Buktreyler festivalına Bakıda start verildi

 Buktreyler festivalına Bakıda start verildi, Javid

Festivala qatılmaq istəyənlər aprelin 1-dək müraciət edə bilərlər

Bakucity.az xəbər verir ki, kinoaktyor, prodüser Ruslan Sabirlinin təşəbbüsü, Mədəniyyət Nazirliyinin dəstəyi ilə keçirilən Buktreyler festivalının növbəti, sayca dördüncü mövsümünə start verilib.

Festivala aprelin 23-dək Dünya Kitab və Müəllif Hüquqları Günündə yekun vurulacaq.

Buktreyler – kitabın məzmununu vizuallaşdırmaqla oxucular arasında təbliğinə istiqamətlənən, onun ən maraqlı anlarını özündə əks etdirən videoçarx (treyler) və qısa filmdir.

2016-cı ildə əsası qoyulan festivalın məqsədi kitaba və mütaliəyə marağın artırılması, film sənayesində yeni istedadların müəyyən edilməsidir.

Mədəniyyət Nazirliyi ilə yanaşı, Beynəlxalq Muğam Mərkəzi, C.Cabbarlı adına “Azərbaycanfilm” kinostudiyası festivala dəstək verir. Əsas tərəfdaş “Azercell” mobil operator şirkətidir.

Festivala qatılmaq istəyənlər aprelin 1-dək müraciət edə bilər. Bütün suallarla bağlı [email protected] elektron ünvana müraciət etmək mümkündür.  

Bakucity.az

Buktreyler festivalı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər