Zirə" və "Sumqayıt" bu gün futbolçularını dəyişəcək

Zirə" və "Sumqayıt" bu gün futbolçularını dəyişəcək

İlk komanda arasında futbolçu əvəzləməsi gerçəkləşəcək.

Bakucity.az xəbər verir ki, Azərbaycan Premyer Liqasında çıxış edən “Zirə” və “Sumqayıt” klubları futbolçu yerdəyişməsinə dair razılığa gəliblər. 

Məlumata görə, əvəzləmə prosesi bu gün rəsmən həyata keçiriləcək. “Zirə” mərkəz müdafiəçisi Adil Nağıyevin əvəzində “Sumqayıt”da eyni mövqedə çıxış edən Bəxtiyar Həsənalızadəni heyətinə cəlb edəcək.

Qəsəbə təmsilçisinin hazırkı baş məşqçisi Samir Abasov ötən mövsüm “Sumqayıt”a rəhbərlik edib. Onun "gənclik şəhəri" təmsilçisindəki həmkarı Ayxan Abbasov isə “Zirə”dən bu ilin avqustunda ayırılıb.

Dəyişikliyin əsas səbəbi hər iki mütəxəssisin potensialına daha yaxşı bələd olduqları oyunçunu öz sərəncamlarında görmək istəyidir.

Daha əvvəl “Sumqayıt” “Neftçi”dən ayrılan qapıçı Rəşad Əzizlini heyətinə qatıb.

Bakucity.az

Sumqayıt Neftçi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər