Bakıda avtomobil icarəsi xidmətləri uğurlu biznesdirmi? - ARAŞDIRMA - bakucity.az

Bakıda avtomobil icarəsi xidmətləri uğurlu biznesdirmi? - ARAŞDIRMA

Sakinlər icarəyə avtomobil götürərkən nələrə diqqət etməlidirlər?

Bakıda avtomobil icarəsi xidmətləri son illərdə inkişaf etməyə başlayıb. Bu biznes sahəsində əvvəlki illərlə müqayisədə canlanma müşahidə olunur. Əksər vaxt şirkətlər ekonom-klass və premium paketlər təklif edirlər. Onların xidmətlərindən isə həm yerli əhali, həm də turistlər istifadə edir. Bakıda avtomobil icarəsi xidmətləri uğurlu biznesdirmi? İcarə üçün qiymətlər və şərtlər münasibdirmi? Bakucity.az şəhərimizdəki avtomobil icarəsinə dair sakinləri maraqlandıran suallara cavablar tapmağa çalışıb. Araşdırmamızı təqdim edirik.  

Bazarın boş olması şirkətlərin inkişaf etməsinə şərait yaradır

Saytımıza açıqlama verən iqtisadçı-ekspert Xalid Kərimlinin sözlərinə görə, bu biznes növü şəhərimizdə olduqca əlverişli ola bilər:

“Bakı şəhərində maşınların icarəyə verilməsi biznesi ümumi olaraq mənfəətli ola bilər. Bazarın hələ boş olması bu sahədə şirkətlərin inkişaf etməsinə şərait yaradır. Lakin müəyyən məsələlər var ki, onlar avtomobil kirayəsi bazarında problemə çevriliblər. Bu problemlər aşağıdakılardır: 

1) bazar hələ kiçikdir; 

2) avtomobil icarəsi mədəniyyəti aşağı səviyyədədir və yerli əhali arasında yetərincə qiymətləndirilmir; 

3) maşın kirayəsi biznesinə rəqib olan taksi xidmətləri sahəsindəki yüksək rəqabət qiymətlərin aşağı düşməsinə səbəb olur;

4) Əksər istehlakçıların yol və maşından istifadə mədəniyyəti aşağıdır;

5) avtomobil bazarında sığorta sistemi zəif inkişaf edib; 

6) turizm zəif inkişaf edib.

Ekspertin sözlərinə görə, ölkədə turizmin tədrici inkişafı bu sahənin inkişafını sürətləndirsə də, turist axınının sabit olmaması satışların və xərclərin tənzimlənməsini çətinləşdirir: 

"Maşın kirayəsi biznesinin sonrakı inkişafı keyfiyyətli menecmentin qurulmasından və tələbatın formalaşdırılmasından asılıdır. Yerli bazarın kiçik olması və kirayə maşınlarının əsas istifadəçiləri olan turistlərin ölkəyə gəlişinin istənilən səviyyədə olmaması bazarın qarşılaşdığı əsas çətinliklərdir”, - Xalid Kərimli açıqlamasına yekun vurarkən deyib. 

Müştərilər əsasən xaricilərdir

Saytımız Bakıda bu bazarda vəziyyətin necə olduğunu öyrənmək üçün avtomobil icarəsi biznesinin bəzi nümayəndələri ilə də həmsöhbət olub.

“Marshal Rent a Car” şirkətinin meneceri Elvin Abbasov deyib ki, onların xidmətlərinə tələbat kifayət qədər böyükdür:

"Müştərilərimiz arasında azərbaycanlılar da var, amma əsas müştərilər xaricilərdir. Onların arasında isə Ərəb ölkələrindən, Rusiyadan, Türkiyədən olanlar çoxluq təşkil edir. Bundan başqa, biz müxtəlif şirkətlərlə də əməkdaşlıq edirik. Avtomobilin icarəsində şərtlər müddətdən asılıdır. Bütün avtomobillər sığortalanır. İcarəçinin səyahət edəcəyi yerdən asılı olmayaraq (şəhərdə və ya şəhər kənarında), limitsiz kilometr təklif edilir. Əsas tələb girovun ödənilməsidir, həmçinin sürücülük vəsiqəsinin və şəxsiyyəti təsdiq etdən sənədin təqdim edilməsi mütləqdir. İcarənin qiyməti isə gün sayından asılıdır. Günlərin sayı çox olarsa, qiymətdə güzəşt olunur”.

Menecerin dediyinə görə, şirkət icarəyə çox sayda avtomobil markası təklif edir, əksər hallarda isə müştərilər “ekonom klass” sifariş edirlər. Bu kateqoriya üzrə onlara “Hyundai Accent”, “Elantra”, “Prado Pajero” kimi avtomobillər təklif olunur.

"Automile Rent a Car" şirkətinin meneceri Emin Bünyadzadə avtomobil icarəsinin qazanclı olduğunu bildirib:

“Bəzən kiçik qəzalar və yol hərəkəti qaydalarında pozuntular olur, bunlara baxmayaraq, bu biznesin böyük itkilərə səbəb olduğunu deyə bilmərəm. Xidmətlərimizdən istifadə etmək üçün müştərilərin ən az 23 yaşı və 2 illik sürücülük təcrübəsi olmalıdır. 200 manat icarə haqqı öncədən verilməlidir. Xidmətdən yararlanmaq üçün sürücülük və şəxsiyyət vəsiqəsi sənədlərinin  təqdim edilməsi kifayətdir. Müştərilərə premium avtomobillər də təklif olunur.

"Rent a Car Baku" şirkətinin meneceri Əsmər Fərəcova da bu biznes sahəsinin gəlirli olduğunu düşünür:

“Günümüzdə bu biznes olduqca sərfəlidir. Bizim yerli və xarici çoxlu müştərilərimiz var. Yeni avtomobillər problemsiz işləyir, köhnə avtomobillərin isə bəzi hissələrini dəyişdirməyə və bunun üçün müəyyən vəsait xərcləməyə ehtiyac yaranır. Bütün hallarda, avtomobillər mütəmadi olaraq texniki baxışdan keçirilirlər. Depozit icarə edilən avtomobilin markasından asılı olaraq ödənilir. Xidmətdən istifadə etmək üçün yaş həddinin 24 olması və ən icarədarın azı 1 illik sürücülük təcrübəsinə malik olması şərtdir. 

“Rent Express Rent a Car Baku Company” şirkətindən isə bizə bildirdilər ki, onlar yalnız xarici müştərilərlə işləyirlər. Bakıya gələn, 25 yaşına çatmış və ən azı 2 illik sürücülük təcrübəsi olan xarici turistlər bu şirkətdən avtomobil kirayə edə bilərlər.

Oxucularımıza Bakıdakı avtomobil icarəsinin sutkalıq neçəyə başa gəldiyini göstərən cədvəli təqdim edirik:

Şirkətlərin adı

Ekanom-klass

Biznes-klass

İcarə qiyməti

“Marshal Rent a Car”

60 AZN

450-500 AZN

300 AZN

“Automile Rent a Car”

35 AZN

200-400 AZN

200 AZN

“Rent a Car Baku”

45 AZN

350-500 AZN

200 AZN

“Best Rent LLC Baku”

50 AZN

300-500 AZN

150 AZN

“Rent Express Rent a Car Baku”

55 AZN

300 AZN

Araşdırmamızdan bu qənaətə gəldik ki,  Bakıda avtomobil kirayəsi biznesi yetərincə yaxşı inkişaf etməyib. Bu xidmətlərə ən çox təlabat duyanlar isə paytaxtın qonaqlarıdır. Ekspertlərin fikrincə, bu istiqamətdə dinamikanın güclənməsi üçün şərait var və bu biznesin yerli iş adamları üçün cəlbedici sahəyə çevrilməsi ehtimalı böyükdür. 

Züleyxa İsmayılova

Bakucity.az

Avtomobil icarəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Milli Qurtuluş Gününə həsr olunmuş konsrtlər Bakucity.az xəbər verir ki, iyunun 13-də Bakı Şəhər İcra Hakimiyyətinin və Bakı Şəhər Mədəniyyət Baş İdarəsinin birgə təşkilatçılığı ilə 15 İyun Milli Qurtuluş Günü münasibəti ilə Bakı şəhərinin Suraxanı və Xəzər rayonlarında konsertlər keçirilib. Konsertlərdə sevilən sənətkarların və tanınmış incəsənət ustalarının  çıxışları tamaşaçılar tərəfindən böyük maraqla qarşılanıb. Qeyd edək ki, Milli Qurtuluş gününə hə...
Hadisələr
Paytaxtda su xəttində qəza baş verib Bakucity.az xəbər verir ki, qəza Məhəmməd Hadi küçəsi, 51 ünvanında (Ukrayna dairəsi yaxınlığı) qeydə alınıb.  Baş vermiş qəzanın aradan qaldırılması üçün sözügedən qurumun əməkdaşları tərəfindən ərazidə qazıntı-bərpa işləri aparılır. Sürücülərdən diqqətli olmaları xahiş olunur. Qeyd edək ki, mayın 31-də həmin ərazidə analoji hadisə baş verib. Bakucity.az
Hadisələr
Qaradağ rayonunda iki azyaşlı itkin düşüb Bakucity.az xəbər verir ki, 2004-cü il təvəllüdlü Fuad Elnur oğlu Əliyev və qonşusu 2005-ci il təvəllüdlü Qəhrəman Vüqar oğlu Cəfərli iyunun 12-si saat 08 radələrində məktəbə getmək adı ilə evdən çıxıb və geri qayıtmayıblar.  Azyaşlıların valideynləri bununla bağlı rayonun 10-cu polis bölməsinə müraciət ediblər.  Hazırda yeniyetmələrin axtarışları davam edir. Qeyd edək ki, ötən sutka ərzində hüquq-mühafizə orqanlar...
Hadisələr
Bakıda intihar hadisəsi baş verib Bakucity.az xəbər verir ki, Yasamal rayonunda ana və qızı yaşadıqları binanın 10-cu mərtəbəsindən özlərini atıb.  Nəticədə onların hər ikisi hadisə yerindəcə keçinib. Hadisənin səbəbləri araşdırılır. *** İntihar edən şəxslər 1964-cü il təvəllüdlü Allahverdiyeva Rübabə Cümşüd qızı və onun qızı 1990-cı il təvəllüdlü Allahverdi Xədicə İsmayıl qızıdır. Bildirilir ki, əvvəl ana, sonra isə qızı özünü 10-cu mərtəbədən ataraq inti...
Hadisələr
Bakıda daha bir yol qəzası baş verib Bakucity.az xəbər verir ki, metronun “20 Yanvar” stansiyası yaxınlığındakı tuneldə  Sumqayıt istiqamətinə gedən avtomobilin sürücüsü idarəteməni itirib. Nəticədə maşın yol kənarına çırpılıb. Qəza nəticəsində xəsarət alanların olduğu bildirilir. (baku.ws) Bakucity.az
Ekologiya
Paytaxtda sabaha gözlənilən hava şəraiti açıqlanıb Bakucity.az xəbər verir ki, iyunun 15-də Bakıda və Abşeron yarımadasında hava yağmursuz keçəcək. Mülayim şimal küləyi gündüz şimal-şərq küləyi əvəz olunacaq. Havanın temperaturu Abşeron yarımadasında gecə 20-24, gündüz 28-33, Bakıda gecə 21-23, gündüz 29-31 dərəcə isti təşkil edəcək. Atmosfer təzyiqi 754 mm civə sütunundan 760 mm civə sütununa yüksələcək, nisbi rütubət gecə 60-70, gündüz 30-35 faiz olacaq....
Mədəniyyət
“Mən həmişə fəxr etmişəm, bu gün də fəxr edirəm ki, mən Azərbaycanlıyam!” Bakucity.az xəbər verir ki, 15 iyun – Milli Qurtuluş Gününə həsr olunmuş “Mən həmişə fəxr etmişəm, bu gün də fəxr edirəm ki, mən Azərbaycanlıyam!” adlı bayram konserti iyunun 13-də, Heydər Əliyev Sarayında gerçəkləşib. Konsertin aparıcısı Elcan Rəsulov olub. Konsert proqramı saat 19:00-da Azərbaycan Dövlət Rəqs Ansamblının çıxış ilə başlayıb. Gecədə Azərbaycanın sevilən və tanınmış s...
Biznes
Bu gün Bakı-Batumi marşrutu ilə ilk aviareysi keçirildi Bakucity.az xəbər verir ki, “Buta Airways”in bu marşrutu Gürcüstana yerinə yetirdiyi ikinci reysdir. “Buta Airways” Bakıdan Tbilisiyə də reyslərə həyata keçirir. Bakıdan Batumiyə ilk reysin işə düşməsi tənətənəli mərasimlə qeyd edilib. Mərasimdə Gürcüstanın Azərbaycandakı səfiri Zurab Pataradze iki ölkə arasında böyük turizm potensialının olduğunu deyib: “Bakı-Batumi reysinin açılması təkcə turizm sah...
Mədəniyyət
Bu, “The Salamanca Band & Bugles of The Rifles”in Bakıya növbəti səfəridir Bakucity.az xəbər verir ki, ötən gün Fəvvarələr meydanında açıq səma altında Azərbaycan Müdafiə Nazirliyinin Əlahiddə Nümunəvi Hərbi Orkestrinin və Böyük Britaniya və Şimali İrlandiya Kral Ordusunun “The Salamanca Band & Bugles of The Rifles” hərbi orkestrinin konserti və birgə nümunəvi çıxışları olub. Konsert proqramını Azərbaycanın Müdafiə naziri general-polkovnik Zakir Həsənov, B...