Bakıda "Germanaijan" sərgisi keçirilir - FOTO

Bakıda "Germanaijan" sərgisi keçirilir - FOTO

Paytaxtda unikal sərgi keçirilib.

Bakucity.az xəbər verir ki, Alman-Azərbaycan Mədəniyyət Mərkəzi - “Kapelhaus”da Almaniya ilə Azərbaycan arasında dostluq münasibətlərinin 200 illiyinə həsr olunmuş "Germanaijan" adlı sərgi açılıb. 

Almaniya Federal Respublikasının Azərbaycandakı səfirliyi tərəfindən təşkil olunan sərgi Qafqazdakı Alman yaşayış məntəqələrinin 200 illiyinə həsr olunub. Tədbir Almaniyanın Xarici İşlər Nazirliyinin Mədəniyyətin Mühafizəsi Proqramı və Azərbaycan Respublikası Mədəniyyət Nazirliyi, həmçinin “Goethe-Zentruma”-nın, "Baku/Kapellhaus"-un maliyyə dəstəyi ilə həyata keçirilib.

Sərgidə “Siemens Tarix İnstitutunun” və Azərbaycan Milli Arxivinin təqdim etdiyi fotoqrafik materiallar və arxiv sənədləri xüsusi yer tutur.

Sərgidə müəllif layihələri - müasir sənədlər və sənətkarlıq nümunələri: Xenia Fink (Almaniya), Çinarə Məcidova (Azərbaycan), Tomas Marsden (Böyük Britaniya), Leyli Salayeva (Azərbaycan) və Samirə Salahovaya (Azərbaycan) məxsusdur.

"Germanaijan" sərgisində Bakıda Alman memarlar tərəfindən tikilmiş və Azərbaycan dövləti tərəfindən qorunub-saxlanılan onlarla memarlıq irsi abidələri diqqət mərkəzində olub.

"Kapellhaus" PR meneceri Sevil Zeynalovanın sözlərinə görə, bu sərginin yaranmasına hazırlıq təxminən 6 ay davam çəkib.

Sərginin kuratoru Əsli Səmədovadır.

Qeyd edək ki, sərgi fevralın 16-dək davam edəcək.

Bakıda "Germanaijan" sərgisi keçirilir - FOTO, fotoşəkil-1 Bakıda "Germanaijan" sərgisi keçirilir - FOTO, fotoşəkil-2 Bakıda "Germanaijan" sərgisi keçirilir - FOTO, fotoşəkil-3

Cəmilə Amirova

Bakucity.az

Sərgi Germanaijan
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər