Park Cinema 2018-ci ili “Qrinç”lə yola salır - FOTO

Park Cinema 2018-ci ili “Qrinç”lə yola salır - FOTO

Bakılılar növbəti Yeni il premyerasını gözləyir.

Bakucity.az xəbər verir ki, dekabrın 25-də “Park Cinema Park Bulvar”da rejissorlar Yarou Çeyni və Skott Moujerin “Qrinç” cizgi filminin qapalı nümayişi olub. Bu, Yeni İl bayramını oğurlamaq istəyən tərbiyəli introvert haqqında filmdir.   

Cizgi filmdə əsas qəhrəmanı britaniyalı aktyor Benedict Cumberbatch ("Sherlock"), digər qəhrəmanları isə Cameron Seeley, Rashida Jones, Farrell Williams və digərləri səsləndirib. 

2018-ci ilin sonuncu premyerasında jurnalistlər, aparıcılar və yerli şou biznes ulduzları iştirak edib.

Saytımıza açıqlama verən populyar televiziya aparıcısı Hüsniyyə Məhərrəmova nostalji və köhnə filmlərə yenidən qayıtmaq istəmədiyini, buna görə də premyeraya həvəslə gəldiyini deyib:

"Mən "Qrinç" filmini heç vaxt izləməmişəm, buna görə də bugünkü premyeradan nə gözləmək lazım olduğunu təsəvvür edə bilmirəm".

“Boutique Baku” jurnalının icraçı redaktoru və "Boutique Travel" jurnalının baş redaktoru Vyaçeslav Sapunov Bakucity.az-a bildirib ki, filmin hər kəsə yeni il əhval-ruhiyyəsi verəcəyini gözləyir:

"Biz yaxşı filmlərin adətən burada göstərildiyini bilirik, buna görə ümid edirəm ki, bu cizgi filmi gözləntilərimizi doğruldacaq".

“Blogger” Natella Kərimova da öz növbəsində Yeni il ənənəsinə dair fikirlərini bölüşdü:

"Bizim hər il Park Bulvarda toplaşmaq və yeni il öncəsi filmləri izləmək ənənəmiz var. Bundan əvvəl biz bir neçə il ardıcıl "Firs" filmini izlədik. Ümid edirəm ki, bu film "Firs" filmi kimi hər kəsdə əla əhval-ruhiyyə yaradacaq".

75,000, 000 dollar büdcəyə malik olan “Qrinç”, artıq nümayişlərdən 422,000,000 dollar qazanıb. Ekspertlər film barəsində müsbət fikirdədir, Benedikt Kamberbetçin ifası isə xüsusi olaraq fərqlənir. “Qrinçin “səs”ini tapmaq üçün mənə 5-6 gün lazım oldu. Qəhrəmanımın özəl səhər adət-ənənələri var. Hamısından olmasa da, bəzilərindən istifadə etdim”, - aktyorun özü deyib.

Şou başlamamışdan əvvəl “Park Cinema"nın piar meneceri Rüstəm Fətəliyev tamaşaçılara müraciət etdi:

“Bizim üçün “Qrinç”in nümayişi 2018-ci ilin son premyerasıdır. Bəli, Qrinç Yeni İli oğurlamaq istəyir, amma həmin bayramının rəmzlərindən biridir. Onu həm uşaqlar, həm də böyüklər sevir və mən əminəm ki, biz bunun şahidi olacağıq”.

Qeyd edək ki, “Qrinç” Azərbaycanda ümumi yayıma dekabrın 27-də çıxacaq. 

Biletləri “Park Cinema”nın rəsmi saytında (www.parkcinema.az), iOS və Android üçün tətbiq olunmuş əlavələrdən əldə edə bilərsiniz.

Park Cinema 2018-ci ili “Qrinç”lə yola salır - FOTO, fotoşəkil-1 Park Cinema 2018-ci ili “Qrinç”lə yola salır - FOTO, fotoşəkil-2 Park Cinema 2018-ci ili “Qrinç”lə yola salır - FOTO, fotoşəkil-3 Park Cinema 2018-ci ili “Qrinç”lə yola salır - FOTO, fotoşəkil-4 Park Cinema 2018-ci ili “Qrinç”lə yola salır - FOTO, fotoşəkil-5 Park Cinema 2018-ci ili “Qrinç”lə yola salır - FOTO, fotoşəkil-6 Park Cinema 2018-ci ili “Qrinç”lə yola salır - FOTO, fotoşəkil-7 Park Cinema 2018-ci ili “Qrinç”lə yola salır - FOTO, fotoşəkil-8

Hazırladı: Züleyxa İsmayılova

Bakucity.az

"Qrinç"
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər