Paytaxtda Qafqazın ilk qadın pilotu haqqında kitab təqdim edildi - FOTO

Paytaxtda Qafqazın ilk qadın pilotu haqqında kitab təqdim edildi - FOTO

Gənc yazıçı Nərmin Mahmudovanın kitabı təqdim olunub

Bakucity.az xəbər verir ki,  “LIBRAFF” kitab mağazasında Qafqazın, həmçinin bütün  Cənubi Avropanın və Ön Asiyanın ilk qadın təyyarəçisi Leyla Məmmədbəyova haqqında yazılan "Leyla Məmmədbəyova - Qafqazın ilk təyyarəçi qadını" kitabının təqdimatı olub. 

Təqdimat yazıçı Nərmin Mahmudova ilə “TeasPress” nəşriyat evinin birgə əməkdaşlığı ilə olduqca yaradıcı və səmimi mühitdə keçirilib.

Tədbirdə görkəmli pilotun həyatını əks etdirən videorolik nümayiş etdirilib və onun həyatı haqqında bir çox maraqlı məqamlardan söz açılıb.

Təntənəli təqdimat mərasimində iştirak edən tanınmış qonaqlar - uşaq yazıçıları Zahid Xəlil, Reyhan Yusifqızı, Leyla Məmmədbəyovanın ailə üzvləri və oğlu Xanlar Məmməbəyov kitab haqqında şəxsi fikirlərini bildiriblər. 

X.Məmmədbəyov Narmin Mahmudovaya anasının həyatına maraq göstərdiyi üçün xüsusi təşəkkürünü bildirib və bu kitabın ədəbi şedevr olduğunu qeyd edib. Həmçinin o, qeyd edib ki, yeniyetmələr və gənclər arasında maarifləndirmə işi çox vacibdir.

“Ölkə öz qəhrəmanlarını tanımalıdır” – deyə  Narmin Mahmudova Bakucity.az-a  açıqlamasında bildirib: 

"Maarifləndirici təlimlər keçirmək və gənclərimizə vətənlərini layiqli işlər ilə izzətləndirən qəhrəmanlarımız haqqında məlumat vermək vacibdir.  Mövzu məlumdur, Leyla Mamedbekova kimi insanların nümunəsi ilə qəhrəmanları yetişdirib, ləyaqətli insanın necə hərəkət etməsi və yaşaması lazım olduğunu göstərməliyik. 

Tədbirin sonunda yeniyetmələr arasında Nərmin Mahmudovanın imzaladığı kitabları əldə etmək üçün viktorina keçirilib.

Hazırladı: Cəmilə Amirova

Xüsusi olaraq Bakicity.az üçün 

Nərmin Mahmudova Leyla Məmmədbəyova
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər