“Artım” Bakıda yeni müzakirə təşkil edəcək

“Artım” Bakıda yeni müzakirə təşkil edəcək, Javid

Vüsal Əhmədovun iştirakı ilə “Atalar üçdən deyib” müzakirəsi keçiriləcək.

Bakucity.az xəbər verir ki, “Artım” layihə məkanında “Perpendikulyar həqiqətlər” sərgisi çərçivəsində rəssam Vüsal Əhmədovun iştirakı ilə sosial problemlər üzrə “Atalar üçdən deyib” adlı müzakirə keçiriləcək.

Tədbir zamanı iştirakçılar ilə cəmiyyətdəki feminizm, həddən artıq istehlak, cinsi azlıq, ictimai qınaq kimi bir sıra müxtəlif aktual mövzuları müzakirə olunacaq. Müxtəlif fikirdə olan, fərqli mədəni və sosial düşüncələrə malik insanlar öz təcrübələrini bölüşüb bunu qrafik təsvirlər şəklində ifadə edəcəklər. Müzakirənin nəticəsi olan bu təsvirlər fərqli görünüşdə olan stikerlər şəklində ictimai məkanlarda nümayiş olunacaq.

Vüsal Əhmədovun məcazi mənalı “Atalar üçdən deyib” instalyasiyası tamaşaçı qarşısında fəlsəfi suallar qoyaraq, indiki zamanın gələcəyin ən ideal formasına vizual keçidini nümayiş etdirməyə çalışır. Rəssamın mövzuya olan subyektiv yanaşması onun materiallar seçiminə də təsirini göstərib.

Bakucity.az

Artım
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər