Bakıda möhtəşəm "Coffee & Tea Festival"ı davam edir - FOTO

Bakucity.az festivaldan yazır

Bakucity.az xəbər verir ki, festival Beynəlxalq Qəhvə Birliyinin ("Specialty Coffee Association") təşkilatçılığı ilə keçirilir. Festivalda qəhvə və çay istehsalı, həmçinin idxalı ilə məşğul olan şirkətlərin sərgisi; aksesuarlar və avadanlıqlar nümayiş olunur. Məqsəd isə paytaxtda çay və qəhvə sənayesinin, biznesin inkişafı üçün keyfiyyətli fürsətlərin yaradılması, perspektivli əməkdaşlıq və təcrübə mübadiləsinin qazanılmasıdır. 

“SCA”nın Azərbaycan nümayəndəliyindən marketinq kordinatoru Aynur Tağıyeva Bakucity.az-a açıqlamasında bildirib ki, festivalda yerli təmsilçilərlə yanaşı qəhvə mədəniyyəti inkişaf etmiş ölkələrdən də iştirakçılar var:

“Festivalda yerli kofe və çay brendlərinin hamısı iştirak edir. Həmçinin, tədbirə qəhvə mədəniyyəti yüksək inkişaf etmiş Türkiyə, Kolumbiya, İtalya və s. kimi ölkələr də qatılıblar. Yanvarın 13-nə kimi davam edəcək festivalda çay və qəhvələr tamamilə pulsuz təqdim olunacaq. Satışda olan məhsullar isə, bazar qiymətlərindən 50%-ə qədər endirimlə təklif olunur. Çempionata isə sabah saat 12:15-də start veriləcək.”

Tədbirdə iştirak edən Türkiyə səfirliyinin Mədəniyyət və Turizm müşaviri İrfan Çiftçi festivalla bağlı fikirlərini Bakucity.az-la bölüşüb:

“Biz Bakıda ilk dəfə keçirilən çay və qəhvə festivalına Türkiyə Mədəniyyət və Turizm Nazirliyi olaraq türk qəhvəsini Azərbaycanda daha da geniş tanıtmaq məqsədi ilə qatılmışıq. Bizdə qəhvə mədəniyyəti tarixi çox qədimdir. Çünki qəhvəni dünyaya “Türk qəhvəsi” olaraq 500 il əvvəl məhz türklər tanıdıb. Az sonra isə Avropada modernizmin başlaması ilə qəhvənin önəmi də ortaya çıxdı ki, bunun da nəticəsində dünyada sürətlə qəhvə istehsalı və qəhvəxanaların açılma prosesi başlandı, qəhvə mədəniyyəti formalaşdı. Türk qəhvəsi haqqında türkülərimiz, filmlərimiz var, qəhvə falının sosial həyatımızda olan rolu isə böyükdür. Festival çox yaxşı başlayıb. Çalışacağıq ki, il ərzində qəhvə firmalarımızla birlikdə daha böyük layihələrə imza ataq və belə tədbirlərin davamına dəstək verək. Türk qəhvə mədəniyyəti kimi, Azərbaycanın çay mədəniyyəti də dərin tarixə malikdir və işıqlandırılması vacibdir. Xüsusilə indi, Azərbaycanın turizm ölkəsi olduğu bir vaxtda”, - deyə müşavir fikrini tamamlayıb.

Müşavirin müavini Adəm Keleş isə festivalın gözlənildiyindən də böyük coşqu ilə başladığını vurğulayıb:

“Bugünkü çay və qəhvə festivalı olduqca coşqulu və gözəl şəkildə başlayıb və davam edir. Türkiyə təmsilçisi olaraq isə qardaşlıqdan irəli gələn xüsusi qayğını və marağı açıq şəkildə hiss edirik. Türkiyənin bir nömrəli qəhvə brendi olan “Kuru kahveçi Mehmet efendi” ilə qatılmışıq festivala. “Bir fincan qəhvənin 40 il xətri var” deyimi ilə də yola davam edəcəyik”.

Bakıda keçirilən bu festivalı izləmək üçün xaricdən gələnlər də az deyil.

Tədbirə Ukraynadan qatılan azərbaycanlı xanım, qəhvə həvəskarı Günel Abdulrəhmanova fikirlərini saytımızla bölüşüb:

“Bakı doğma şəhərim olsa da, işimlə əlaqədar olaraq bura gec-gec gələ bilirəm. Lakin "Baku Coffee & Tea Festival"ına qatılmaya bilməzdim. Təşkilatçılara xüsusi təşəkkürümü bildirirəm ki, doğma şəhərimdə bu cür gözəl, yüksək səviyyətli festivalın keçirilməsinə zəmin yaradıblar”.

Qeyd edək ki, festivalın davamında Beynəlxalq Qəhvə Birliyinin (SCA) dəstəyi ilə barista arasında milli çempionat keçiriləcək. Çempionatın qalibi isə ixtisaslaşmış hakimlərdən ibarət beynəlxalq kollegiya tərəfindən seçilərək, Azərbaycanı 2019-cu ilin aprel ayında ABŞ-da keçiriləcək "World Barista Championship"da (Klassik Barista Çempionatı) təmsil edəcək.

"Baku Coffee & Tea Festival" 13 yanvara qədər davam edəcək.

Ramilə Qardaşxanqızı

Bakucity.az

Festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Kriminal
Ermənilərin dinc mülki əhalimizə qarşı cinayət əməllərini davam etdirir. Ermənistanın silahlı qüvvələri elan edilmiş humanitar atəşkəs rejiminin tələblərini kobud şəkildə pozmaqla dinc mülki əhalimizə qarşı cinayət əməllərini davam etdirir. BakuCity.az xəbər verir ki, bununla bağlı Baş Prokurorluqdan məlumat verilib. Verilən məlumata görə, 20.10.2020-ci il tarixdə səhər saatlarından başlayaraq düşmən tərəfin silahlı birləşmələri tərəfindən Tərtər rayonu mü...
Cəmiyyət
Ermənilər növbəti təxribatlarına əl atıblar. Azərbaycan Ordusunun cəbhənin müxtəlif istiqamətlərində əldə etdiyi uğurlar, torpaqlarımızın azad edilməsi hər birimizi qürurlandırır. Bu haqlı mübarizədə vətəndaşlarımız əsgər və zabitlərimizə dəstək olmağa çalışır. Ermənistan tərəfi isə vəziyyətdən sui-istifadə edərək, “Telegram” və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında v...
Cəmiyyət
Azərbaycan ordusu Zəngilan şəhəri və rayonun 6, Füzuli, Cəbrayıl, Xocavənd rayonlarının 18 kəndini işğaldan azad edib.  BakuCity.az xəbər verir ki, bu barədə Prezident İlham Əliyev televiziya ilə xalqa müraciətində deyib. Füzuli rayonu: Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri. Cəbrayıl rayonu: Sarafşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri. Xocavənd rayonu: Ağcakənd,...
Cəmiyyət
İşğalçı Ermənistan tərəfi Qarabağda gedən döyüşlərdə Azərbaycana məğlub olduğunu bir daha etiraf edib. BakuCity.az xəbər verir ki, Müdafiə Nazirliyinin nümayəndəsi Artsrun Hovhannisyan öz feysbuk hesabında geri çəkildiklərini bildirib: “Geri çəkilmə məğlubiyyət deyil, 1918 və 1941-ci ildə də bir geriçəkilmə var idi. 1992-ci ildə də eyni geri çəkilmə baş vermişdi”. BakuCity.az
Cəmiyyət
İgidlərimizi siz də tanıyın. Silahlı Qüvvələrin Ali Baş Komandanı İlham Əliyevin rəhbərliyi altında şanlı Azərbaycan Ordusunun keçirdiyi döyüş əməliyyatları uğurla davam edir. BakuCity.az xəbər verir ki, bu barədə Müdafiə Nazirliyinin yaydığı məlumatda bildirilib. Qeyd olunub ki, ordumuzun rəşadəti nəticəsində işğaldan azad edilən şəhər və kəndlərimiz Ermənistan silahlı qüvvələrindən təmizlənib və həmin ərazilər bölmələrimizin tam nəzarəti altındadır. Azər...
Cəmiyyət
Az sonra Prezident İlham Əliyevin xalqa müraciəti olacaq. BakuCity.az xəbər verir ki, bu haqda məlumat AZTV-də yayımlanıb. Çıxış bütün telekanallarda yayımlanacaq. BakuCity.az
Ekologiya
Bakıda oktyabrın 21-də gözlənilkən hava şəraiti açıqlanıb. Bakıda və Abşeron yarımadasında havanın dəyişkən buludlu olacağı, arabir tutulacağı, bəzi yerlərdə yağış yağacağı, günün ikinci yarısında əsasən yağmursuz keçəcəyi gözlənilir. Milli Hidrometeorologiya Xidmətindən BakuCity.az-a verilən məlumata görə, sabah mülayim şimal-qərb küləyi əsəcək. Havanın temperaturu Bakıda və Abşeron yarımadasında gecə 13-15, gündüz 17-19 dərəcə isti olacaq. Atmosfer təzyi...
Cəmiyyət
“Xəyallarımız puç oldu…” Ermənistan baş naziri Nikol Paşinyanın qızı Mariam Paşinyan sosial şəbəkə hesabında Dağlıq Qarabağdakı döyüşlərlə bağlı paylaşım edib. BakuCity.az xəbər verir ki, Mariam "Facebook” profilində pessimist notda yazdığı status erməni istifadəçilərdə ciddi narazılıq yaradıb. Ermənistan mətbuatı artıq baş nazirin ailəsinin belə bir bədbin ab-havada olmasını müzakirə mövzusuna çevirib. Ölkənin birinci ailəsinin dilindən bədbin ruhlu ifadə...
Cəmiyyət
“Tarixin axınının dəyişdiyi günlərdən keçirik”. BakuCity.az xəbər verir ki, bunu Milli Məclisin bugünkü iclasında Türkiyə Böyük Millət Məclisinin sədri Mustafa Şentop deyib.  Mustafa Şentop bildirib ki, insanlıq yeni arayışlar içərisindədir: “İkili standartlardan uzaq, bütün insanların bərabərliyinə dayanan dünyanın qurulması gərəkir. Dünyanın geopolitik və ekonomik nizamı sürətli şəkildə Asiyaya axır. Bəzi siyasət alimləri tərəfindən 21-ci əsr “Asiya əsri...