Bakıda “Gəncliyin səsi” festivalının açılışı olacaq

Bakıda “Gəncliyin səsi” festivalının açılışı olacaq

Fevral ayının 1-dən 5-dək ənənəvi festival keçiriləcək

Bakucity.az xəbər verir ki, fevralın 1-də saat 12:00-də Beynəlxalq Muğam Mərkəzində Mədəniyyət Nazirliyi və Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə keçirilən “Gəncliyin səsi” festivalının açılış mərasimi keçiriləcək.

Mərkəzdən verilən məlumata görə, hər il olduğu kimi, Azərbaycan Respublikası Prezidentinin “2 fevral - Gənclər günü kimi qeyd olunması haqqında” Sərəncamına əsasən, habelə Azərbaycan Respublikası Prezidentinin 15 sentyabr 2017-ci il tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramı çərçivəsində Mədəniyyət Nazirliyi tərəfindən fevral ayının 1-dən 5-dək ənənəvi olaraq “Gəncliyin səsi” festivalı keçiriləcək.

Festival gənc istedadların üzə çıxarılması, onların yaradıcılıq axtarışlarının, bilik və bacarıqlarının, yaradıcılıq nailiyyətlərinin dəstəklənməsi, yeni istedadlı simaların aşkar olunması məqsədini daşıyır.

Festivalda mədəniyyətin müxtəlif sahələri üzrə peşəkar və həvəskar gənclərin iştirakı ilə konsertlərin, görüşlərin, foto və rəsm sərgilərinin, tamaşa və film nümayişlərinin təşkili nəzərdə tutulub.

Bakucity.az

“Gəncliyin səsi” festivalı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər