Bakıda yeni diaspor saytı fəaliyyətə başladı

Bakıda yeni diaspor saytı fəaliyyətə başladı, Javid

Sayt Azərbaycan, rus və ingilis dillərində fəaliyyət göstərəcək 

Bakucity.az xəbər verir ki, Azərbaycanda mətbuat orqanlarının sırasına yeni xəbər saytı daxil olub. Diaspor sahəsində ixtisaslaşmış xəbər saytı olan "DiasporPress.az" fəaliyyətə başlayıb.

Xəbər portalında xaricdə yaşayan azərbaycanlıların fəaliyyəti və onlarla əlaqələrin genişləndirilməsi, eləcə də onların təsis etdiyi diaspor təşkilatları, habelə Azərbaycanla dostluq münasibətində olan digər xalqların diasporları ilə əlaqələrin möhkəmləndirilməsi, bu sahə ilə bağlı olan bütün fəaliyyətlərin operativ və müntəzəm şəkildə işıqlandırılması təmin ediləcək.

Azərbaycan, rus və ingilis dillərində fəaliyyət göstərən saytda diaspor xəbərləri ilə yanaşı, ölkədə və dünyada baş verən ictima-siyasi, sosial-iqtisadi, mədəni və geosiyasi mövzuları əhatə edən xəbərlər yayımlanacaq. Bununla yanaşı, müxtəlif sahələrdən bəhs edən müsahibələr, təhlillər, reportajlar, müəllif yazıları işıqlandırılacaq.

Qeyd edək ki, saytın təsisçi və baş redaktoru diaspor məsələləri üzrə ekspert Toğrul Allahverdilidir.

Bakucity.az

yeni sayt
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər