Bakıda görkəmli xanəndənin xatirəsinə konsert həsr olunub - Foto

Bakıda görkəmli xanəndənin xatirəsinə konsert həsr olunub - Foto

Böyük sənətgarlar ölmürlər.

Bakucity.az xəbər verir ki, bu gün Beynəlxalq Muğam Mərkəzində Azərbaycanın görkəmli xanəndəsi Tükəzban İsmayılovanın xatirəsinə həsr olunmuş konsert proqramı keçirilib.

Tədbir Azərbaycan Televiziyası “Mədəniyyət” kanalının və Beynəlxalq Muğam Mərkəzinin birgə layihəsi çərçivəsində, Azərbaycan Respublikası Mədəniyyət Nazirliyinin dəstəyi ilə keçirilib.

Konsertdə xalq artisti Teymur Mustafayev "Maralım", əməkdar artistlər Arzu Əliyeva "Yolunu gözləyirəm", Rəşad İlyasov  "Yar incidi", Cavanşir Məmmədov "Ceyranım gəl", Gülüstan Əliyeva "Ey pəri", Firuzə İbadova “Gəl gözəlim” Azərbaycan Televiziyası və Radiosunun solistləri Günay İmamverdiyeva "Bülbüllər oxur" (xalq mahnısı), Rəvanə Əmiraslanlı "Qaragöz"  və xanəndə Ariz Hüseynov “Buludlar” mahnılarını ifa ediblər.

İfaçıları  Xalq artisti Ağacəbrayıl Abasəliyevin bədii rəhbərliyi altında “Səadət” instrumental ansamblı müşayiət edib.

"Muğam atalarımızın mirasıdır və biz bu sənəti bütün dünyada inkişaf etdirməliyik. Muğam Yaxın və Orta Şərq mədəniyyətlərində yayılmış xüsusi sənət, ruhun və ürəyin musiqisidir. Mən öz valideynlərimə, hörmətli müəllimim,  muğam ifaçısı, Azərbaycanın əməkdar artisti Mansum İbrahimova ona görə minnətdaram ki, mənə muğamı sevdiriblər” – deyə əməkdar artist Arzu Əliyeva Bakucity.az-a  açıqlama verib.

Konsert, Arzu Əliyeva, Ravan Əmiraslanlı və Ariza Hüseynova tərəfindən ifa olunan "Leylam" adlı xalq mahnısı ilə başa çatıb.

Bakıda görkəmli xanəndənin xatirəsinə konsert həsr olunub - Foto, fotoşəkil-1 Bakıda görkəmli xanəndənin xatirəsinə konsert həsr olunub - Foto, fotoşəkil-2 Bakıda görkəmli xanəndənin xatirəsinə konsert həsr olunub - Foto, fotoşəkil-3

Hazırladı: Cəmilə Amirova

Xüsusi olaraq Bakucity.az üçün

Muğam Mərkəzi konsert
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər