Bakıda bayram süfrəsi neçəyə başa gələcək? - QİYMƏTLƏR

Bakıda bayram süfrəsi neçəyə başa gələcək? - QİYMƏTLƏR, Javid

Orta büdcəli ailə üçün süfrə

Yeni İlin gəlişinə bir neçə gün qalır. Hamı istəyir ki, bayram sadəcə şən yox, həm də bol bəzədilmiş süfrə arxasında keçsin. Amma bu bayramı evdə, ailənizlə birlikdə qeyd etmək qərarına gəlmisinizsə, “Yeni İl” menyusunu diqqətlə nəzərdən keçirməyiniz mələhətdir. Çünki məhsulların qiymətləri hər il dəyişir. Bu halda qənaət və ya nədənsə imtina etmək mütləq olur.  

Bakucity.az Yeni İli yaxşıca qeyd etməkdən ötrü Bakı sakinlərinə bayram masalarını bəzəmək üçün təxminən nə qədər pulun lazım olduğunu araşdırıb. Materialımızı təqdim edirik. 

Alınacaq məhsulların siyahısı

Qiymətləndirmə üçün biz orta büdcəyə malik ailənin ənənəvi bayram masasını bəzəyən Yeni İl menyusunu hazırladıq. 

Məsələn, dörd nəfərdən ibarət bir ailəni götürək. Bayram masasını bəzəmək üçün ilk olaraq biz “paytaxt salatı”, “şuba”, dil, pendir, kolbasa dilimləri və qırmızı kürülü sendviç hazırlamağı qərara aldıq.

Disert üçün isə portağal, mandarin, banan, alma və bayram tortu seçdik.

Bakıda bayram süfrəsi neçəyə başa gələcək? - QİYMƏTLƏR, fotoşəkil-1

Əsas yeməklər

Mağazadan aşağıdakı məhsulların da alınması lazım idi: ət, balıq, yumurta, tərəvəz, meyvə, düyü, noxud, içkilər və qənnadı məmulatları.

Plov və salatların hazırlanması üçün ortalama 48,72 manat xərcləmək lazım gəldi. 

Aldığımız kolbasa və pendir Rusiya istehsalıdır. Bu isə bizə 42 manata başa gəlib. 1 dana dilinə isə 7 manat verdik. Hazır dil də ala bilərdik, amma bu daha baha - 25 manata olacaqdı. Soyuq qəlyanaltımız olan sendviçi hazırlamaq 29 manata başa gəldi. 

Təbii ki, bayram masası kababsız olmaz. Bunun üçün isə biz quzu əti, qaraciyər və toyuq seçmək qərarına gəldik. Əgər əti özünüz bişirirsinizsə, 12 paylıq kabab üçün hər birindən 1 kq alsanız, bu sizə təxminən 20-25 manata başa gələcək. Yaxud lazım olan məhsulları alıb hər hansı bir kafedə və ya restoranda da hazırlada da bilərsiniz. Bu halda xərciniz 60-70 manat olacaq.

İçkilərdən üç növ təbii şirə və 2 şüşə kompot bizə kifayət etdi. Bu alış-veriş də 9.07 manata başa gəldi.

Şirniyyat menyusu

Bu gün demək olar hər super-marketdə gözəl və müxtəlif növdə tortlar satılır. Ancaq bu tortlar alıcıların istəklərinə həmişə cavab vermir, həm də onlar köhnə ola bilərlər. Lakin belə bir bayramı qeyd etmək üçün tortu xüsusi ixtisaslaşmış şirniyyat mağazasından sifariş etməyə dəyər. Bu bir az bahalı ola bilər, ancaq münasib qiymətə seçim etmək də mümkündür.

“Bon Appetit” məşhur şirniyyat məmulatları mağazasını götürək.  Burada bir kiloqramlıq tort 17-20 manata başa gəlir. 

Süfrəmizdə yer alan meyvələr üçün isə 5,87 xərclədik.

Bakıda bayram süfrəsi neçəyə başa gələcək? - QİYMƏTLƏR, fotoşəkil-2

Xülasə

Ümumilikdə hazırladığımız bayram masası 183,66 AZN təşkil edir. Biz xüsusi, həddən artıq sui-istifadəyə yol vermədik, bunlar kiçik bir ailə üçün nəzərdə tutulan ümumi məhsullar idi və buna görə də bayram süfrəsi minimum büdcəyə başa gəldi. Əlbəttə, lüks bir masa daha bahalı olardı, lakin araşdırmalarımız göstərir ki, Yeni İldə bu məhsullarla gözəl bayram masası qurmaq mümkündür.

Sonda məhsulları və qiymət cədvəlini təqdim edirik:

Ərzaqlar

Qiymətlər

Mal əti

11 manat

Quzu əti

12 manat

Toyuq

4,20 manat

Qaraciyər

9 manat

Dil

7 manat

Kartof

1 manat

Xiyar

8,80 manat

Pomidor

2,65 manat

Kök

1,45 manat

Turp

0,75 manat

Balıq

8,10 manat

İkra

29 manat

Yumurta

2,35 manat

Düyü

3.5manat

Mayanez

2,09 manat

Smetan

2,47 manat

Noxud

2,95 manat

“Doktorskaya” kolbasa

20 manat

Hisə verilmiş kolbasa

11 manat

Pendir

11 manat

Portağal

2,19 manat

Mandarin

1,49 manat

Alma

2,19 manat

Banan

4 manat

Tort

17 manat

İçkilər

1,34 manat

Bakucity.az

yeni İl
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər