Bakıda "Duz, istiot zövqə görə" filmi nümayiş olunacaq

Bakıda "Duz, istiot zövqə görə" filmi nümayiş olunacaq

YARAT rejissor Teymur Hacıyevin 21 dəqiqəlik filmini göstərəcək

Bakucity.az xəbər verir ki, film dul qadın və onun iki övladı haqqındadır. Qəhrəmanlar bir evdə yaşasalar da, onların ruhu bir-birindən aralı düşüb. Kimsə gərək onların həyatını yaxşılığa doğru dəyişməyə cəhd göstərsin, amma, 3 nəfərdən heç biri, öz ağrısı ilə bölüşməyə hazır deyil...

Teymur Hacıyev (d.1982, Bakı) Bakı Dövlət Universitetində İqtisadi Kibernetika üzrə bakalavr və West Texas A&M Universitetində MBA dərəcəsinə yiyələnib. Kino sahəsinə gəlməmişdən öncə Azərbaycanda Marketinq Direktoru vəzifəsində bir neçə şirkətdə çalışıb. O, 2013-cü ildə "FIL PRODUCTION" şirkətini təsis edib. Teymur 2013-cü ilin sentyabrında özünün ilk "Yara" adlı qısa filmini tamamlamış və onun premyerası ABŞ-da "Palm Springs ShortFest" qısametrajlı film festivalında baş tutmuşdur. 2014-cü ilin avqustunda "Locarno Summer Academy" təlim proqramına qəbul olmuşdur. 2015-ci ilin martında o ikinci "Şanxay, Bakı” adlı qısa filmini çəkib, onun nümayişi isə Finlandiyada Tampere Film Festivalında həyata keçirilmişdir. Rejissorun sayca 3-cü ekran əsəri olan "Duz, istiot zövqə görə" filminin beynəlxalq premyerası bu yaxınlarda keçirilən Rotterdam Beynəlxalq Film Festivalında baş tutub. 

Film 19 fevral, 19:00 tarixində Azərbaycan dilində nümayiş olunacaq.

Giriş sərbəstdir.

Bakucity.az

Teymur Hacıyev
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər