Bakı ali məktəblərində dövlət sifarişli yerlərin sayı artırılacaq

Bakı ali məktəblərində dövlət sifarişli yerlərin sayı artırılacaq

Sənəd layihəsi artıq təsdiq olunma mərhələsindədir

Bakucity.az xəbər verir ki, Azərbaycanda 2019-2020-ci tədris ili üçün ali məktəblərdə dövlət sifarişli yerlərin sayı artırılacaq.

Bunu təhsil naziri Ceyhun Bayramov deyib.

Nazir bununla bağlı sənəd layihəsinin Nazirlər Kabinetində artıq təsdiq olunma mərhələsində olduğunu deyib.

C.Bayramov əlavə edib ki, ötən illə müqayisədə dövlət sifarişli yerlərin sayı 12 324 yerdən 20 500 yerədək artırılıb:

“Hesab edirik ki, bu tendensiya növbəti illərdə də davam edəcək. Növbəti tədris ili üçün ali təhsil müəssisələrinin proqnoz yerlərinin sayında dövlət sifarişli yerlər 42 faiz təşkil edəcək. 2018-2019-cui tədris ilində bu təxminən 30 faiz idi”.

Təhsil nazirinin sözlərinə görə, 2019-cu ilin dövlət büdcəsində ali təhsil sistemində dövlət sifarişli yerlərin maliyyələşdirilməsi üçün əlavə maliyyə vəsaitlərinin ayrılması nəzərdə tutulur. (Trend)

Bakucity.az

Ceyhun Bayramov
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər