Küçə rəssamı: "Biz qraffitilərimizi Bakının koloriti ilə uyğunlaşdırırıq" – MÜSAHİBƏ

Şəhərin hip-hop mədəniyyətinin ən parlaq nümayəndələrindən biri ilə müsahibə.

Küçə rəssamlığı Bakıda çox da yayğın sənət növü deyil. Buna baxmayaraq, ölkəmizdə bu sahədə uğurlu işlər görən qraffiti rəssamları var. Onlardan biri də, hip-hop mədəniyyətində Nesto kimi tanınan Yunis Krılovdur. Bakucity.az küçə rəssamı ilə müsahibəni oxucularına təqdim edir.

- Rəssamlığa qraffiti ilə başlamısınız, yoxsa qraffitiyə sonradan yönəldiniz? 

- Rəsmlə uşaqlıqdan məşğulam, amma bu mənim qraffiti fəaliyyətimə az təsir göstərib. Ümumiyyətlə, qraffitiyə marağım birdən birə yox, mərhələli şəkildə ortaya çıxıb. Öncə hip-hop mədəniyyəti məni özünə cəlb etdi, sonra da bu mədəniyyətin müxtəlif istiqamətlərində özümü sınamağa başladım. “Break dance” öyrənib rəqs etməyi sınadım, paralel olaraq da mətnləri özüm yazmağa başladım. Sonda qraffiti mədəniyyəti ilə maraqlandım və prinsipial olaraq bu istiqaməti seçdim, amma digər istiqamətlərdə özümü inkişaf etdirməyi də dayandırmadım. 

- Qraffitidə sizi ən çox cəlb edən nədir? 

- Burada məni heç bir qaydanın olmaması və özünüifadənin sərhədsizliyi cəlb edir. Bu sənətdə necə, nə, harda çəkmək kimi bir tələb yoxdur. Əgər sənin fantaziyaların, kreativ düşüncələrin varsa, onda sən istənilən ideyanı həyata keçirə bilərsən. Qraffitidə məni cəlb edən məhz budur. 

- Sevdiyiniz mövzu yəqin ki, var. 

- Hər hansısa mövzuya üstünlük verdiyimi deyə bilmərəm, pozitiv və ya neqativ emosiyalı istənilən təsviri çəkə bilərəm. 

- Bu işlə pul qazanmaq mümkündürmü? 

- Əvvəllər bu işdə pul qazanmaq imkanının çox az olduğunu düşünürdük, amma indi hər şey dəyişib. İnsanların özləri, düşüncələri dəyişib. Onlar ofislərinin, obyektlərinin divarlarında yaradıcılıq elementləri görmək istəyirlər. Hətta bəzi insanlar öz sifətlərində kreativlik istəyirlər. Bu gün insanlar artıq monotonluq istəmirlər və buna görə də qraffiti çəkənlər öz sevimli işləri ilə məşğul olaraq  pul qazanmaq şansına sahibdirlər. 

- Sizin müxtəlif beynəlxalq sərgilərdə və festivallarda iştirak etmək şansınız olub. Qatıldığınız ən maraqlı tədbirlər barədə danışardınız. 

- Mənim ən sevimli tədbirim hər il Sankt-Peterburqda keçirilən V1 festivalıdır. Bu dördgünlük festivalda qraffiti, "break dance" kimi hip-hop mədəniyyətinin bütün janrları təmsil olunur. Tədbirə MDB ölkələrindən, hətta xaricdən də nümayəndələr qatılır və festival çox səmimi ortamda keçirilir. 4 gün ərzində hər kəs böyük bir ailənin üzvü kimi birləşir və unudulmaz anlar yaşayırlar. Mən bu festivalda artıq bir neçə ildir iştirak edirəm və iştirak etməkdə də davam edəcəyəm, çünki orda keçirdiyim hisslər təsviredilməzdir. 

- İşinizlə bağlı müsbət fikirlər söylədiniz. Bəs bu işlə məşğul olduğunuz zaman hansı çətinliklərlə qarşılaşırsınız? 

- Əslində çətinliklər çoxdur. Bu işlə məşğul olmağa başlayanda birinci növbədə öz yaxınların tərəfindən anlayışsız münasibətlə qarşılaşırsan. Onlara qraffitinin maraqlı və kreativ sənət olduğunu anlada bilmək çox vacibdir. Bu, sənin qeyri-ciddi adam olduğun və görməyə başqa işinin olmadığı mənasına gəlmir. Bu hörmət və diqqət tələb edən sənətdir. Bunu birinci növbədə öz yaxınlarına sübut edə bilsən,  qalanı asan olacaq, çünki yaxınların həmişə səni dəstəkləyəcəklər.  

Bu işdə həmçinin leqal problemlər də var, çünki qraffitiyə bütün dünyada olduğu kimi bizdə də icazə yoxdur. Əgər gecə harasa şəkil çəkməyə çıxsan, bunun riskli olduğunu bilməlisən. Çünki səni cərimələyə, hətta həbs də edə bilərlər.  

Keyfiyyətli boyaların olmaması kimi tekniki problemlər də mövcuddur.  Bu problemi də xaricdən özümüzlə boya gətirməklə və ya xaricdə olan dostların vasitəsi ilə həll edirik. 

Prinsipcə, kifayət qədər problemimiz var. Amma hesab edirəm ki, istək varsa, istənilən çətinliyi dəf etmək olar. 

- Qraffiti mədəniyyəti bizdə nə qədər inkişaf edib? Şəhərimizdə onun inkişafına nə mane olur?

- Təəssüf ki, qraffiti bizdə o qədər də çox yayılmayıb. Səbəbisə belə rəssamların azlığı və onlara özünüifadə üçün meydanın verilməməsidir. Əgər dövlət səviyyəsində bizim üçün imkanlar yaradılsa, leqal divarlar ayrılsa, müəyyən dövlət tədbirləri olsa, əlbəttə ki, bu incəsənət növü çox məşhurlaşar. Ancaq hələlik  bunlar baş vermir.  Amma biz inanırıq ki, sizin də sayənizdə bizi kimsə eşidəcək və tədbirlər görəcəklər. Axı, hər şeyi gözəl eləməklə bu sənəti də düzgün tərəfdən göstərmək və gənclərə stimul vermək olar. 

Bizim gözəl şəhərimiz, çoxlu maraqlı divarlarımız var. Biz qraffitini yerli koloritə uyğunlaşdırıb Bakıya adaptasiya eləmək istəyirik. Amma bunun unkişafı üçün dövlətin icazəsi lazımdır. Ümid edirik ki, bizi eşidəcəklər və bizə rəsm çəkmək üçün divarlar verəcəklər. Sadəcə olaraq, hər şeyi qanun çərçivəsin eləməyimiz üçün imkan verilməlidir. 

İnsanlar bu sahəylə maraqlanırlar. Bu mədəniyyətin yayğınlaşmasına imkan verilsə, məncə, böyük işlər görmək olar.

- Hip-hop mədəniyyətindən başqa nəyə marağınız var?

- Mənim maraq dairəm həmişə yenilənir. Eyni yerdə fırlanmağı sevmirəm. Məni maraqlandıran hər şeyi yoxlamağa həvəsliyəm. Video çəkilişlərlə məşğulam, fotoqrafiya sahəsində özümü sınayıram, "bit"lərlə mətn yazıram, hip-hop mədəniyət  nümayəndələrini üçün tədbirlər təşkil edirəm. Yanaşmam belədir: yaxşı nə varsa götürmək, sintez eləmək və yeni nəsə yaratmaq.

- Gələcək planlarınızı bizimlə bölüşərdiniz.

- Planlar çoxdur, hətta bəzən beynim onların çoxluğundan qaynar qazana dönür. Ayaqda qalmaq, təmin olunmuş həyat yaşamaq, özümü və ailəmi təmin etmək kimi maddi planlarım var. Mənəvi cəhətdən  isə daxili harmoniyaya, insanlara kömək və yaxşılıq eləməyə çalışıram.

Əsas planım – cəmiyyətə yararlı, ləyaqətli insan olmaqdır! 

Azərbaycan gəncliyinə də müraciət etmək istərdim: dostlar, vaxtınızı boş keçirməyin! Yaradın, dünyanı gözəlləşdirin! Ölkəmizin gələcəyi gəncliyin əlindədir. Özünüz olmaqdan qorxmayın, özünüzü kəşf edin. Dəstək lazımdırsa, qapılarımız üzünüzə açıqdır. Biz də öz təcrübəmizi yenilərə öyrətmək üçün tədbirlər keçiririk.

Hip-hop mədəniyyət nümayəndələri dünyada çoxdur və biz bir ailə kimiyik. Şüarımız isə birdir: xeyiri, pozitivi, sevgi və hörməti yaymaq!

Söhbətləşdi: Züleyxa İsmayılova 

Bakucity.az 

Qraffiti Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Hələ heç kəs qiymətləndirməyib
8 baxış dekabrda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Qatarlar yeni cədvəl üzrə hərəkət edəcək Azərbaycanda sərnişin qatarlarının maksimal hərəkət sürətlərinin artırılması ilə əlaqədar olaraq 8 dekabr 2019-cu il tarixdən etibarən beynəlxalq və ölkədaxili sərnişin qatarlarının 2019/2020-ci illər üçün yeni hərəkət cədvəli tətbiq ediləcək. “Azərbaycan Dəmir Yolları” QSC-dən BakuCity.az-a verilən məlumata görə, Bakı-Tbilisi-Bakı marşrutu ilə hərəkət edən beynəlxalq sürət qatarının yolda olma müddədti 55 dəqiqə, B...
Ekologiya
Mülayim külək əsəcək İstirahət günlərində gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən BakuCity.az-a verilən məlumata görə, paytaxtda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin dekabrın 8-də axşama doğru bəzi yerlərdə yağış yağacağı ehtimalı var. Səhər zəif duman olacaq. Mülayim cənub-şərq küləyi əsəcək. Havanın temperatu...
Mədəniyyət
2000-dən çox  yeni ağac əkilib Dahi Azərbaycan şairi İmadəddin Nəsiminin 650 illik yubileyi ilə əlaqədar Azərbaycanın Birinci vitse-prezidenti Mehriban Əliyevanın  bir gün ərzində 650 min ağacın əkilməsi bağlı təşəbbüsünə uygun olaraq Azərbaycanın hər yerində olduğu kimi Bakıda da geniş miqyaslı ağacəkmə kampaniyaları təşkil olunb. Bakı Şəhər İcra Hakimiyyətinin Mətbuat Xidmətindən Bakucity.az-a verilən məlumata görə, aksiyanın əsas məqsədi şairin  dünya ə...
Cəmiyyət
Maarifləndirici materiallar da paylanılıb Azərbaycan Səhiyyə Nazirliyinin İctimai Səhiyyə və İslahatlar Mərkəzi, Azərbaycan Tibb Universiteti və Azərbaycan Dövlət Bədən Tərbiyəsi və İdman Akademiyasının birgə əməkdaşlığı ilə 6 dekabr 2019-cu il tarixdə Dənizkənarı Milli Parkda “Hərəkətdə ol!” sağlamlıq yürüşü keçirilib. BakuCity.az xəbər verir ki, yürüşün təşkilində əsas məqsəd əhalini bir çox xəstəliklərin əsas risk faktoru olan fiziki passivlikdən uzaq o...
Cəmiyyət
Maşının təkərləri yerdən üzülüb Bakıda yol hərəkəti qaydalarını kobud şəkildə pozan daha bir avtomobil kameralara düşüb. BakuCity.az News24.az-a istinadla xəbər verir ki, Heydər lıiyev prospektində - ASK Arena stadionunun qarşısında “Toyota Prado” markalı, 99 AG 835 nömrə nişanlı avtomobilin sürücüsü qadağan edilmiş yerdə zolağı dəyişmək istəyib. Bu məqsədlə o ayırıcı zolağın üstünə çıxıb. Lakin ayırıcı sədd hündür olduğundan maşının təkərləri yerdən üzülü...
Hadisələr
Dişi sınıb Bakıda döyülmə hadisəsi baş verib. BakuCity.az APA-ya istinadən məlumat verir ki, hadisə paytaxtın Yasamal rayonu S.Əsgərova küçəsi, 77 ünvanında yerləşən “Ləziz” kafesində qeydə alınıb. Hacıyev Səbuhi Səxavət oğlu kafedə tanıdığı şəxslə mühabisə edib. Mübahisə sonradan əlbəyaxa davaya çevrilib. Dava zamanı Azər adlı şəxs S.Hacıyevin sifət nahiyəsinə yumruqla vuraraq onun dişini sındırıb. Həmçinin oxu: Bakıda “ayıq sürücü” 60 yaşlı müştərini xəs...
Cəmiyyət
Səsiniz olmasa belə, sevdiyiniz xarici və yerli mahnıları zümzümə edin Bakıda təxminən 2000-ci illərdə peyda olmağa başlayan karaoke-klublar hazırda əksər paytaxt sakini, xüsusilə də gənclər üçün ən sevimli musiqili-əyləncəli məkandır. Yapon dilindən tərcümədə “kara - boş, oke - orkestr” – yəni “boş orkestr” mənasını verən karaokedən insanlar bir növ öz streslərini atmaq, istedadlarını göstərmək, özlərini sanki səhnədə hiss etmək üçün istifadə edirlər. Bu...
Siyasət
"Faşizm üzərində qələbənin 75 illiyi yaxınlaşır, siz kimə abidə qoymusunuz?" Azərbaycanın iqtisadiyyat naziri Mikayıl Cabbarov Ermənistanın ərazi idarəçiliyi və infrastruktur nazirinin müavini Armen Simonyanın bu gün Bakıda keçirilən Avropa-Qafqaz-Asiya dəhlizinin (TRACECA) inkişafı üzrə Əsas Çoxtərəfli Sazişin imzalanmasının 20 illiyinə həsr olunmuş beynəlxalq konfransda və TRACECA Hökumətlərarası Komissiyasının Daimi Katibliyinin XIV iclasında "Fəxri xiy...
Cəmiyyət
5 yarmarka fəaliyyət göstərəcək Kənd Təsərrüfatı Nazirliyi dekabrın 21-dən 30-dək, yəni 10 gün müddətində “Kənddən şəhərə” bayram yarmarkaları təşkil edəcək. BakuCity.az xəbər verir ki, bunu Modern.az-ın sorğusuna cavab olaraq “Dövlət Aqrar Ticarət Şirkəti” MMC-nin İctimaiyyətlə əlaqələr şöbəsinin müdiri Mayis Musayev bildirib. M.Musayevin sözlərinə görə, bayram yarmarkalarının keçiriləcəyi ünvanların sayı artırılıb: “İndiyədək 4 yarmarka fəaliyyət göstəri...