Bakıda qonaq olan italiyalı məşhurlar jurnalistlərlə görüşüb

Bakıda qonaq olan italiyalı məşhurlar jurnalistlərlə görüşüb

İtaliya-Azərbaycan Beynəlxalq Film Festivalı öz işinə başlayıb.

Bakucity.az xəbər verir ki, Bakıda ilk dəfə keçiriləcək və 5 gün (25-30 Yanvar) davam edəcək İtaliya-Azərbaycan Beynəlxalq Film Festivalı dünən öz işinə başlayıb. 

Nizami Kino Mərkəzində gerçəkləşən festivalda Azərbaycan və italiyalı mütəxəssislərdən ibarət münsiflər heyəti tərəfindən seçilmiş hər 2 ölkənin istehsalı olan 15 film bir neçə seans şəklində nümayiş olunacaq. 

Festivalın qalibləri xüsusi hazırlanmış “Zoroaster award” ilə qala gecəsində mükafatlandırılacaqlar.

Festivalın direktoru, ssenarist və rejissor Klaudio Rossi Massimi, mükafatlandırma mərasiminin rəhbəri isə “La Piovra” serialında canlandırdığı Tano Cariddi obrazı ilə keçmiş Sovet məkanında məşhur olan italiyalı aktyor və rejissor Remo Girone və başqaları festival öncəsi jurnalistlərlə görüşüb. 

Bakucity.az-a açıqlama verən Remo Girone Azərbaycan filmləri barədə geniş məlumata sahib olmadığını bildirib:

“Mən bilirəm ki, Azərbaycanda, xüsusilə də Bakıda İtaliya filmləri sevilir, lakin bu mənim günühımdır ki, mən sizin filmlər barədə çox məlumatlı deyiləm. Bakıya gəlincə, çox gözəl şəhərdir, İçəri Şəhərin özü köhnə Romanı xatırladır. Burada mənə film sənayesi ilə bağlı təklif gələrsə, çox böyük məmnuniyyətlə qəbul edərəm və şad olaram”.

C.R.Massimi isə çıxışında İtalyadan gələn digər qonaqları təqdim edib və festivalla bağlı ümumi fikirlərini bildirərək məlumat verib:

“Təbii ki, məqsədimiz İtalya-Azərbaycan kino sənayesinin keçmişini və bugününü təbliğ etmək, hər iki ölkənin filmlərində olan oxşar və fərqli cəhətləri nümayiş etdirmək, həmçinin beynəlxalq bazarın fəaliyyətini təşviq etməkdir. Biz Bakıda olmaqdan məmnunluq hissi duyduq, ümid edirik ki, əlaqələrimiz genişlənəcək”.

Festival çərçivəsində ilk film dünən saat 18:30-da Nizami Kino Mərkəzində nümayiş olunub.

Qeyd edək ki, festival Azərbaycan Respublikasının Mədəniyyət Nazirliyi, “İmage Group” film istehsalı şirkəti, “United Cultures” və “Sanro Tedi editor” şirkətləri tərəfinfən təşkil olunub. 

Bakıda qonaq olan italiyalı məşhurlar jurnalistlərlə görüşüb, fotoşəkil-1 Bakıda qonaq olan italiyalı məşhurlar jurnalistlərlə görüşüb, fotoşəkil-2 Bakıda qonaq olan italiyalı məşhurlar jurnalistlərlə görüşüb, fotoşəkil-3 Bakıda qonaq olan italiyalı məşhurlar jurnalistlərlə görüşüb, fotoşəkil-4 Bakıda qonaq olan italiyalı məşhurlar jurnalistlərlə görüşüb, fotoşəkil-5 Bakıda qonaq olan italiyalı məşhurlar jurnalistlərlə görüşüb, fotoşəkil-6 Bakıda qonaq olan italiyalı məşhurlar jurnalistlərlə görüşüb, fotoşəkil-7 Bakıda qonaq olan italiyalı məşhurlar jurnalistlərlə görüşüb, fotoşəkil-8 Bakıda qonaq olan italiyalı məşhurlar jurnalistlərlə görüşüb, fotoşəkil-9 Bakıda qonaq olan italiyalı məşhurlar jurnalistlərlə görüşüb, fotoşəkil-10 Bakıda qonaq olan italiyalı məşhurlar jurnalistlərlə görüşüb, fotoşəkil-11 Bakıda qonaq olan italiyalı məşhurlar jurnalistlərlə görüşüb, fotoşəkil-12 Bakıda qonaq olan italiyalı məşhurlar jurnalistlərlə görüşüb, fotoşəkil-13 Bakıda qonaq olan italiyalı məşhurlar jurnalistlərlə görüşüb, fotoşəkil-14

Ramilə Qardaşxanqızı

Bakucity.az

festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər