Bakıda “Maestro & Artists” adlı sərgi keçirilib - FOTO

Bakıda  “Maestro & Artists” adlı sərgi keçirilib - FOTO

Sərgi rəssam Arif Əzizin 75 illik yubileyinə həsr olunub.

Bakucity.az xəbər verir ki, yanvarın 15-də Muzey Mərkəzinin sərgi qalereyasında Xalq rəssamı, Dünya Rəssamlıq Akademiyasının Bakı nümayəndəliyinin rəhbəri, Mədəniyyət və İncəsənət Universitetinin professoru, “Şöhrət” ordenli Arif Əzizin və tələbələrinin “Maestro end Artists” adlı sərgisi açılıb.

Günün qəhrəmanını təbrik etmək üçün tanınmış rəssamlar, aktyorlar, rejissorlar, televiziya aparıcıları, maestronun tələbələri, həmçinin Fövqəladə Hallar naziri Kamaləddin Heydərov da sərgidə iştirak edib.

Rəssamın 75 illik yubileyinə həsr olunmuş sərgidə onun və 100-ə yaxın tələbəsinin əsərləri nümayiş edilib.

Bakucity.az-a verdiyi açıqlamada, Arif Əziz gələcək nəsillərin fəaliyyətinin inkişafının vacibliyini vurğulayıb:

"Bu gün mənim üçün əsl bayramdır, çünki sərgidə təkcə mənim deyil, həm də tələbələrim işləri təqdim olunur. 30-40 il əvvəl məzun olan və hazırda təhsil alan sənətkarlar... Bu gün onların hamısını birlikdə görməkdən çox məmnunam! Əsərlər çox maraqlıdır, hər kəsi təbrik edirəm”.

Fransanın Azərbaycandakı səfiri Aurelia Bouchez təqdim olunan əsərlər barədə səmimi heyranlığını ifadə edib:

"Bu, ən məşhur sənətkarlardan birinin möhtəşəm sərgisidir. Bu layihədə müxtəlif rəssamların müxtəlif cərəyanlarda işlədikləri əsərlərlə tanış olmaq imkanı var. Bu sənət əsl hədiyyədir, fərdi üslublar - bu isə əsil uğurdur”.

Rəssam Əli Şamsi isə Arif Əzizin və onun tələbələrinin əsərlərində olan davamlı inkişafdan bəhs edib:

"Bu sərgi bu günün ritminə uyğun hərəkət edir. Təqdim olunan əsərlərdə gələcəyin dinamikasını görə bilərsiniz. Hesab edirəm ki, Arif müəllimin tələbələri heç nədən qorxmamaq və yalnız irəli hərəkət etməyin lazım olduğunu göstərirlər".

Aktyor, rejissor, publisist, rəssam, Azərbaycanın əməkdar artisti Bəhram Bağırzadə Bakucity.az-a maestro ilə uzunmüddətli dostluq münasibətlərindən danışıb:

"Arif müəllim mənim ağsaqqalım, mənim müəllimimdir.  O, 80- 90-cı illərində yaşayan gənclərə gözəl geyinməyi, düzgün yaşamağı və danışmağı, cəmiyyətdə davranmağı, özümüz olmağı, gerçək bir vətəndaş olmağı öyrədib. Onu 1989-cu ildən, yəni tam 30 ildən bəri tanıyıram. Onu sevirəm, ona hörmət edirəm, ona can sağlığı və uzun ömür arzuluyıram."

Tədbirdə Aysel Mansurova, Ravana Kamilzadə, Azər Əliyev, Zöhrab Cabbarov, Gülçin Malikova, Jalə İbrahimova, Şarqiya Əfəndizadə, Bəhram Bağırzadə, Vəfa Nadirzadə, Pərviz Heydəroğlu, Aysel Əziz, Vüqar Əli, Mir Azər Abdullayev, Ülvi Abdullayev, Lalə Abdullayeva, Sevinc Ələsgərova, Fəxriyyə Məmmədova və s. kimi bir çox məşhur rəssamların əsərləri nümayiş etdirilib. 

Arif Əzizin 75 illik yubileyi çərçivəsində təşkil edilən silsilə sərgilər sırasında hazırkı ekspozisiyanı üslub və janr əlvanlığından asılı olmayaraq xarakterizə edən əsas, prinsipial amil rəssamın bu günədək tələbələrinə öyrətdiyi səmimiyyətdir. Konseptual sərgi silsiləsini davam etdirən “Maestro end Artists” qrup sərgisi rəssamın yubileyi çərçivəsində Azərbaycan və onun hüdudlarından kənarda təşkil olunan tədbirlər sırasında unikal mahiyyətli bir layihədir. Müasir incəsənətimizin yeni formatlı sərgisində rəssam-maestro öz tələbələrinin əhatəsində təqdim olunur.

Qeyd edək ki, sərgi yanvarın 18-dək davam edəcək.

Bakıda  “Maestro & Artists” adlı sərgi keçirilib - FOTO, fotoşəkil-1 Bakıda  “Maestro & Artists” adlı sərgi keçirilib - FOTO, fotoşəkil-2 Bakıda  “Maestro & Artists” adlı sərgi keçirilib - FOTO, fotoşəkil-3 Bakıda  “Maestro & Artists” adlı sərgi keçirilib - FOTO, fotoşəkil-4 Bakıda  “Maestro & Artists” adlı sərgi keçirilib - FOTO, fotoşəkil-5 Bakıda  “Maestro & Artists” adlı sərgi keçirilib - FOTO, fotoşəkil-6 Bakıda  “Maestro & Artists” adlı sərgi keçirilib - FOTO, fotoşəkil-7 Bakıda  “Maestro & Artists” adlı sərgi keçirilib - FOTO, fotoşəkil-8 Bakıda  “Maestro & Artists” adlı sərgi keçirilib - FOTO, fotoşəkil-9 Bakıda  “Maestro & Artists” adlı sərgi keçirilib - FOTO, fotoşəkil-10 Bakıda  “Maestro & Artists” adlı sərgi keçirilib - FOTO, fotoşəkil-11 Bakıda  “Maestro & Artists” adlı sərgi keçirilib - FOTO, fotoşəkil-12 Bakıda  “Maestro & Artists” adlı sərgi keçirilib - FOTO, fotoşəkil-13 Bakıda  “Maestro & Artists” adlı sərgi keçirilib - FOTO, fotoşəkil-14 Bakıda  “Maestro & Artists” adlı sərgi keçirilib - FOTO, fotoşəkil-15 Bakıda  “Maestro & Artists” adlı sərgi keçirilib - FOTO, fotoşəkil-16 Bakıda  “Maestro & Artists” adlı sərgi keçirilib - FOTO, fotoşəkil-17 Bakıda  “Maestro & Artists” adlı sərgi keçirilib - FOTO, fotoşəkil-18 Bakıda  “Maestro & Artists” adlı sərgi keçirilib - FOTO, fotoşəkil-19 Bakıda  “Maestro & Artists” adlı sərgi keçirilib - FOTO, fotoşəkil-20 Bakıda  “Maestro & Artists” adlı sərgi keçirilib - FOTO, fotoşəkil-21

Züleyxa İsmayılova

Bakucity.az

Arif Əziz
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər