“Ağ şəhər” qalereyasında “Həyat şəfqəti” adlı sərgi açıldı - FOTO

“Ağ şəhər” qalereyasında “Həyat şəfqəti” adlı sərgi açıldı - FOTO, Javid

Sərgidə 40-a yaxın əsər nümayiş olunub

Bakucity.az xəbər verir ki, gənc rəssam Fidan Əliyevanın "Ağ şəhər" İncəsənət Qalereyasında "Həyat şəfqəti" adlı fərdi sərgisi  açılıb.

Sərgidə 40-a yaxın əsər nümayiş olunub. Əsərlərində orijinal kompozisiya və üslub müxtəlifliyi nəzərə çarpıb. F.Əliyeva Bakucity.az-a açıqlamasında bildirib: "İstəyirəm mənim işim insanlarda həyat eşqi yaratsın".

Xalq rəssamı Səlhəb Məmmədovun sözlərinə görə, bu sərgi, gənc rəssamın üçüncü sərgisidir. Gənc olmasına baxmayaraq, əsərləri özünəməxsusluğu və informativ xarakteri ilə fərqlənir və bu sərgi rəssamın  yüksək peşəkarlığını nümayiş etdirir. Onun yaradıcılığında isə Azərbaycanın təbiətinin gözəlliyini əks etdirən əsərlər xüsusi yer tutur.

Gənc sənətkarın yaradıcılığı haqqında danışılanlardan və sərgidən məlum olub ki, əsərlərdə rəssamın yeni bir ifadə tərzini, özünü və fərdi üslubunu tapmaq həvəsi var.

Sərgi yanvarın 21-dək davam edəcək. (Fotolar AzərTaca-a məxsusdur)

Bakucity.az

Sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər