Bakıda "Şaxta Baba ucqar kəndlərdə" adlı sərgi keçirildi - FOTO

Bakıda "Şaxta Baba ucqar kəndlərdə" adlı sərgi keçirildi - FOTO

Sərgi sosial layihə çərçivəsində həyata keçirilib.

Bakucity.az xəbər verir ki, yanvarın 25-də “YARAT ARTIM Layihə Məkanı”da “Camping Azerbaijan”ın həyata keçirdiyi "Şaxta Baba ucqar kəndlərdə" adlı  fotosərgi nümayiş olunub. 

Sərgidə nümayiş olunan fotoların müəllifləri Eldar Əkbərov, Zaur Mirzəyev və Elşən Babadır. E.Əkbərov həmçinin sərginin kuratorudur.

Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-1

Bakucity.az-a açıqlama verən E.Əkbərov paytaxtdan bölgələrə körpü olan layihə və sərgi barədə məlumat verib:

“Camping Azerbaijan” komandası olaraq artıq 4-cü ildir ki, Bakıdan  bölgələrə, Quba və Qusar rayonlarının ucqar kəndlərinə "Şaxta Baba ucqar kəndlərdə" sosial layihəsi ilə qonaq gedirik. Əvvəlcə paytaxtda uşaqlar üçün hədiyyələr - oyuncaqlar, müxtəlif əşyalar toplayır və sonra Şaxta Baba geyimində uşaqlara təqdim edirik.  Sonuncu səyahətimiz dağ mənzərələri fonunda sevinc, həyəcan və dostluq hissini göstərən rəngarəng fotolar ilə sənədləşdirilib”, - deyə o, bildirib.

Saytımıza açıqlama verən fotoqraflar, E.Baba və Z.Mirzəyev bölgələrdə yaşayan körpələrin üzündə əks olunan sevinc hissinin başqa heç bir şeylə müqayisə olunmadığını  və bu layihənin davam etməsi üçün əllərindən gələni əsirgəməyəcəklərini bildiriblər. 

Qeyd edək ki, “Camping Azerbaijan” ucqar kəndlərə, təbiət guşələrinə, yüksək dağlıq ərazilərə və Böyük Qafqaz dağlarındakı zirvələrə ictimai və fərdi turlar həyata keçirən ekoturizm şirkətidir. 2014-cü ildə 1 nəfərlə fəaliyyətə başlayan təşkilatın hal-hazırda 10 üzvü var. Şirkət həmçinin müştərilərdən və könüllülərdən ibarət şəbəkə qurmağı bacarıb.

Sözügedən layihə gənc yaradıcı insanların öz yaradıcılıqlarını daha geniş auditoriya ilə bölüşməsi, nümayiş etdirməsi və müzakirələr, fikir mübadilələri aparması, yaradıcı ideyaların axtarışı üçün platformanı təmin edir. 

Sərgidə satılacaq fotolardan gələn gəlir layihə çərçivəsində növbəti proqramların həyata keçirilməsi üçün xərclənəcəyi qeyd olunub.

Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-2 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-3 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-4 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-5 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-6 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-7 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-8 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-9 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-10 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-11 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-12 Bakıda "Şaxta Baba ucqar kəndlərdə" adlı sərgi keçirildi - FOTO, fotoşəkil-13

Ramilə Qardaşxanqızı

Bakucity.az

sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər