BDU-da ekologiya ilə bağlı tədbir keçirildi - FOTO

BDU-da ekologiya ilə bağlı tədbir keçirildi - FOTO

Tədbir "Yaşıl Bakı" təşkilatı tərəfindən təşkil edilib

Bakucity.az xəbər verir ki, Bakı Dövlət Universitetində ekologiya və tullantıların təkrar emalı problemlərinə həsr olunan tədbir keçirilib.

Tədbir 2010-cu ilin iyul ayında tələbə fəallar tərəfindən yaradılan "Yaşıl Bakı" təşkilatı tərəfindən təşkil edilib.

"Yaşıl Bakı" təşkilatı küçələrdəki məişət tullantılarının azaldılması, ağacların əkilməsi işini həyata keçirir.

"Yaşıl Bakı" Gənclər Ekoloji Təşkilatının ən böyük təşəbbüsü əsasən tullantıların təkrar emalı ilə məşğul olan "Green Baku" startapını yaratmaq olub. 

 deyə “Green Baku”nun satış müdürü Abdul Tağı bildirib. 

"Startapımızın 3 xüsusi məqsədi var: biz 100% yerli məhsul yaratmaq niyyətindəyik. Təkrar istehsal məhsulları ölkə zavodlarının ərazilərindən əldə olunur. Məqsədimiz insanlara təkrar emalın əhəmiyyətini çatdırmaq, artıq işlənmiş məhsulların istifadəsini təmin etməkdir. Bu proses ağacların kəsilməsinin qarşısını ala bilər. İnsanlar yalnız məhsuldan zibil deyil, həm də zibildən əldə edilən məhsulların istehsal oluna biləcəyini anlamalıdırlar", - deyə “Green Baku” layihəsinin koordinatoru Ceyran Əsgərova bildirib.

Layihə çərçivəsində ali təhsil müəssisəsinin tələbələrinə ölkədəki ekoloji vəziyyət və onun ərazisində yeni eko-şirkətlərin inkişafı və məqsədləri barədə faydalı məlumatlar verilib. Dünyanın müxtəlif ölkələrindən olan könüllülər xüsusi eko-sistemləri təşviq etməklə yanaşı, həm də bu tədbirin təşkilində həvəslə iştirak ediblər.

Tədbirin sonunda bütün tələbələrə "Green Baku" şirkətinin eko-bloknotları hədiyyə edilib.

BDU-da ekologiya ilə bağlı tədbir keçirildi - FOTO, fotoşəkil-1 BDU-da ekologiya ilə bağlı tədbir keçirildi - FOTO, fotoşəkil-2 BDU-da ekologiya ilə bağlı tədbir keçirildi - FOTO, fotoşəkil-3 BDU-da ekologiya ilə bağlı tədbir keçirildi - FOTO, fotoşəkil-4 BDU-da ekologiya ilə bağlı tədbir keçirildi - FOTO, fotoşəkil-5

Cəmilə Amirova

Bakucity.az

I ECO startap
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər