Bakıda tramvay xətləri yenidən bərpa olunacaq – VİDEO

Bakıda tramvay xətləri yenidən bərpa olunacaq – VİDEO

Azərbaycanda ictimai nəqliyyat növlərinin artırılması nəzərdə tutulur

Bakucity.az xəbər verir ki, bir zamanlar Bakının simvolu olan tramvaylar regionda ilk dəfə məhz paytaxtda yaradılıb.

1924-cü ildə Bakıda ilk elektrik tramvayı açılıb. Həmin ildən 2000-ci illərə qədər əhalinin xidmətində olub. Sonra isə necə deyərlər, tarixə dönüb. İndi nə tramvaylar var, nə də həmin ab-hava.

Mütəxəssilərin fikrincə, yaxın dövrdə tramvayların işə düşməsi yalnız turistik nəqliyyat vasitəsi ola bilər, çünki sərnişindaşıma tramvaylarının yenidən qurulması üçün böyük vəsait və ondan başqa vaxt tələb olunur.

Fərhad Eyyubov – ekspert: “Ola bilər ki, şəhər ətrafında, müəyyən ərazilərdə turist daşımaları üçün gözəl formada yerinə yetirmək olar. Bu da iqtisadi nöqteyi nəzərdən deyil, paytaxtımıza turistlərin cəlb edilməsi üçün, gözəlləşdirmək üçün”.

Tramvay sistemi ekoloji cəhətdən də vacib hesab edilir.

Elməddin Muradlı – ekspert: “Bakıda ictimai nəqliyyat növü azdır. Proqramda da öz əksini tapan məsələ ondan ibarətdir ki, Azərbaycanda ictimai nəqliyyat növlərini sayı artırılsın. Burada həm tramvaylar nəzərdə tutulur, həm dəniz nəqliyyatı”.

Dünyanın bir çox inkişaf etmiş ölkələrində, Finlandiya, Almaniya, Norveç, İsveç, Türkiyədə tramvay vacib nəqliyyat növü hesab edilir. Bakıda isə tramvay sisteminin bərpası 2019-2023-cü illər ərzində reallaşacağı nəzərdə tutulur. Hansı istiqamətlərdə fəaliyyət göstərəcəyi barədə isə hələlik məlumat yoxdur. (ARB TV)

Video materialı təqdim edirik: 

Bakucity.az

Tramvay
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər