Bu il Bakıya qarın yağıb-yağmayacağı dəqiqləşdi - AÇIQLAMA

Bu il Bakıya qarın yağıb-yağmayacağı dəqiqləşdi - AÇIQLAMA, Javid

Havanın mövcud temperaturu iqlim normasından yüksəkdir

Hazırda ölkə ərazisində müşahidə olunan temperatur iqlim normasından yüksəkdir. 

Bakucity.az xəbər verir ki, bunu açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev deyib:

“Fevralın 9-da Bakıda və Abşeron yarımadasında yağış, ayın 8-12-də dağlıq və dağətəyi ərazilərdə qar yağması gözlənir. Hazırda sinoptik şəraitlə əlaqədar ölkə ərazisinə soyuq hava kütlələrinin daxil olması üçün əlverişli şərait yoxdur. Ona görə, ölkə ərazisində mülayim hava şəraiti müşahidə olunur ki, havanın temperaturu iqlim normasından yüksəkdir”.

Baş hidroloq Bakıda qarın yağmadığı illəri də açıqlayıb:

“Qar yağmasını son illərlə müqayisə etdikdə, 2009, 2013, 2018-ci ildə Bakıda qar olmayıb. Ümumiyyətlə, qeyd edim ki, Bakıda və Abşeron yarımadasında ən soyuq, qarlı hava 2008-ci ildə müşahidə edilib.

Hələ ki, fevral ayı yeni başlayıb. Havanın kəskin dəyişməsi barədə xəbər olarsa, ictimaiyyət bu barədə məlumatlandırılacaq. Bakıda 2011, 2012, 2017-ci illərdə qar yağıb. 2017-ci ilin fevralında Bakıda yağan qarın hündürlüyü 24 santimetr olub. Hava şəraiti elədir ki, atmosferdə tez-tez dəyişikliklər baş verir. Bunun üçün hava barədə daha dəqiq xəbər sutkalıq proqnozlardır”. (Oxu.az)

Bakucity.az

Hava durumu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər