Bakıda diyetik yemək təklif edən müəssisələr - ARAŞDIRMA

Diyetik qidaların çatdırılması xidmətləri neçəyə başa gəlir? 

“Sən nə yeyirsənsə, osan” bu sözləri hələ qədim Yunanıstanda yaşayan Hippokrat deyib. Min illər keçir və bir daha təsdiq olunur ki, bu kəlamda nə qədər böyük həqiqət var. Xüsusilə “fast-food”ların,  zərərli, yağlı qidaların yayıldığı, insanların ciddi şəkildə piylənmə problemləri yaşadığı müasir dövrümüzdə sağlam qidalanmanın əhəmiyyəti daha da artıb. Ona görə də bir çoxları qida rasionlarına fikir verirlər, bakılılar da bu mənada istisna deyillər, çox sayda insan diyetik yeməklərə üstünlük verməyə başlayıb. Bakucity.az paytaxtımızda sağlam  qida təklif edən müəssisələr barədə araşdırma aparıb. Materialımızı təqdim edirik. 

Sağlam qida mərkəzləri

Təəssüf ki, paytaxtda sırf diyetik yeməklər təklif etməkdə ixtisaslaşan mərkəzlərin sayı çox deyil. Amma müəyyən məkanlar var ki, onlar peşəkar diyetoloq, aşpaz və fitnes təlimçilərinin tövsiyyələri əsasında menyular hazırlayırlar. Belələrindən biri də “Slim Meal” mərkəzidir. 

“Slim Meal” “Şuba” və “Paytaxt salatı”nı 5 manata, “Sezar”ı 14 manata, küftəni 8 manata, dolmanı 7 manata, diyetik hazırlanmış müxtəlif ət və toyuq yeməklərini 5-6 manata təklif edir.  “İncəbelli” sağlam qida mərkəzinin konsepsiyasında da həkim-dietoloq və endokrinoloqların məsləhətləri nəzərə alınır. Bunun ardınca qidalanma proqramı tərtib olunur. Salatlarla yanaşı, müxtəlif ət yeməkləri, farş balıq və s. hazırlanır. Müştərilər 5 gün üçün 150 manat və ya 1 ay üçün 600 manat dəyəri olan paketləri seçə bilərlər. 

Sağlam qida təklif edən restoran və kafelər

Paytaxtdakı bəzi restoran və kafelər də müştərilərin arzusuna uyğun olaraq xüsusi növ pəhriz yeməkləri hazırlamaqla öyünürlər. Məsələn, “Baku Cafe”  restoranının administratoru Hacı Babayev deyir ki, kafe müştərilərə 13 manata avakado və üzümdən hazırlanan “Kinoa” salatı, 13 manata balıq salatı, cəmi 7 manata isə qırmızı soğanla pomidor salatı təklif edir. Bu müəssisədə eksklüziv və məhdud sayda olan burrato pendirli təam da təklif olunur. Bu nadir təamı yalnız bu müəssisədə dadmaq mümkündür.

“Barista&Chef”  restoranının baş aşpazı Ülviyyə Hacıyeva deyir ki, onlar qonaqlara 11 manata toyuq filesiylə “Çayna-taun” və “Kinoa”  təklif edirlər. Müştərilər 13,90 AZN-ə başa gələn kuskuslu ördək sifarişi etməyi də sevirlər. Restoranda daha bir eksklüziv pəhriz yemək olan “Madison Garden” meyvə salatı da verilir, bu, 7,9 manata başa gəlir. Ülviyyə xanımın sözlərinə görə, müştərilər kafedə zeytun yağında hazırlanan xumusdan ibarət qəlyananaltı edə bilərlər. Bu, restoranın ən populyar təamıdır. 

Çatdırılma və paketləmə xidməti

Bəzən nahar etmək üçün harasa getməyə imkan olmur, buna görə də yeməyi kafe və ya restorana sifariş verməli olursan. “Slim Meal” və “İncəbelli” kimi  qidalanma mərkəzləri sifarişlərin evə çatdırlmasıyla da məşğuldurlar. “İncəbelli” müştərilərinə axşamadək beşdəfəlik qidalanma xidməti göstərir. “Slim Meal” isə sifarişçinin seçdiyi vaxtlarda 6 yeməkdən ibarət fərdi menyu təklif edir. Yemək tam hazır gəlir, sifarişçiyə yalnız onu qızdırmaq və yemək qalır.

Kafe və restoranların əksəriyyətində isə belə deyil. Məsələn, “Papparoti” restoranı bu xidməti göstərmir, amma burda istədiyin yeməyi aparmaq üçün sifariş verə bilərsən. 

“Port Baku Mall”da fəaliyyət göstərən “Baku Cafe” çatdırılma ilə məşğuldur, amma bu yalnız yerləşdiyi  Xətai rayonu radiusunda mümkündür. Prinsipcə bunu anlamaq olur, axı çatdırılma vaxtı yeməyin keyfiyyətinə təsir edir. 

Xaricdə vəziyyət necədir?

Bəzi ölkələrdə pəhriz yeməklərinə çox diqqət edirlər və bu təamları arzu edənlərin sayı da çoxdur. Sırf diyetik yeməklər üzrə ixtisaslaşan müəssislərin də sayı bu ölkələrdə kifayət qədərdir. Məsələn, Rusiyada restoranlarının bəzilərində dəniz məhsullarından hazırlanan diyetik salatlar 1050 rubldan  (26,84 AZN) başlayaraq təklif olunur. Təzə tərəvəz və göyərtidən hazırlanan salatlar isə 485 rubl (12,39 AZN) qiymətinədir. Düyü və tərəvəz yeməyi 260 rubldan (6,65 AZN) başlayır. 400 rubla (10,23 AZN) verilən buxarda bişmiş losos çox məhşurdur.

Ümumi qəbul olunmuş belə bir fikir var ki, ən yaxşı diyetik qidaları yapon restoranları təklif edir. Onlarda həmişə dəniz məhsullarıyla zəngin azkalorili  qidalar - balıq sousları, suplar, babpuk yarpaqlarında suşilər və s. tapmaq olur. 

Təəsüf ki, Bakıda hələlik balanslaşdırılmış qida təklif edən müəssilərin sayı çox deyil. Bu yəqin ki, həm də bizim standart menyulara üstünlük verməyimizlə bağlıdır. Amma yerli kafe və restoranlar bu istiqamətdə fəaliyyətlərini gücləndirsəydilər, yaxşı olardı. Bəlkə də bu insanları düzgün qidalanmaya həvəsləndirərdi və üstəlik balanslı qidaya üstünlük verən qonaqlarımızın da ürəyincə olardı. 

Sonda oxucularımıza diyetik qidalar təklif edən müəssisələrin siyahısını və qiymətləri təqdim edirik:

Müəssisənin adı

Qiymət

Salat

Sup

Əsas yemək

“Slim Meal”

3-15 AZN

3-5 AZN

2-10 AZN

“Incəbelli”

Seçilən paketə görə

“Cafecity”

5,90-10,50 AZN

2,60-3 AZN

6,90-23 AZN

“Passage 145”

7-16 AZN

6-7 AZN

12-17 AZN

“Tea Garden” 145

5-10 AZN

4-5 AZN

3-32 AZN

“Barista & Chef”

7,90-11 AZN

___

13,90 AZN

“Baku Café”

7-16 AZN

6-9 AZN

10-27 AZN

“Papparoti”

8 AZN

5-7 AZN

___

Züleyxa İsmayılova

Bakucity.az

Dietik yemək
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
144 baxış martda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Mədəniyyət
Həmin gün kitabxanada tədbir də təşkil olunub Bakucity.az xəbər verir ki, martın 19-da M.F.Axundzadə adına Azərbaycan Milli Kitabxanasında “Cəfər Cabbarlı – 120”, “İsmayıl Şıxlı – 100”, “Mehdi Hüseyn – 110” və “Zeynal Xəlil – 105” adlı geniş kitab sərgilərinin açılışı olub. Milli Kitabxanadan verilən məlumata görə, həmin gün Novruz bayramı münasibətilə tədbir də keçirilib. Tədbiri kitabxananın direktoru Kərim Tahirov açaraq iştirakçıları tarixlərdən bəri s...
Cəmiyyət
Qatarların iş rejimində müvafiq dəyişikliklər edilməsi üçün tədbirlər görülüb Bakucity.az xəbər verir ki, “Bakı Metropoliteni” QSC fəaliyyətini istirahət günlərinin qrafikinə uyğun quracaq.  Artıq şəhərin müxtəlif ərazilərində keçiriləcək Novruz bayramı şənlikləri, xalq gəzintiləri və paytaxta gələcək qonaqların əsas axın istiqamətlərindən asılı olaraq, stansiyaların fəaliyyəti və qatarların iş rejimində müvafiq dəyişikliklər edilməsi üçün tədbirlər görülü...
Cəmiyyət
Transfer sərnişinlər miniklə bağlı heç bir narahatçılıqla üzləşməyəcəklər Bakucity.az xəbər verir ki, “Atatürk” hava limanının bağlanması ilə əlaqədar  AZAL-ın İstanbul istiqaməti üzrə bütün reysləri 7 apreldən etibarən yeni - "Istanbul New Airport" hava limanında həyata keçiriləcək.  Bununla bağlı “Azərbaycan Hava Yolları” QSC-nin mətbuat xidmətindən məlumat verilib.  2019-cu ilin yay uçuş cədvəli (31 martdan - 26 oktyabradək) çərçivəsində “Azərbaycan Hav...
Cəmiyyət
“Burada müsbət mənada nəhəng dəyişikliklər var" Bakucity.az xəbər verir ki, Dərbənd şəhərinin meri Hizri Əbəkərov paytaxt Bakı ilə bağlı xoş fikirlər söyləyib: "Bakı inkişaf baxımından çox böyük irəliləyişə nail olub, bu göz qabağındadır. Hər dəfə gələndə buna təəccüblənməmək mümkün deyil". H. Əbəkərov köhnə “Qara şəhər” ərazisində salınmış “Bakı Ağşəhər” yaşayış kompleksi ilə tanış olduğunu da deyib: “Burada müsbət mənada nəhəng dəyişikliklər var. Biz də...
Biznes
Sərgidə dünyanın 25 ölkəsini təmsil edən 200-dən artıq şirkət iştirak edəcək 15-17 may tarixlərində Bakı Ekspo Mərkəzində regionun ən genişmiqyaslı və ən çox ziyarət edilən sərgilərindən biri - 13-cü Azərbaycan Beynəlxalq Kənd təsərrüfatı “Caspian Agro” sərgisi keçiriləcək. Kənd təsərrüfatı üzrə aparıcı tədbir olan “Caspian Agro” sərgisi regionda kənd təsərrüfatı sahəsinin inkişafına, Azərbaycan Respublikasının aqrar-sənaye kompleksində mütərəqqi texnologi...
Cəmiyyət
Lazımi sayda əlavə avtobus xəttə buraxılacaq. Bakucity.az xəbər verir ki, Nəqliyyat, Rabitə və Yüksək Texnologiyalar Nazirliyi Novruz Bayramı günlərində əhalinin nəqliyyat, telekommunikasiya, o cümlədən telefon, internet, mobil rabitə, radio-televiziya yayımı və poçt xidmətləri ilə keyfiyyətli, eləcə də, dayanıqlı şəkildə təmin edilməsinə dair strukturuna daxil olan və strukturuna daxil olmayan tabeli qurumlar, həmçinin digər telekommunikasiya operatorları...
Cəmiyyət
Bayram gününə gözlənilən hava şəraiti açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Bakucity.az-a bildirilib ki, Bakıda və Abşeron yarımadasında sabah arabir yağış yağacağı gözlənilir.  Yarımadanın bəzi yerlərində intensiv olacağı ehtimalı var. Mülayim şimal-qərb küləyi əsəcək. Havanın temperaturu Bakıda və Abşeron yarımadasında gecə 4-6, gündüz 7-9 dərəcə isti təşkil edəcək. Atmosfer təzyiqi 762 mm civə süt...
Promo articles
“Ayan Studio” möhtəşəm endirimləri ilə xanımları sevindirəcək “Ayan Studio” yüksək səviyyəli xidmətləri və peşəkar ustaları ilə daim müştərilərin xidmətindədir. Fəaliyyətində daim keyfiyyəti və sağlamlığı əsas tutan “Ayan Studio” xanımları sevindirmək qərarına gəlib. O, müştərilərə şəhərin başqa heç bir yerində tapmayacaqları xüsusi endirimlər təklif edir.  Bakının Xətai rayonunda, Həzi Aslanov metrostansiyasının yaxınlığında yerləşən “Ayan studio” qadın g...
Cəmiyyət
Həmin hadisə zamanı 14 nəfər həlak olub, 49 nəfər yaralanıb Bakucity.az xəbər verir ki, Ermənistan xüsusi xidmət orqanlarının Bakı Metropolitenində törətdiyi terror aktından 25 il ötür. 1994-cü il mart ayının 19-da saat 13:00 radələrində Bakı metrosunun “20 Yanvar” stansiyasında terror aktı törədilib. Baş vaqona qoyulmuş saat mexanizmli əldə düzəltmə bomba qatar stansiyada dayananda işə düşüb. Terror aktının icraçısı partlayış zamanı ölüb. Həmin hadisə zam...