Muğam Mərkəzində israilli dramaturqun tamaşası göstərildi - FOTO

Muğam Mərkəzində israilli dramaturqun tamaşası göstərildi - FOTO

İsrail baş nazirinin qardaşı tədbirə qatılıb

Bakucity.az xəbər verir ki, Beynəlxalq Muğam Mərkəzində İsrail dramuturqu İdo Netanyahunun “Məna axtarışında” pyesi əsasında hazırlanan tamaşa göstərilib.

Premyeraya yəhudi diasporunun nümayəndələri, Azərbaycan yazıçıları, musiqiçiləri və xanəndələri qatılıblar. Tədbirdə pyesin müəllifi dramaturq, həkim-rentgenoloq, İsrailin baş naziri Binyamin Netanyahunun qardaşı İdo Netanyahu da iştirak edib. Bu, dramaturqun ölkəmizə ilk səfəridir. 

Tamaşadan əvvəl quruluşçu rejussor İlqar Safat, yəhudi diasporunun Azərbaycanda nümayəndəsi, “Cəmiyyət üçün beynəlxalq layihələr” İsrail qeyri-hökumət təşkilatının sədri Arye Qut qonaqlara və Muğam Mərkəzinin rəhbərliyinə göstərilən kömək üçün təşəkkür ediblər. 

Sonra İsrailin ölkəmizdəki fövqalədə və səlahiyyətli səfiri  Dan Stav çıxış edib. Səfir İdo Netanyahunun yaradıcılığına diqqət üçün təşəkkür edib və Azərbaycanın İkinci Dünya müharibəsində faşizm üzərində qələbədə böyük rolu olduğunu qeyd edib. 

“Məna axtarışında” pyesində məhşur psixolq Viktor Frankl haqqında danışılır. Holokostu keçən, dörd ölüm düşərgəsindən sağ çıxan və psixologiyada loqoterapiya istiqamətini yaradan bir insandan bəhs edilir. Franklın “Ölüm düşərgəsində psixoloq ” əsəri XX əsrin ən təsirli kitabları siyahısına daxil edilib.

Tamaşada rolları Azərbaycanın xalq artistləri Lyudmila Duxovnaya və Mabut Məhərrəmov, gənc aktyorlar Rumiyə Ağayeva və Azər Aydəmir ifa ediblər. Ölüm düşərgəsi və krematoriya ab-havası yaratmaq üçün zala yüngül daş kömür yanığı qoxusu verilib. Tamaşanın sonunda tamaşaçılar ayağa qalxaraq rejissor və artistlərə gur alqışlarla təşəkkür ediblər.

Hazırladı:  Züleyxa İsmayılova

Bakusity.az 

Muğam Mərkəzi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər