Bakıda gözəllik salonundan 15 min manatlıq saç oğurlandı - VİDEO

Bakıda gözəllik salonundan 15 min manatlıq saç oğurlandı - VİDEO , Javid

Cinayət işi başlanıb.

Bakucity.az xəbər verir ki, pəncərəni qıraraq gözəllik salonuna girən şəxslər ordan saç və külli miqdarda pul oğurlayıblar.

Hadisə paytaxtın Nərimanov rayonu Faiq Yusifov küçəsində Ramal İslamlıya məxsus gözəllik salonunda baş verib. Zərərçəkmişin sözlərinə görə, səhər saatlarında salonu açıb içəri daxil olarkən hər tərəfin dağınıq olduğunu görüblər. Dərhal seyfə baxış keçirən zərərçəkmiş külli miqdarda pulun oğurlandığını görüb.

Hadisə yerinə ərazi üzrə 17-ci polis şöbəsinin əməkdaşları gələrək araşdırmalara başlayıblar. Məlum olub ki, cinayəti törədən şəxslər izi itirmək məqsədi ilə gözəllik salonundan çıxarkən təhlükəsizlik kameralarını və onun yaddaş kartını da sökərək özləri ilə aparıblar. Başqa maraqlı bir nüans odur ki, oğurluq edən şəxslər salonun mühafizə polisi tərəfindən qorunduğunu bildikləri üçün qapıdan daxil olmayıblar ki, ''həyacan'' siqnalı işləməsin. Onlar arxa tərəfdəki pəncərədən daxil olub oğurluq etdikdən sonra ordan da çıxıblar.

Fakta görə cinayət işi başlanıb.

Bakucity.az

Cinayət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər