Bakı üçün tramvay, trolleybus, yoxsa metrobus?

Ekspertlər hesab edir ki, daha sərfəlisi trolleybus və metrobusdur

Son illərdə Azərbaycanda yol-nəqliyyat hadisələrinin sürətlə artması, habelə avtomobil sıxlığı, tıxac problemi, eyni zamanda ekoloji vəziyyət hökuməti düşünməyə vadar edib. Artıq bununla bağlı “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı” təsdiq edilib.

Bu proqramda yollarda təhlükəsizliyin təşkili əsas məqam kimi vurğulanır. Həmçinin velosiped yollarının çəkilməsi, tramvay xətlərinin bərpasının araşdırılması tövsiyə edilən yeniliklərdəndir.

Dövlət proqramında qeyd edilir ki, müəyyən edilmiş tədbirlərin həyata keçirilməsi nəticəsində 2013-2017-ci illərlə müqayisədə 2023-cü ilin sonunadək yol-nəqliyyat hadisələrində ölüm sayının 30 faiz, yol-nəqliyyat hadisələrində sağlamlığına ağır və ya az ağır zərər vurulan şəxslərin sayının 30 faiz, yol-nəqliyyat hadisələrinin ümumi sayının 30 faiz, yol-nəqliyyat hadisələrində uşaq ölümü hallarının 50 faiz azaldılması planlaşdırılır.

Proqramın təsdiqindən sonra Bakıda tramvay xətlərinin çəkiləcəyi əsas müzakirələr sırasındadır. Bu xətlər çəkilərsə, yol-nəqliyyat qəzalarının faizinin sürətlə aşağı düşəcəyi bildirilir. Bundan əlavə, tramvay xətlərindən daha çox trolleybus xətlərinin çəkilməsinin vacibliyi da müzakirələr sırasındadır. Arqument kimi də tramvay xətlərinin çəkilişinin daha yüksək məbləğ tələb etdiyi, eyni zamanda bunun üçün yol kənarlarında olan tikililəri sökməyin lazım gələcəyi bildirilir. Bunun da istər-istəməz müəyyən narazılıqlara yol açacağını indidən təxmin etmək olar. Hansı xəttin daha səmərəli olması barədə isə səslənən fikirlər müxtəlifdir.

Nəqliyyat məsələləri üzrə ekspert Ərşad Hüseynov “Yeni Müsavat”a bunları dedi: “5 illik Dövlət Proqramında belə bir müddəa var ki, Bakı şəhərində tramvay nəqliyyatının bərpası, yaradılması imkanları araşdırılsın. Orada yazılmayıb ki, mütləq edilsin. İmkanlar araşdırılsın deyəndə, bu bir tapşırıqdır. Bu, müxtəlif aspektlərdən araşdırılmalıdır. Məkan, sərnişin axınları baxımından yer müəyyən edilməlidir. Eyni zamanda iqtisadi baxımdan sərfəli olub-olmadığı da araşdırılmalıdır. Mənim fikrimcə, şəhərin mərkəzi hissələrində sovet dövründə olan tramvay xətlərinin bərpası mümkünsüzdür. Çünki bunu etmək üçün həmin küçələri tamam dağıtmaq lazımdır. Eyni zamanda bu o deməkdir ki, xətlərin bərpası zamanı hərəkət orada iflic olacaq. Tramvay xətləri salınan zaman həmin xətlər küçə, prospektin bir hissəsini tutacaq. Nəticədə nəqliyyatın hərəkəti daha da çətinləşəcək. Bu baxımdan şəhərin mərkəzi hissəsində tramvayın bərpası perspektivi yaxın gələcək üçün mümkün görünmür. Üstəgəl, bu iqtisadi cəhətdən də sərfəli deyil. Ondansa metrobus deyilən nəqliyyat növü var. Əslində o da tramvay xətti kimidir. Ora xüsusi avtobuslardan heç kəs girə bilməz. Mümkün olan yerdə bunu etmək olar. Yeri gəlmişkən, Dövlət Proqramında bu da var ki, ictimai nəqliyyatın digər növləri... Ümumi şəkildə qeyd olunub. Tramvayı bu və ya digər şəkildə bərpa etmək olar. Başqa şəbəkələşmə imkanları daxilində də Bakı ətrafında bu mümkün görünür.  Şəhərin yeni planlaşdırılan yerlərində də bunu etmək olar. Məsələn, lokal olaraq Ağ Şəhərdə bunu etmək mümkündür. Təbii ki, Ağ Şəhərdən kənara çıxanda aləm bir-birinə qarışacaq. Tramvaya oxşayan şəhərlərarası elektrik qatarları var. Onlarla uyğunlaşdırmaq olar. Dünyada belə bir təcrübə var. Şəhərətrafı elektrik qatarlarından başqa yüngül reysli nəqliyyat vasitəsi var, onlarla uzlaşdırılır. Misal üçün, şəhərətrafı qatar Mərdəkandan keçir, amma Mərdəkanın içərisindən onun stansiyasına tramvay xətti çəkilir. Bu da iqtisadi cəhətdən sərfəli olub-olmaması ilə bağlı edilir. Görək araşdırılan zaman dediklərimiz istiqamətində müsbət rəylər olsa, onu müəyyən yerlərdə həyata keçirmək olar. Unutmaq olmaz ki, tramvay xətləri üçün yol dağıdılmalı, reys qoyulmalı, tramvaylar alınmalı, tramvay parkı yaradılmalıdır. Amma şəhərdə tramvay parkı üçün yer yoxdur. Ona görə bunları ancaq şəhərdən kənarda etmək olar. Elektrik şəbəkəsi də yaradılmalıdır”.

İqtisadçı ekspert Vüsalə Əhmədova məsələyə bu cür şərh verdi: “Elektriklə çalışdığı üçün trolleybus sərfəli görünə bilər. Amma bunun bütün əraziləri əhatə etməsi qeyri-mümkündür. Heç şübhəsiz ki, tramvay xətlərinin bərpasının xərci çox bahalıdır. İstanbuldakı kimi metrobus da ola bilər. Orada metrobus əsas yolları əhatə edir”.

Bakucity.az

İctimai nəqliyyat
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
52 baxış martda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Mədəniyyət
Həmin gün kitabxanada tədbir də təşkil olunub Bakucity.az xəbər verir ki, martın 19-da M.F.Axundzadə adına Azərbaycan Milli Kitabxanasında “Cəfər Cabbarlı – 120”, “İsmayıl Şıxlı – 100”, “Mehdi Hüseyn – 110” və “Zeynal Xəlil – 105” adlı geniş kitab sərgilərinin açılışı olub. Milli Kitabxanadan verilən məlumata görə, həmin gün Novruz bayramı münasibətilə tədbir də keçirilib. Tədbiri kitabxananın direktoru Kərim Tahirov açaraq iştirakçıları tarixlərdən bəri s...
Cəmiyyət
Qatarların iş rejimində müvafiq dəyişikliklər edilməsi üçün tədbirlər görülüb Bakucity.az xəbər verir ki, “Bakı Metropoliteni” QSC fəaliyyətini istirahət günlərinin qrafikinə uyğun quracaq.  Artıq şəhərin müxtəlif ərazilərində keçiriləcək Novruz bayramı şənlikləri, xalq gəzintiləri və paytaxta gələcək qonaqların əsas axın istiqamətlərindən asılı olaraq, stansiyaların fəaliyyəti və qatarların iş rejimində müvafiq dəyişikliklər edilməsi üçün tədbirlər görülü...
Cəmiyyət
Transfer sərnişinlər miniklə bağlı heç bir narahatçılıqla üzləşməyəcəklər Bakucity.az xəbər verir ki, “Atatürk” hava limanının bağlanması ilə əlaqədar  AZAL-ın İstanbul istiqaməti üzrə bütün reysləri 7 apreldən etibarən yeni - "Istanbul New Airport" hava limanında həyata keçiriləcək.  Bununla bağlı “Azərbaycan Hava Yolları” QSC-nin mətbuat xidmətindən məlumat verilib.  2019-cu ilin yay uçuş cədvəli (31 martdan - 26 oktyabradək) çərçivəsində “Azərbaycan Hav...
Cəmiyyət
“Burada müsbət mənada nəhəng dəyişikliklər var" Bakucity.az xəbər verir ki, Dərbənd şəhərinin meri Hizri Əbəkərov paytaxt Bakı ilə bağlı xoş fikirlər söyləyib: "Bakı inkişaf baxımından çox böyük irəliləyişə nail olub, bu göz qabağındadır. Hər dəfə gələndə buna təəccüblənməmək mümkün deyil". H. Əbəkərov köhnə “Qara şəhər” ərazisində salınmış “Bakı Ağşəhər” yaşayış kompleksi ilə tanış olduğunu da deyib: “Burada müsbət mənada nəhəng dəyişikliklər var. Biz də...
Biznes
Sərgidə dünyanın 25 ölkəsini təmsil edən 200-dən artıq şirkət iştirak edəcək 15-17 may tarixlərində Bakı Ekspo Mərkəzində regionun ən genişmiqyaslı və ən çox ziyarət edilən sərgilərindən biri - 13-cü Azərbaycan Beynəlxalq Kənd təsərrüfatı “Caspian Agro” sərgisi keçiriləcək. Kənd təsərrüfatı üzrə aparıcı tədbir olan “Caspian Agro” sərgisi regionda kənd təsərrüfatı sahəsinin inkişafına, Azərbaycan Respublikasının aqrar-sənaye kompleksində mütərəqqi texnologi...
Cəmiyyət
Lazımi sayda əlavə avtobus xəttə buraxılacaq. Bakucity.az xəbər verir ki, Nəqliyyat, Rabitə və Yüksək Texnologiyalar Nazirliyi Novruz Bayramı günlərində əhalinin nəqliyyat, telekommunikasiya, o cümlədən telefon, internet, mobil rabitə, radio-televiziya yayımı və poçt xidmətləri ilə keyfiyyətli, eləcə də, dayanıqlı şəkildə təmin edilməsinə dair strukturuna daxil olan və strukturuna daxil olmayan tabeli qurumlar, həmçinin digər telekommunikasiya operatorları...
Cəmiyyət
Bayram gününə gözlənilən hava şəraiti açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Bakucity.az-a bildirilib ki, Bakıda və Abşeron yarımadasında sabah arabir yağış yağacağı gözlənilir.  Yarımadanın bəzi yerlərində intensiv olacağı ehtimalı var. Mülayim şimal-qərb küləyi əsəcək. Havanın temperaturu Bakıda və Abşeron yarımadasında gecə 4-6, gündüz 7-9 dərəcə isti təşkil edəcək. Atmosfer təzyiqi 762 mm civə süt...
Promo articles
“Ayan Studio” möhtəşəm endirimləri ilə xanımları sevindirəcək “Ayan Studio” yüksək səviyyəli xidmətləri və peşəkar ustaları ilə daim müştərilərin xidmətindədir. Fəaliyyətində daim keyfiyyəti və sağlamlığı əsas tutan “Ayan Studio” xanımları sevindirmək qərarına gəlib. O, müştərilərə şəhərin başqa heç bir yerində tapmayacaqları xüsusi endirimlər təklif edir.  Bakının Xətai rayonunda, Həzi Aslanov metrostansiyasının yaxınlığında yerləşən “Ayan studio” qadın g...
Cəmiyyət
Həmin hadisə zamanı 14 nəfər həlak olub, 49 nəfər yaralanıb Bakucity.az xəbər verir ki, Ermənistan xüsusi xidmət orqanlarının Bakı Metropolitenində törətdiyi terror aktından 25 il ötür. 1994-cü il mart ayının 19-da saat 13:00 radələrində Bakı metrosunun “20 Yanvar” stansiyasında terror aktı törədilib. Baş vaqona qoyulmuş saat mexanizmli əldə düzəltmə bomba qatar stansiyada dayananda işə düşüb. Terror aktının icraçısı partlayış zamanı ölüb. Həmin hadisə zam...