Bakıda Qara Qarayev yad ediləcək

Bakıda Qara Qarayev yad ediləcək, Javid

Görkəmli bəstəkar Qara Qarayev öz adını daşıyan muzeydə yad olunacaq

Bakucity.az xəbər verir ki, fevralın 4-də görkəmli bəstəkar, Dövlət mükafatı laureatı, Xalq artisti Qara Qarayevin xatirəsi yad olunacaq.

Musiqi Mədəniyyəti Muzeyinin təşkilatçılığı ilə reallaşacaq tədbir sənətkarın adını daşıyan muzeydə gerçəkləşəcək.

Tədbir çərçivəsində sənətkarın həyat və yaradıcılığından ibarət fotosərgi açılacaq, musiqi mədəniyyətimizin inkişafındakı xidmətlərindən bəhs olunacaq. Tədbir bəstəkarın əsərlərindən ibarət konsert proqramı ilə davam edəcək.

Qeyd edək ki, 1918-ci il fevralın 5-də Bakıda dünyaya gələn dünya şöhrətli bəstəkarın əsərləri keçmiş SSRİ respublikalarında, ABŞ, Polşa, Misir, İspaniya, İtaliya, Fransa, Yaponiya və Almaniyada keçirilən möhtəşəm musiqi tədbirlərində müvəffəqiyyətlə səsləndirilib. Onun Nizami Gəncəvinin “Yeddi gözəl” poemasından bəhrələnərək yaratdığı “Yeddi gözəl” və Cənubi Afrika yazıçısı Piter Abrahamsın romanı əsasında yazdığı “İldırımlı yollarla” baletləri dünyanın bir sıra ölkələrində uğurla nümayiş olunmaqdadır.

Bakucity.az

Qara Qarayev
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər