Azərbaycan və Çinin birgə əməkdaşlığı - Bakının tranzit rolu artırılacaq - FOTO

Azərbaycan və Çinin birgə əməkdaşlığı - Bakının tranzit rolu artırılacaq - FOTO

Üçtərəfli anlaşma memorandumu imzalanıb.

Bakucity.az xəbər verir ki, yanvarın 16-da Pekində Azərbaycan Turizm Bürosu, Azərbaycan Hava Yolları və Çin Xalq Respublikasının aparıcı turizm şirkəti “ETI-Holidays” (Beijing HUAYUAN International Travel co., LTD) arasında üçtərəfli anlaşma memorandumu imzalanıb. 

Dövlət Turizm Agentliyinin bildirdiyinə görə, memorandumda Pekin-Bakı təyyarə uçuşlarında çinli turistlərin Azərbaycana səfəri və Bakı üzərindən digər ölkələrə səfərinin təşkil edilməsi ilə Bakının tranzit rolunun artırılması düşünülüb.

Eləcə  də “ETI-Holidays” şirkəti Azərbaycanın turizm potensialının təbliğinə və yeni destinasiya brendinin yerli turistlərə tanıdılması işinə dəstək verəcək. 

Memorandum Azərbaycan və Çin arasında turizm əlaqələrinin genişlənməsinə xidmət edəcəkdir. 

2018-ci ilin dekabr ayından etibarən isə Çinin Pekin şəhərində Azərbaycan Turizm Bürosunun rəsmi nümayəndəliyi fəaliyyətə başlayıb. 

Azərbaycan və Çinin birgə əməkdaşlığı - Bakının tranzit rolu artırılacaq - FOTO, fotoşəkil-1 Azərbaycan və Çinin birgə əməkdaşlığı - Bakının tranzit rolu artırılacaq - FOTO, fotoşəkil-2

Bakucity.az

Çin Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər