Bakıda "Qrafika 2019" sərgisi keçirildi - FOTO

Bakıda "Qrafika 2019" sərgisi keçirildi - FOTO

Paytaxtda "Azərbaycan təsviri sənətində qrafika: dünən və bu gün" adlı sərgi keçirilib.

Bakucity.az xəbər verir ki, yanvarın 8-də paytaxtdakı Xətai Sənət Mərkəzində “Qrafika 2019” adlı sərginin açılışı keçirilib. Sərgi ötən il “Azərbaycan Xalq Cümhuriyyəti ili” çərçivəsində elan olunmuş “Azərbaycan təsviri sənətində qrafika: dünən və bu gün” adlı rəsm müsabiqəsinin yekunlarına həsr olunub.

Tədbiri giriş sözüylə nazirliyin İncəsənət şöbəsinin Təsviri və dekorativ sənət sektorunun müdiri Qalib Qasımov açaraq müsabiqənin məqsədi haqqında bilgi verib. O, müsabiqənin müasir Azərbaycan sənətinin əsas növlərinin genişləndirilməsi və inkişaf etdirilməsinə yönəldiyini bildirdi. Həmçinin qrafika sənətinin ustalarının yaradıcılığına ictimai diqqətin cəlb edilməsinin vacibliyini qeyd edib.

Müsabiqənin münsiflər heyətinin sədri, Xalq rəssamı Arif Hüseynov isə bu yarışmanın ölkəmizdə qrafika sənətinin inkişafına güclü təkan verəcəyini qeyd edib. Vurğulayıb ki, müsabiqəyə 380-dən çox qrafika və qrafika yönlü əsərlər təqdim olunub, 76 əsər münsiflər heyəti tərəfindən seçilərək yekun sərgidə iştirak etmək hüququ qazanıb.

Tədbirin sonunda müsabiqənin qalibləri qiymətli sertifikatlar və yaddaqalan hədiyyələrlə təltif olunublar.

Jüri heyəti I yeri Əbülfəz Fərəcoğlu, II yeri Fəxrəddin Qəhrəmanlı, III yeri isə Mais Əliyevə verib.

Digər iştirakçılar həvəsləndirici mükafatlar alıblar.

Sərgi Xətai Sənət Mərkəzində yanvarın 18-də başa çatacaq.

Bakıda "Qrafika 2019" sərgisi keçirildi - FOTO, fotoşəkil-1 Bakıda "Qrafika 2019" sərgisi keçirildi - FOTO, fotoşəkil-2

Cəmilə Amirova

Bakucity.az

Qrafika 2019
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər