Bakı məktəbliləri beynəlxalq yarışlarda uğur qazanıb

Bakı məktəbliləri beynəlxalq yarışlarda uğur qazanıb

Məktəblilər qızıl medal, diplom və sertfikatlarla mükafatlandırılıb

Bakucity.az xəbər verir ki, paytaxt məktəblərində təhsil alan daha 7 şagird beynəlxalq yarışlarda uğurlar qazanıb.

Bununla bağlı Bakı Şəhər Təhsil İdarəsindən məlumat verilib

Bakıdaki 322 nömrəli tam orta məktəbin VIII sinif şagirdi Emil Məmmədəliyev Gürcüstanda Muay-Tay Taybok idman növü üzrə keçirilən beynəlxalq çempionatda 36 kq çəki dərəcəsində I yerə layiq görülüb. 

36 nömrəli tam orta məktəbin XI sinif şagirdi Ruslan Seyidov Gürcüstanda taekvando idman növü üzrə keçirilən beynəlxalq turnirdə 59 kq çəki dərəcəsində qələbə qazanaraq I yeri tutub. 

Paytaxta qalibiyyətlə dönən digər məktəbli isə 328 nömrəli tam orta məktəbin VI sinifində təhsil alan Məhəmməd Mirzəyevdir. O, İranda karate idman növü üzrə keçirilən beynəlxalq yarışda 38 kq çəki dərəcəsində qələbə qazanaraq fəxri kürsünün ən yüksək pilləsinə qalxıb. 

81 nömrəli tam orta məktəbin XI sinif şagirdi Fidan İsmayıllı Rusiyada keçirilən karate idman növü üzrə beynəlxalq yarışda 55 kq çəki dərəcəsində qələbə qazanaraq I yerə layiq görülüb. 

Uğur qazanan digər idmançılar isə 247 nömrəli tam orta məktəbin şagirdləridir. Azərbaycanda keçirilən karate idman növü üzrə beynəlxalq yarışda V sinif şagirdi Seyfəddin İsayev 38 kq çəki dərəcəsində I və III sinif şagirdi Rüfət İsayev isə 25 kq çəki dərəcəsində III yerə layiq görülüb.

Bakı şəhəri üzrə 245 nömrəli tam orta məktəbin I sinif şagirdi Azadə Atakişiyeva İsraildə keçirilən bədii gimnastika üzrə beynəlxalq turnirdə II yerə layiq görülüb. 

Bakucity.az

paytaxt məktəbliləri uğur
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər