Bakıda dəniz məhsulları yeyəcəyiniz ən yaxşı məkanlar - ARAŞDIRMA

Sərfəli qiymətlərlə dəniz məhsulları harada verilir?

Bakıda dəniz məhsullarından hazırlanan təamlar gün keçdikcə populyarlaşır. Ən məşhur dəniz məhsullarından olan "suşi" məsələn, artıq bir çoxlarının sevimli təamlarından birinə çevrilib. Dəniz məhsullarına olan maraq təkcə dadla əlaqədar deyil, onlar həmçinin sağlamlıq üçün çox faydalıdır. Bakucity.az bu dəfə Bakıda dəniz məhsulları təqdim edən məkanları araşdırıb. Beləliklə, Bakıda dəniz məhsullarından hazırlanan yeməklər verilən ən məşhur restoranları təqdim edirik. 

Paytaxtda dəniz məhsullarına maraq artır

Dəniz məhsullarından olan yemək deyəndə çox vaxt ağlımıza "suşi", "set", "rulo" və digər yapon mətbəxindən olan yeməklər gəlir.

Bakıdakı “Yoshi Sushi” restoranının sahibi Eşqin Mustafazadə bizimlə söhbətində Bakıda Asiya mətbəxinə marağın yenicə vüsət aldığını bildirib:

“Biz yapon mətbəxinə daxil olan yeməklər təklif edirik. Aşpazlarımız yerli olsalar da, Bakı, Moskva və digər şəhərlərdə böyük təcrübə qazanıblar. Məkanımızda daha çox losos, ton balığı, dəniz məhsullarından ibarət qarışıq - osminoq, istridyə və s. verilir. 

Suşidən başqa biz məsələn, payı 14-15  manata başa gələn “Teryaki”, 8-12 manata başa gələn tunes, qızılbalıq, xırda dəniz xərçənglərindən ibarət müxtəlif isti yeməklər veririk. Amma əlbəttə ki, bizim restoranda ən çox tələbat olan təamlar "Filadelfiya" və "Kaliforniya" kimi "suşi" və "roll"ardır. Qiymətlər isə paydan asılı olaraq 10-11 manat arasında dəyişir. 

E. Mustafazadənin sözlərinə görə, digər MDB və Avropa ölkələri ilə müqayisədə bu cür yeməklər şəhərimizdə təzə-təzə məşhurluq qazanır:

"Əlbəttə, yerli əhalinin müəyyən hissəsi Asiya mətbəxini artıq çoxdan sevir və istehlak edir.  Ancaq elə insanlar da var, onlar bu təamlarla təzəcə tanış olurlar. Belə konsepsiyalı restoranların sayı da getdikcə artır və bu sahədə artıq ciddi rəqabət hiss olunur” .

Balıq buğlamasına da maraq böyükdür

“L`Avenue” restoranında fransız təmayüllü Aralıq dənizi mətbəxinin yeməkləri verilir. Restoranın administratoru  yeməklərdə balıqlardan və ilbizlərdən istifadə edildiyini deyir: 

"Dəniz məhsullarından hazırlanan  yeməklərə həm yerli əhali, həm də xarici ziyarətçilər arasında böyük tələbat var. Bizdə yerli aşpazlarla yanaşı, Avropadan olan aşpazlar da işləyirlər. Balıq yeməklərinin sifarişi 40 manatdan başlayır,  səkkizayaqlı ilbizlər və digər dəniz məhsulları təbii olaraq daha bahadır".

“Martido” restoranın administratoru Tahirə Əlibəyova isə dəniz məhsullarından hazırlanan məxsusi yeməklər haqqında danışdı: 

"Biz okean, dəniz, çay və dəniz krevetləri veririk. Menyuda 10 manata qırmızıbalıqla “Martido”ya məxsus salat var. Dəniz məhsullarından hazırlanan yeməklərə yerli əhali arasında böyük tələbatın olduğunu iddia edə bilmərəm. Amma əgər müştəri pivə sifariş edirsə, bir qayda olaraq onun yanına qəlyanaltı kimi qızardılmış kalmar sifariş edir".

İnzibatçı qeyd edir ki, restoranın müştəriləri ət və toyuq yeməklərinə üstünlük verirlər.

"Sherlocks" restoranının inzibatçısı Elçin Mövsümovun sözlərinə görə, onların menyusunda olan dəniz məhsullarından hazırlanan yeməklər şəhərin qonaqlarının çox xoşuna gəlir:

"Bizdə əsasən yerli balıqlar, məsələn, kefal, kütüm balığı, qızıl balıq, eləcə də krevetlər  verilir. Bizdə Avropa və milli mətbəxtdən olan yeməkləri sifariş etmək mümkündür. Məkanımıza tez-tez xarici qonaqlar gəlirlər. Müştərilər daha çox payı 22 manata olan  "Kütüm ləvəngisi"  sifariş edirlər. Payı 35 manata olan “Nərə balığından buğlama”nın da  öz pərəstişkarları var. 

Qiymətlər kifayət qədər münasibdir

Paytaxın məşhur dəniz məhsulları restoranlarından olan “Dərya Fish House”da xəşəm, karp, kefal, kütüm və s. balıqlardan hazırlanan yeməklər sakinlər arasında çox populyardır. Müəssisədə müştərilərinin ən sevdiyi təam isə bir payı 18 manata başa gələn “Balıq buğlaması”dır. 

“Nori Sushi Bar” yapon restoranında müştəri çox olduğununa görə, masanı bir saat əvvəldən sifariş etmək məsləhət görülür. Burda əsasən "roll" və "suşi" verilir.

“Sky Gril Hilton Baku” restoranı bifşteksləriylə məşhurdur. Burda soman balığı, xan balığı və dəniz məhsullarından hazırlanan qrili də dadmaq olar.  

“Mayak Restaurant” ziyarətçilərinə istridyə və dəniz məhsullarından ibarət assortilər təklif edir. Burada 18 manat ödəməklə, Aralıq dənizi mətbəxinin tanınmış yeməyi Tempurda kalmarı da dadmaq olar.

Вakucity.az-ın apardığı araşdırma zamanı bəlli oldu ki,  paytaxtda dəniz məhsulları təklif edən çox sayda məkanlar mövcuddur. Üstəlik, əksər hallarda qiymətlər də kifayət qədər münasibdir. Sizə yalnız  ürəyinizcə olan  mətbəxi seçmək və dənizin faydalı hədiyyələrindən zövq almaq qalır.

Sonda oxucularımıza Bakıda təqdim edilən dəniz məhsullarından hazırlanan yeməklərin ortalama qiymətlərini təqdim edirik:

Restoran

Qiymətlər

“Yoshi Sushi”

4-14 manat

“L`Avenue”

40 manatdan başlayaraq

“Martido”

36-48 manat

“Sherlocks”

15-35 manat

“Dərya Fish House”

8-18 manat

“Nori Sushi Bar”

18,60-35,50 manat

“Sky Grill Hilton Baku”

37-41 manat

“Mayak Restaurant”

18-44 manat

Züleyxa İsmayılova

Bakucity.az

dəniz məhsulları
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Be the first to rate
(0 ratings)
Hələ heç kəs qiymətləndirməyib
Hələ heç kim məsləhət bilməyib
Log in ,
to rate and recommend

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Məqsəd yaşı 60-dan yuxarı olan pensiyaçılara kömək etməkdir Bakıda kasıblara pulsuz xörək verən məkan varmış. Deyirlər, hələ 5-6 nəfər də götürə bilərik. Bu xeyirxah işlə Yəhudi Qadınlarının Azərbaycan Assosiasiyası məşğuldur. BakuCity.az "Azadlıq" radiosuna istinadən məlumat verir ki, mərkəz 27 ildir, fəaliyyət göstərir. Bu mərkəzdə əsasən könüllülər çalışır. Pulsuz yeməkdən yararlananlar isə əsasən rusdillilərdir. Lakin milli ayrı-seçkilik yoxdur. Buraya...
Cəmiyyət
Həmin şəxsin vəziyyəti qənaətbəxşdir Gürcüstanda koronavirusa ilk yoluxma halının təsdiq olunduğu şəxs həmin ölkənin azərbaycanlı vətəndaşıdır. BakuCity.az xəbər verir ki, bu barədə məlumatı Tbilisi Yoluxucu Xəstəliklər Xəstəxanasından və Xəstəliklərə Nəzarət və İctimai Sağlamlıq Milli Mərkəzindən “Report”a təsdiqləyiblər. Xəstəxanadan hazırda 50 yaşlı həmin şəxsin vəziyyətinin qənaətbəxş olduğu bildirilib. Qeyd edək ki, qonşu ölkədə koronavirusa yoluxma h...
Cəmiyyət
Sərnişinlər təxliyə olunur Bakı metrosunda 3 stansiyanın fəaliyyəti dayanıb. Bu barədə BakuCity.az-a "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib. Həmçinin oxu: Bakıda işıqlar söndü, işıqforlar işləmir O qeyd edib ki, bu gün saat 15:48-də Bakı Metropoliteninə gələn elektrik xəttində elektrik cərəyanının verilməsində qısamüddətli fasilə yaranıb: "Bütün xətlər üzrə elektrik cərəyanı bərpa edilsə də, yalnız "Həzi Aslanov" -...
Cəmiyyət
Problem aradan qaldırılır Bakının bir hissəsinin elektrik enerjisi ilə təchizatında problem yaranıb. "Azərişıq” ASC-dən BakuCity.az-a verilən məlumata görə, fasiləyə səbəb yarımstansiyalardan birində yaranan nasazlıqdır. Hazırda problemin aradan qaldırılması istiqamətində iş görülür. Məlumata görə, paytaxtın bəzi yerlərində, əsasən Nizami və Xətai rayonlarında elektrik enerjisinin verilişində fasilə yaranıb. Bakı Nəqliyyat Agentliyindən isə bildirilib ki,...
Cəmiyyət
"İnsan həmişə nəyəsə səy göstərməlidir" “Öz hekayəni danış” rubrikası çərçivəsində BakuCity.az saytının bugünkü qonağı “High Boost” restoranının baş aşpazı Rüfət Əliyarovdır. - Kulinariya sahəsində təhsiliniz barədə ətraflı danışmağınızı istərdik. Bildiyimizə görə, əvvəlcə tamamilə başqa işlə məşğul olmaq istəmisiniz.  - Düzünü desəm, diplomat olmaq arzusunda idim. Bu mənim təbiətimdə var: psixologiyanı uzun müddət araşdırmışam, insanlarla necə ünsiyyət qu...
Hakimiyyət
Sərəncam imzalandığı gündən qüvvəyə minir Prezident İlham Əliyev Dövlət Sərhəd Xidmətinin bir sıra ali zabitlərinin həqiqi hərbi xidmətdən istefaya buraxılması haqqında sərəncam imzalayıb. BakuCity.az-ın məlumatına görə, sərəncamda qeyd olunur ki, aşağıdakı ali zabitlər hərbi geyim formasını daşımaq hüququ verilməklə Azərbaycan Silahlı Qüvvələrində həqiqi hərbi xidmətdən istefaya buraxılsınlar: general-leytenant Cəbrayılov Asif Mikayıl oğlugeneral-leytenan...
Ekologiya
Səhər zəif duman olacaq Bakıda sabaha gözlənilən hava şəraiti açıqlanıb.  Ekologiya və Təbii Sərvətlər Nazirliyinin Milli Hidrometeorologiya Departamentindən BakuCity.az-a verilən məlumata görə, fevralda 28-də paytaxtda havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq. Cənub-qərb küləyi arabir güclənəcək. Havanın temperaturu gecə 5-7, gündüz 11-13 dərəcə isti olacaq. Atmosfer t...
Cəmiyyət
Onunla təmasda olan əməkdaşlar da müşahidə altına alınıb İrandan gəlib Azərbaycandan tranzit keçməklə Gürcüstana gedən həmin ölkənin vətəndaşı fevralın 25-i saat 06:50-də Cənub Ərazi Baş Gömrük İdarəsinin Astara gömrük-keçid məntəqəsi vasitəsilə ölkə ərazisinə gəlib və təlimata uyğun şəkildə inzibati binaya daxil olmadan və binanın içərisində portativ termometrlərlə, daha sonra isə stasionar termovizorla yoxlanılıb. Dövlət Gömrük Komitəsindən BakuCity.az-a...
Cəmiyyət
Reyslər martın 14-dən həyata keçiriləcək  "Türk Hava Yolları" Azərbaycanın Naxçıvan Muxtar Respublikasına uçuşları dayandırıb. BakuCity.az-ın məlumatına görə, bu barədə aviaşirkətin İdarə Heyətinin sədri İlker Aycı deyib. O bildirib ki, koronavirus təhlükəsi ilə əlaqədar bir sıra reyslər təxirə salınıb, məsələn, Seula uçuşların sayı azaldılıb, Naxçıvana isə müvəqqəti dayandırılıb. Heydər Əliyev Beynəlxalq Aeroportundan verilən məlumata görə, "Türk Hava Yol...