Bakıda insanları öldürən gözəgörünməz "qatil" - ARAŞDIRMA

Bakıda insanları öldürən gözəgörünməz "qatil" - ARAŞDIRMA, Javid

Dəm qazından zəhərlənmə - paytaxtdakı bədbəxt hadisələrin əsas səbəblərindən biridir.

Hər il qış mövsümü gələndə, Bakıda baş verən ənənəvi bir faciə var. İnsanlar dəm qazından ya zəhərlənərək ölür, ya da ölümcül vəziyyətə düşürlər. Bütün xəbərdarlıqlara, görülən işlərə rəğmən "gözəgörünməz qatil" işini davam etdirir. Bakucity.az-ın növbəti araşdırması dəm qazından zəhərlənmələr haqqındadır. Görülən tədbirlər işə yarayırmı, sakinlər xəbərdarlıqlara ciddi yanaşırlarmı kimi suallara bu araşdırmada aydınlıq gətiriləcək. 

Baş toksikoloq: "Həftədə 5-6 müraciət daxil olur"

Məsələ barəsində fikir öyrənmək üçün Səhiyyə Nazirliyinin Klinik tibbi mərkəzinin baş toksikoloqu Azər Maqsudova müraciət etdik. Azər bəy dəm qazından zəhərlənmələrlə bağlı onlara həftə ərzində 4-5 müraciətin daxil olduğunu bildirdi: 

“Dəm qazı ilə zəhərlənmənin pik vaxtı yanvar, fevral və mart aylarına təsadüf edir. İlin isti vaxtlarında dəm qazından zəhərlənmə ilə bağlı müraciətlər tək-tük hallarda olur. Hal-hazırda bizə həftədə 5-6 müraciət daxil olur. Bu şəxslərdən bəziləri bir və ya bir gün yarım xəstəxanada qalırlar”.

Toksikoloji bölmə müdirinin bildirdiyinə görə, xəstəxanada cari ilin yanvarından indiyədək ölümlə nəticələnən cəmi bir hadisə qeydə alınıb. Çünki xəstə bölgədən olduqca gec gətirilib. Maqsudov qeyd edib ki, klinikada sanitar qovşaq da mövcuddur. Bu da tək paytaxtın ətrafında deyil, həm də bölgələrdə zəhərlənənlərin həyatını xilas etməyə imkan verir.

Bakıda insanları öldürən gözəgörünməz "qatil" - ARAŞDIRMA, fotoşəkil-1

Dəm qazından zəhərlənmənin əlamətləri

Həkimin sözlərinə görə, karbon monoksidin rəngsiz, dadsız  olması onun vaxtında aşkar edilməsini çətinləşdirir:

“Zəhərlənmə zamanı insanda ürək döyüntüsü sürətlənir, hava çatışmazlığı, ürəkbulanma, başgicəllənmə baş verir. Sadalanan simptomlar getdikcə artır. Qaz sızması olan qapalı məkanda insan beş  beş dəqiqə ərzində huşunu itirə bilər və bu olduqca təhlükəli nəticələrə gətirib çıxarar” – deyə toksikoloq vurğulayıb.

Həkim: “Çox vaxt səhv zərərçəkənlərin özlərində olur”

Azər Maqsudov xəbərdarlıq edir ki,  qazla işləyən sobalara mütləq təmizlənməsi mümkün olan xüsusi baca qoyulmalıdır. Əgər otaqda hava dəyişməsə, zəhərlənmə ehtimalı həmişə var!

“Çox vaxt, - mütəxəssis davam edir: sobaların istismar qaydalarına riayət edilmir, buna görə də dəm qazından zəhərlənmələr baş verir. Qaz qızdırıcısının işlədiyi vanna otağında uzun müddət qalmaq olmaz. Vanna otağıda müəyyən genişlik olmalıdır. Amma təəssüf ki, evlərdə vanna üçün çox kiçik otaqlar nəzərdə tutulur”.

İlkin yardım necə göstərilməlidir? 

Əgər kimsə dəm qazından zəhərlənsə, onda həkim gələnə qədər yaxınları ona ilkin yardım göstərə bilərlər.

“Əgər zərərçəkənin huşu yerindədirsə, onda ilkin yardım göstərmək daha asandır. Dərhal onu təmiz havaya çıxarmaq lazımdır. Bundan əlavə, zərərçəkmişə çoxlu maye içirtmək lazımdır. Əgər həmin adam huşsuz vəziyyətdədirsə, təcili yardım gələnə kimi ona süni nəfəs vermək lazımdır”, - deyə  Maqsudov bildirib. 

Baca quraşdırarkən texniki qaydalara əməl edilmir

 Saytımıza açıqlama verən “Azəriqaz” ASC-nin mətbuat xidmətinin rəhbəri İbrahim Kərbalayev bildirib ki, zəhərlənmə hallarının əksəriyyəti ilin soyuq dövründə təsadüf edir:

“Vətəndaşların bəziləri  müxtəlif qaz cihazlarının quraşdırılması zamanı texniki qaydalara əməl etmirlər. Vanna otağı müəyyən parametrlərə cavab verməlidir. Həcmi 7,5 kubmetr, hündürlüyü isə - 2 metr 20 santimetr olmalıdır. Qapının xüsusi deşikləri olmalıdır. Amma ən başlıcası, hamama təmiz baca qoyulmalıdır”. 

Bakıda insanları öldürən gözəgörünməz "qatil" - ARAŞDIRMA, fotoşəkil-2

Dəm qazından zəhərlənmələrin sayı ilbəil azalır

Kərbalayev həmçinin qeyd edib ki, insanlar qaz cihazlarından istifadə edərkən, çox ehtiyatlı və diqqətli olmalı, bütün ehtiyat tədbirlərinə əməl etməlidirlər. 

 Rəsminin sözlərinə görə hazırda dəm qazından zəhərlənmə halları xeyli azalıb:

“Dövlət qurumlarının müntəzəm olaraq apardığı tədbirlər nəticəsində karbon monoksiddən zəhərlənmə halları ilbəil azalır. Amma təəssüf ki, müəyyən kəslər normaları  pozaraq eyni səhvləri etməkdə davam edirlər”.

Hazırladı: Züleyxa İsmayılova

Bakucity.az

Dəm qazı araşdırma
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər