaydanı pozan sürücü özünü yandırmaq istədi - FOTO, fotoşəkil-3 Bakıda qaydanı pozan sürücü özünü yandırmaq istədi - FOTO, fotoşəkil-4

Bakucity.az

DYP Sürücü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər