Bakının “Babək” prospektindəki təmir işləri axşama kimi başa çatacaq

Bakının “Babək” prospektindəki təmir işləri axşama kimi başa çatacaq, Javid

Yolun 200 metrlik hissəsi bağlanıb

“Bir müdət idi ki, Babək prospektində çökmə yox, asfalt örtüyünün qabarması halı müşahidə olunurdu. Bu vəziyyət sadəcə yolda yox, səkidə və səkidən kənar hissələrdə də var idi". 

Bu sözləri Azərbaycan Dövlət Avtomobil Yollarının sözçüsü Anar Nəcəfli açıqlamasında bildirib:

"Aydın oldu ki, bu yol əvvəllər neft tullantılarının ərazisi olub. Yol həmin neft tullantılarının üzərindən çəkildiyinə görə, kiçikhəcmli bir problem yaşanıb. Yəni yolun yeni təmir olunmasının buna heç bir aidiyyatı yoxdur. Bu qabarmalar yolun kənarlarında da müşahidə olunur. Cəmi 2-3 kvadrat metrlik ərazidə bu hal yaşanıb və həmin ərazi qaşınaraq yenidən bərpa olunur.

Bu səbəbdən yolun 200 metrlik hissəsi bağlanıb. Avtonəqliyyat vasitələrinin hərəkəti yardımçı yol vasitəsi ilə təmin edilib”.

Yolda təmir işləri axşam saatlarına kimi başa çatacaq. (Qafqazinfo)

Bakucity.az

Babək prospekti
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər