Bakının populyar və bahalı şadlıq sarayları - Xidmət və qiymətlər

Paytaxtın şadlıq sarayları müştərilərə nələr təklif edir?

Bakının biznes və əyləncə həyatında şadlıq sarayları xüsusi yeri tuturlar. Şadlıq saraylarının şəhər həyatında hədsiz vacib rol oynadığı tək-tük şəhərlərdən biridir Bakı. Bu məkanlar göstərdikləri xidmətlərə, presitjlərinə görə bir-birlərindən fərqlənirlər. Onların əsas funksiyası isə əlbəttə ki, toy və nişan mərasimləridir. Bakucity.az növbəti araşdırmasını paytaxtın populyar və bahalı şadlıq saraylarına həsr edib. Biz xidmətləri və qiymətləri öyrənməyə çalışmışıq. Araşdırmamızı təqdim edirik.

Müştəriyə təklif olunan xidmətlər

Bakının məşhur "Arena"  şadlıq sarayının administratoru Тurxan Mustafayev  deyir ki, onlarda tədbir  keçirmək üçün yalnız bir zal var, həmçinin, o, bu restoranda  daha çox toy şənliklərinin  keçirildiyini qeyd edib. Tədbirlər bir qayda olaraq 200-250 nəfər üçün təşkil olunur:

"Bizim müəssisəmizə müraciət edən müştərilər müğənni, ansambl, repertuar seçimi və qiymət sövdələşməsini özləri ayrıqlıda həll edə bilərlər. Amma bizim də öz ansamblımız və ifaçılarımız var. Əgər sifarişçi onların xidmətindən yararlanmaq istəsə, biz onların çıxışı üçün ödəniş almırıq. Bu, bizim müştəri üçün hədiyyəmizdir. Eyni qayda aparıcıya da şamil edilir. Video çəkiliş HD formatındadır və qiymət menyuya daxildir".

Mustafayevin sözlərinə görə müştərilər 300 manata başa gələn fotoalbom da sifariş verə bilərlər:  

"Bizdə müxtəlif cür şoular: lazer, od, su və s. sifariş etmək olar. Əgər mərasimdə qonaqların sayı çox olarsa, bu proqram bizim tərəfimizdən hədiyyə edilir. Əgər qonaqların sayı minimaldırsa, məsələn, alov şousu sifarişçiyə 150 manata başa gəlir".

Qiymətlər seçilmiş menyudan asılıdır

 "Premium Planet" şadlıq sarayının inzibatçısı Telman İsmayılov saytımıza açıqlamasında bildirdi ki, müəssisədə 600 və 400 nəfərlik olmaqla 2 zal fəaliyyət göstərir. Burada yalnız toy mərasimləri keçirilir. Şadlıq sarayındakı musiqi və videoçəkilişlər də menyuya daxildir.

"Müştərilərin istəyilə biz populyar estrada müğənnilərini dəvət edə bilərik, bunun üçün ödəniş də menyuya daxildir. Əgər toy 200 nəfər üçün nəzərdə tutulubsa, onda bu, təxminən 9000 manata başa gəlir. Ümumiyyətlə isə, qiymət seçilmiş menyudan asılıdır".

Bahalı seqment

Paytaxtın ən populyar və bahalı şadlıq saraylarından biri “Butapalace” sayılır. Bu müəssisədə 2 zal var: kiçik zala 200-250 nəfər,  böyük zala isə 300-800 nəfər sığışır.

"Bizdə menyunun dequstasiyası aşağı zalda həyata keçirilir. Qiymətləndirmədən sonra biz mərasim üçün seçilmiş yeməklərin siyahısını tərtib edirik. Menyunun qiyməti seçilmiş yeməklərdən asılı olur. Bu salonu tutmaq üçün  onun icarəsinə əvvəlcədən 15000 manat ödəmək lazımdır. Qiymətə zalın bütün cihazları; monitorlar, işıq effektləri və s. daxildir. Yuxarı zala görə isə əlavə icarə haqqı  ödənilmir, həm də menyu burada daha ucuzdur, amma bununla yanaşı, bizdə yüksək standartlara cavab verən cihazlar və işıq effektləri var", - deyə, restoranın əməkdaşı bildirib.

Xüsusi şou proqram

Şəhərin bahalı şadlıq saraylarından biri olan "Yeganə"nin  baş direktoru Azər Ağayev saytımız açıqlamasında şadlıq sarayında 3 zalın fəaliyyət göstərdiyini bildirdi:

“Ən böyük zalımız 400 nəfər üçün nəzərdə tutulub. Sifarişçilər istəsələr  xüsusi mütəxəssisləri; operator, ifaçı, musiqi qruplarını dəvət edə bilərlər. Həmçinin, biz də bu xidmətləri təklif edə bilərik. Maksimal qiymət bir nəfər üçün 80 manatdır. Lakin musiqi sifarişi 800-dən 1500 manata qədərdir və aparıcı xidməti də bu qiymətə daxildir. Mətbəx milli və Avropa təamlarından ibarətdir".

Ağayev həmçinin qeyd edib ki, restoranda videoçəkilişlər üçün 800-dən 3000-ə qədər ödəniş edilir. Əgər müştərilər istəsələr nigah məmurunu dəvət edib qeydiyyat mərasimini burada keçirə bilərlər. Belə olan halda, müştərilər bilavasitə VVAQ–la qiymət barədə özləri  razılığa gəlirlər.

"Bizim şadlıq sarayında  ad günləri kiçik toy mərasimləri və s. keçirilir.  Amma, daha çox toy mərasimləri olur. Müxtəlif ifaçılar dəvət etdiyimiz öz şou proqramımız da var. Daha çox isə gənc ifaçıları dəvət edirik. Təbii ki, buna görə əlavə ödəniş alınır. Məbləğ sifarişçilərin seçiminə görə, kimi dəvət edəcəyimizdən asılıdır. Qiymət 500-10000 manat arasında dəyişir", - deyə Ağayev bildirib.

Paytaxtdakı bəzi bahalı şadlıq saraylarındakı qiymətləri təqdim edirik: 

Şadlıq Evi

Qiymət

Arena

40-75 AZN

Planet Premium

48-56 AZN

Yeganə

50-80 AZN

Xanbağı

50-80 AZN

Neolit

50-90 AZN

Sərin

60-80 AZN

Meridian

50-100 AZN

Kral

80-130 AZN

Buta Palace

95-175 AZN

Seçim çətinliyi

Əlbəttə, haqqında bəhs etdiklərimiz şadlıq saraylarının kiçik bir qismidir, amma şadlıq saraylarında olan qiymətlər təxminən eynidir. Bu məkanlara müraciət edən şəxslərin qonaqların sayı, təxmini büdcə, şənliyin ümumi formatı barədə əvvəlcədən məlumat vermələri tövsiyyə olunur. Bu zaman seçim imkanları daha çox olur. 

Hazırladı: Züleyxa İsmayılova

Bakucity.az

Şadlıq sarayları
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Bakıda yararsız binaların söküntüsü davam edir. BakuCity.az  xəbər verir ki, yenilənən binaların sakinləri ilə sahibkar arasında rəsmi müqavilə bağlanır və onlar müvəqqəti digər yaşayış yerlərinə köçürülürlər. Hazırda işlər davam edir, mənzilləri sökülən sakinlər müvəqqəti kirayədə yaşadığı dövrdə onların kirayə haqları ödənilir. Sakinlərə evlərinin ölçülərinə uyğun olaraq 400-800 manat arasında kirayə haqqı ödənilir. Daha sonra sakinlər köçürüldükləri mən...
Cəmiyyət
Kürdəmirdə koronavirusa yoluxma sürətlənib. BakuCity.az xəbər verir ki, rayonun Sığırlı kəndində kütləvi yoluxma qeydə alınıb.  Ətraflı reportajı təqdim edirik: BakuCity.az
Cəmiyyət
Azərbaycanda indiyədək koronavirus infeksiyasından sağalanların sayı açıqlanıb. BakuCity.az xəbər verir ki, bu barədə Nazirlər Kabineti yanında Operativ Qərargah məlumat yayıb. Hazırkı dövrədək ölkəmizdə 4 122 nəfərin koronavirus infeksiyasına yoluxması faktı müəyyən edilib, onlardan 2 607 nəfər müalicə olunaraq sağalıb, 49 nəfər vəfat edib, 1 466 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 47 nəfərin vəziyyəti ağır, 5...
Hadisələr
Bakıda xəsarətlə nəticələnən yol-nəqliyyat hadisəsi baş verib. BakuCity.az xəbər verir ki, hadisə Nizami rayonunda qeydə alınıb. 8-ci km bazarının qarşısında yolu keçən 1983-cü il təvəllüdlü Novruzov Samir Əli oğlunu avtomobil vurub. Yaralı təcili yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub. Faktla bağlı araşdırma aparılır. (report) BakuCity.az
Cəmiyyət
Azərbaycanda karantin rejimi yenidən sərtləşdirilir? “Yaranmış situasiya xüsusi karantin rejiminin sərtləşdiirlməsinə əsas vermir. Qərargah sərtləşməyə qayıtmağı zəruri hesab etmir”. BakuCity.az xəbər verir ki, bunu Nazirlər Kabineti yanında Operativ Qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib. İ.Məmmədov şənbə-bazar günü hərəkətin məhdudlaşdırılması məsələsinə də toxunub: “Karantin rejiminin yumşaldı...
Ekologiya
25 mayda gözlənilən hava şəraiti. Milli Hidrometeorologiya Xidmətindən BakuCity.az-a verilən məlumata əsasən mayın 25-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə bəzi yerlərdə qısamüddətli yağış yağacağı gözlənilir. Arabir güclənən şimal-qərb küləyi günün ikinci yarısında mülayim şimal-şərq küləyi ilə əvəz olunacaq. Havanın temperaturu Abşeron yarımadasında gecə 12-14, gündüz 20-24, Bakıda gecə...
Cəmiyyət
İyunun 1-dən bəzi qadağalar qaldırılacaq. BakuCity.az xəbər verir ki, bu barədə "Tibbi Ərazi Bölmələrini İdarəetmə Birliyinin" (TƏBİB) İdarə Heyyətinin sədri Ramin Bayramlı məlumat verib. R.Bayramlı ayın 1-dən açılması müzakirə edilən sahələri açıqlayıb: "Bəzi qadağaların aradan qaldırılması 1 iyun tarixindən sonra gündəmdədir. Buraya ticarət mərkəzlərinin açılması, rayonlara gediş-gəliş və o cümlədən restoranların tam gün şəkildə fəaliyyətinin bərpa olunm...
Biznes
“Forbes” jurnalı koronavirus pandemiyası dövründə dünyanın 25 zəngin adamının qazancını hesablayıb. BakuCity.az xəbər verir ki, 23 martdan 22 maya qədər onlar 255 milyard ABŞ dolları qazanıb. COVID-19 pandemiyası dövründə ən çox gəliri “Facebook”un yaradıcısı Mark Zukerberq əldə edib. Onun gəliri 31,4 milyard ABŞ dolları artaraq 86,5 milyard ABŞ dollarına çatıb. Şirkətin səhmləri təqribən 60 faiz bahalaşıb. Dünyanın ən varlı adamı - “Amazon” şirkətinin rəh...
Cəmiyyət
Tibbi ləvazimatların idxal gömrük rüsumundan azad edilməsi müddəti uzadılıb. Azərbaycana gətirilən baxillər, steril və qeyri-steril əlcəklər, tibbi (cərrahiyyə əməliyyatı və ya prosedur üçün) maskalar və respiratorların idxal gömrük rüsumundan azad edilməsi müddəti daha bir ay uzadılıb. BakuCity.az xəbər verir ki, Nazirlər Kabineti bununla bağlı “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri...