Bakı məktəblərində "Gənclər Günü" qeyd edilib

Bakı məktəblərində "Gənclər Günü" qeyd edilib

Tədbirlərdə məktəblilərin rəsm və əl işlərindən ibarət sərgilər də təşkil olunub.

Bakucity.az xəbər verir ki, Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 2 Fevral- Gənclər Günü münasibətilə tədbirlər keçirilib.

Paytaxt məktəblərində Gənclər Günü ilə əlaqədar konfrans, “Dəyirmi masa”, “Açıq dərs”, mühazirə və seminarlar, həmçinin məktəblilərin rəsm və əl işlərindən ibarət sərgilər təşkil olunub.

Tədbirlərdə 2 fevral Gənclər Günü ilə bağlı məlumatla yanaşı, şagirdlərə zərərli vərdişlərdən uzaq durmaq, elmə yiyələnmək, idmanla məşğul olmaq, eləcə də Azərbaycan həqiqətlərini dünya ictimaiyyətinə çatdıran, mədəni-mənəvi irsimizi təbliğ edən fəal gənclər sırasına qatılmaq tövsiyə olunub.

Tədbirlər şagirdlərin ifasında şeirlər, mahnılar və ədəbi-bədii kompozisiyalarla davam edib.

Bakı məktəblərində "Gənclər Günü" qeyd edilib, fotoşəkil-1 Bakı məktəblərində "Gənclər Günü" qeyd edilib, fotoşəkil-2

Bakucity.az

Bakı məktəbləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər