Bakıdakı apteklərdə yoxlamalar başlayıb

Bakıdakı apteklərdə yoxlamalar başlayıb, Javid

Aptek sahiblərinə qarşı protokollar tərtib edilib

Bakucity.az xəbər verir ki, Səhiyyə Nazirliyinin Analitik Ekspertiza Mərkəzi paytaxtdakı apteklərdə yoxlamalara başlayıb.

Nazirliyin mətbuat xidmətinin rəhbəri Pərviz Abubəkirov faktı təsdiqləyib.

Abubəkirov bildirib ki, əhalinin təhlükəsiz və keyfiyyətli dərman vasitələri ilə təmin edilməsinə nəzarət məqsədilə plan üzrə yoxlamalar aparılır. Artıq 17 aptek yoxlanıb, onlardan 9-da nöqsanlar aşkarlanıb.

“Yoxlamalar zamanı aptekdə satılan dərman vasitələrinin sertifikatının, qeydiyyat vəsiqəsinin olmasına, dərmanların saxlama şəraitinə diqqət yetirilir, həmçinin Azərbaycan ərazisinə idxalına, saxlanmasına, istifadəsinə və satışına icazə verilməyən, istifadə müddəti bitmiş, keyfiyyətsiz, mənşəyi məlum olmayan, saxta dərman vasitələrinin satışının aparılmamasına nəzarət edilir. 9 aptekdə sertifikatı olmadan satılan 292 qutu dərman aşkarlanaraq götürülüb. Aptek sahiblərinə qarşı protokollar tərtib edilib, baxılması üçün aidiyyatı qurumlara göndərilir”, - mətbuat katibi əlavə edib. 

Abubəkirov deyib ki, plan üzrə yoxlamaların aparılması dövriliyi qanunvericiliyə görə - yüksək risk qrupuna aid edilən sahibkara münasibətdə ildə bir dəfədən çox olmayaraq, orta risk qrupuna aid edilən sahibkara münasibətdə iki ildə bir dəfədən çox olmayaraq, aşağı risk qrupuna aid edilən sahibkara münasibətdə üç ildə bir dəfədən çox olmayaraq dəyişir. Yoxlamalar davam edir. (Virtualaz.org)

Bakucity.az

Yoxlama
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər