Bakı soyuq qışa hazırdırmı: bu qış bizi nələr gözləyir? - ARAŞDIRMA

Bakı soyuq qışa hazırdırmı: bu qış bizi nələr gözləyir? - ARAŞDIRMA, Javid

İlin soyuq dövrü yaxınlaşır.

Artıq yanvar ayını yaşayırıq, ardınca iki soyuq ay daha var. Bugünlərdə şəhər sakinlərini maraqlandıran əsas məsələlərdən biri Bakıya qarın yağıb-yağmayacağı, qışın soyuq, yoxsa mülayim keçəcəyi barədədir. Mətbuatda və sosial şəbəkələrdə bu barədə ziddiyətli xəbərlər yayılır. Məsələni dəqiqləşdirmək üçün Bakucity.az bu il qışın necə keçəcəyi, Bakının qışa hazılığı və paytaxt sürücülərinin qışda nəzərə almalı olduğu amillər barədə araşdırma aparıb. 

Suallarımıza cavab tapmaq üçün Ekologiya və Təbii Sərvətlər nazirliyinin Milli Midrometeorologiya Departamentinin hidrometeroloji proqnozlar bürosunun direktoru Gülşad Məmmədovaya müraciət etdik. 

Güclü şaxtalar gözlənilmir

Saytımıza açıqlama verən Gülşad xanım bildirib ki, bu qış paytaxt və bölgələrdə güclü şaxtalar gözlənilmir:

Bakı soyuq qışa hazırdırmı: bu qış bizi nələr gözləyir? - ARAŞDIRMA, fotoşəkil-1

“2019-un qış dövründə göstəricilərin klimatik normanın 0,5-dən 1 dərəcəyədək artacağı gözlənilir. Bu isə o deməkdir ki, güclü şaxtalar gözlənilmir. Əlbəttə, ölkə ərazisinə müxtəlif vaxtlarda havanın soyumasıyla nəticələnəcək arktik hava kütlələri daxil olacaq. Amma, bu davamlı xarakter daşımayacaq”.

Mütəxəssisin bildirdiyinə görə, ümumilikdə, paytaxtda sabit hava şəraiti üstünlük təşkil edəcək, şaxtalı günlər nisbətən az olacaq:

“Bununla belə, meteoroloji məlumatlara görə, yanvar və fevral aylarında havaların nisbətən soyuması müşahidə olunacaq. Bəzi dövrlərdə şaxtalı günlərin olacağı da istisna edilmir, qarın yağması ehtimalı var”.

Obyektlərin istiliklə təminatında vəziyyət necədir?

Əgər qarşıdakı günlərdə paytaxta qar yağması ehtimalı varsa, Bakı buna hazırdırmı?  Paytaxtın qışa hazır olub-olmadığını öyrənmək üçün “Azəristilik” ASC-in Abunəçilərə Xidmət Şöbəsinin rəisi Rafiq Əliyevə  müraciət etdik.

Rafiq Əliyev açıqlamasında bildirdi ki, qışda dövlət müəssisələri isitmə ilə bağlı problemlərlə üzləşməyəcəklər:

"Ümumilikdə respublikada artıq 3800 binada istilik sistemi işləyir. Paytaxtda “Azəristilik”in istiliklə təmin etməli olduğu bütün sosial müəssisələr - universitetlər, məktəblər, uşaq bağçaları, səhiyyə obyektləri kəskin soyuqlar düşərsə, heç bir problemlə üzləşməyəcəklər".

R.Əliyevin sözlərinə görə, artıq Bakıda evlərin 80 faizi mərkəzi isitmə sisteminə qoşulub və daha 20%-i  öz növbəsini gözləyir.

"Prezidentin imzaladığı fərmana müvafiq olaraq biz 100 faizlik nəticə almaq üçün bütün lazımi işləri görürük. Amma istiliksiz qalmış 20%-ə  qədər obyektlərin soyuq aylarda mərkəzi isitmə sisteminə qoşulmasına hələlik müvəffəq olunmayacaq,  - rəsmi vurğulayıb və əlavə edib: Bu layihə müəyyən kapital qoyuluşu tələb edir. Maliyyələşdirmənin prioritet istiqamətləri dövlət tərəfindən müəyyənləşdirilir.  Hər şey  bu işin həyata keçirilməsi üçün bizə nə qədər vəsait ayrılacağından asılıdır".

Abonentlərə Xidmət Şöbəsinin rəisi həmçinin vurğulayıb ki, davamlı güclü şaxtalar olarsa, Bakı Şəhər İcra Hakimiyyətinin sərəncamına əsasən, “Azəristilik” istilik mövsümünün müddətini uzadacaq.

Sürücülərin qış şinlərinə keçməsi tələb olunacaqmı?

Məlum olduğu kimi, paytaxt yollarında avtomobillərin qış şinlərinə keçməsi tələb olunmur. Amma maraqlıdır, Bakıda bununla bağlı vəziyyət nə yerdədir - görəsən,  güclü qar yağsa sürücülər şin almalıdırlarmı? Bu suala "OptimalServis"in şin satışı üzrə meneceri Şahin Balayev cavab verib:

"Ümumiyyətlə, bizim şəhərdə qar yollarda az qalır, ona görə də paytaxt sürücüləri qış rejiminə  keçmirlər. Amma bölgələrə tez-tez gedənlər həmişə qış şinləri alırlar".

Bakı soyuq qışa hazırdırmı: bu qış bizi nələr gözləyir? - ARAŞDIRMA, fotoşəkil-2

Menecerin dediyinə görə, Bakıda demək olar ki, keyfiyyətli və bahalı qış şinləri satılmır.  Bu isə yerli sahibkarların tələbatı bildiklərinə görə, bahalı məhsulları satışa çıxarmaması ilə nəticələnir. 

“Maşının markası da nəzərə alınmalıdır. Hər bir avtomobilin şininin öz ölçüsü var. Ona görə də, əgər vətəndaş qar yağacağını əvvəlcədən bilsə belə,  ona lazım olan şini tezliklə tapa bilməz”, - mütəxəssis deyib. 

Qış şinlərinin qiymətinə gəlincə isə, Ş.Balayevin sözlərinə görə, şinlərin satışı 140 manatdan başlayır,  bahalı avtomobillər üçün 450 manatacan şin tapmaq olar. 

Sonda

Araşdırmamızdan belə məlum oldu ki, bu il Bakıda kəskin hava şəraiti gözlənilmir. İctimai və sosial obyektlərin əksəriyyəti isə soyuğun gəlişinə hazırdır, amma istiliklə bağlı müəyyən çətinliklərlə üzləşəcək binalar mövcuddur. Bütün abonentlərin mərkəzi isitmə sisteminə qoşulma prosesinin başa çatacağı tarix isə, təəssüf ki, hələlik dəqiq bilinmir. Paytaxt sürücüləri böyük ehtimalla bu qış da qış üçün xüsusi şinlərə ehtiyac duymayacaqlar. 

Züleyxa İsmayılova

Bakucity.az

Hava durumu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər