Bakı Kitab Mərkəzində Elza İbrahimovaya həsr edilən tədbir keçirildi

Bakı Kitab Mərkəzində Elza İbrahimovaya həsr edilən tədbir keçirildi

Gecədə görkəmli bəstəkarın mahnıları səsləndirilib.

Bakucity.az xəbər verir ki, Bakı Kitab Mərkəzində görkəmli Azərbaycan bəstəkarı, Xalq artisti Elza İbrahimovaya həsr olunmuş “Mahnılar” adlı musiqi əsərlər toplusunun təqdimatı keçirilib.

Tədbirdə Azərbaycan Milli Konservatoriyasının prorektoru, professor Lalə Hüseynova çıxış edərək bəstəkarın həyat və yaradıcılığından, zəngin musiqi irsindən danışıb.

Gecənin musiqili hissəsində pianoçu Şahin Yəhyazadənin müşayiəti ilə Xalq artistləri Fidan Hacıyeva və  Gülyanaq Məmmədova görkəmli bəstəkarın  “Mehribanım”, “Bilməzdim”, “Gedək üzü küləyə” adlı mahnılarını səsləndirilib, həmçinin Azərbaycan Dövlət Triosu (Elnarə Kəbirlinskaya (piano), Töhfə Babayeva (violin), Səbinə İbrahimova (çello) ifasında “Fortepiano triosu”nun birinci hissəsi dinlənilib.

Sonra respublika və beynəlxalq müsabiqələrin laureatları, pianoçu Vüsal Aydəmirov və tarzən İbrahim Babayev “Rekviyem”, Əməkdar artist Sevda Ələkbərzadə “Sən yadıma düşəndə” mahnılarını ifa ediblər.

Bakucity.az

Elza İbrahimova
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər