"Pinhani" Bakıda ilk konsertini verdi - FOTO

"Pinhani" Bakıda ilk konsertini verdi - FOTO

Qrup üzvləri saytımıza açıqlama verib.

Bakucity.az xəbər verir ki, Türkiyənin məşhur rok qrupu "Pinhani"nin konserti 12 yanvar, saat 20:00-da "Elektra Events Hall"da gerçəkləşib.

Qrup üzvləri konsertdən öncə Bakucity.az-a açıqlama veriblər:

Sinan: "Bakıya bu gün gəlmişik, hələlik sadəcə şəhəri avtomobillə gəzib bir də gözəl şam yeməyinə zamanımız olub, sabah isə gəzməli, görməli yerlərdə olub sonra gedəcəyik".

Hami: "Qardaş ölkədə olduğumuz bəlli olur, çünki bənzər çox şeyimiz var, xüsusi ilə də mədəniyyətimiz.  Burada özümüzü yad ölkədə hiss etmədik".

Eray: "Bu konserti illərdir arzulayırıq, sağ olsun dəstəkçilərimiz, bu günü bizə yaşatdı. Azərbaycanın mahnıları isə ara-sıra repertuarımızda yer alır, bu gün də "Ay qız" mahnısını ifa edəcəyik".

Selim isə bildirib ki, bu konsert üçün çox gecikiblər:

"Düzdür, bu görüş 5 il öncə olmalı idi, lakin yenə də, konsertin əyləncəli keçəcəyinə inanırıq, çünki buradaki sevənlərimizdən xeyli mesaj almışıq və onların zövqünü oxşamağa çalışacağıq. Həm də bu günü çox gözləmişik".

Təşkilatçılardan Zahid Cabbarlının sözlərinə görə, konsertə 2000-dən artıq bilet satılıb. 

Qeyd edək ki, 4 saat davam edən konsert proqramından sonra Pihani estafeti DJ Çinaya ötürüb, o, isə gecə saat 00:00-a kimi konsert iştirakçılarını elektro musiqi parçaları ilə əyləndirib.

Qrup üzvləri sonda onu da qeyd edib ki, Bakıya növbəti gəlişin səbəbi burada tamamilə ödənişsiz konsert proqramı ilə çıxış etmək ola bilər.

Xatırladaq ki, "Kabak yelleri" teleserialının "soundrtack"i "Hele bi gel" mahnısı ilə məşhurlaşan "Pinhani" Bakıda ilk dəfə konsert verib.

Ramilə Qardaşxanqızı

Bakucity.az

Pinhani
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər