Bakıda yüksək moda nümayişi keçirilib – FOTO

Bakıda yüksək moda nümayişi keçirilib – FOTO, Javid

Mirana Hümbətova əl işlərindən ibarət kolleksiyasını təqdim edib

Bakucity.az xəbər verir ki, fevralın 8-də Bakının “Four Seasons” otelində “Mirana Atelier alta Moda” brendinin təqdimatı ilə yüksək moda nümayişi keçirilib.

Tədbirdə gənc dizayner Mirana Hümbətova “Back to Edem” adlı ilk kolleksiyasını təqdim edib. Yüksək səviyyəli moda nümayişində sənət, iş adamları, yaradıcı şəxslər, ictimai xadimlər və digərləri iştirak ediblər.

Mirana Hümbətova təqdimatla bağlı fikirlərini Bakucity.az-la bölüşüb: 

"Bu gün siz mənim "Back to Edem" adlı ilk kolleksiyamı izlədiniz. Bu kolleksiyanın əsas detalı nümayişin finalında göstərilən libasdır. Mən onu əl işi kimi bəşəriyyətin yaradılışını əks etdirən Adəm və Həvva təsviriylə hazırlamışam. Libasda naxışlardan, muncuqlardan, təsvirlərdən tutmuş hər şey xalis əl işidir. Parçalar İtaliya və Fransa istehsalıdır. Ümid edirəm ki, nümayiş qonaqların ürəyincə olub".

“Venera” moda agentliyinin direktoru Samira Həsənova tədbirlə bağlı təəssüratlarını bizimlə bölüşərkən, nümayişin çox uğurlu keçdiyini deyib:

"Mən bu tədbirin rejissoruyam və düşünürəm ki, hər şey çox əla keçdi. Bu təkcə "Fashion" deyil, həm də bir "Show" idi. Biz rəqslərlə dəb nümayişini bir araya gətirmişdik. Bu gün bu nadir hadisədir, çünki əksəriyyət rəqssiz, əyləncəsiz quruca dəfilə keçirir. Dizayner xanım olduqca istedadlıdır, onun fərdi üslubu və möhtəşəm əl işləri var. Onun hazırladığı bütün bu qiyafələr əl işləridir, xüsusi finalda göstərilən libas çox fərqlənirdi, bütöv "Adəm və Həvva" təsvirini Mirana xanımın özü çəkib. Məncə, o, olduqca perspektivli dizaynerdir. Ona bol-bol uğurlar arzulayıram". 

Qeyd edək ki, dizayner Mirana Hümbətova təhsilini əvvəlcə Moskva şəhərində bədii incəsənət məktəbində, sonra isə Milan şəhərində yerləşən Avropanın ən nüfuzlu tədris ocaqlarından biri olan “Instituto Marangoni”də alıb.

Bir saat davam edən tədbir qonaqların gur alqışları ilə başa çatıb.

Ramilə Qardaşxanqızı

Bakucity.az

“Mirana Atelier alta Moda”
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər