Texniki Universitet bıçaqlanan tələbəsi ilə bağlı açıqlama verdi

Texniki Universitet bıçaqlanan tələbəsi ilə bağlı açıqlama verdi, Javid

Elman uşaqlıq dostunu qətlə yetirib.

Bakucity.az xəbər verir ki, Bakıda bıçaqlanaraq öldürülən Xəlilov Elman Elyar oğlu Azərbaycan Texniki Universitetinin Nəqliyyat fakültəsinin II kurs tələbəsi olub.

Bu barədə universitetdən məlumat verilib. Hadisə 23.12.2018-ci il tarixində, yəni istirahət günündə universitetdən kənarda baş verib:

"Bizdə olan qeyri-rəsmi məlumata görə, 25.07.2000-ci il təvəllüdlü Elman uşaqlıq dostu Murğuzov Rauf İlqar oğlu tərəfindən qətlə yetirilib. Hadisə ilə bağlı hüquq-mühafizə orqanları tərəfindən araşdırma aparılır".

Xatırladaq ki, Atatürk prospekti, ev 2a ünvanında Ağstafa rayonunun Dağ Kəsəmən kəndinin sakinləri - 2000-ci il təvəllüdlü Murğuzov Rauf İlqar oğlu həmkəndlisi, 2000-ci il təvəllüdlü Xəlilov Elman Elyar oğlu ilə mübahisə edib. Mübahisə davaya çevrilib və nəticədə R.Murğuzov E.Xəlilovu bıçaqla qətlə yetirib.

Faktla bağlı qəsdən adam öldürmə maddəsi ilə cinayət işi başlanıb. R.Murğuzov saxlanılıb. (Trend)

Bakucity.az

Cinayət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər