Bakı metrosunda üçmərtəbəli stansiyalar açılacaq - YENİLİK

Metropolitendə müasir texnologiyalar və dünya standartları tətbiq ediləcək

Bakı metropoliteni paytaxtda əsas ictimai nəqliyyat vasitəsidir və metrodan hər gün minlərlə insan istifadə edir. İlk dəfə metro Bakıda 1967-ci ildə istismara verilib və stansiyaların əksəriyyəti də Sovetlər dövründə istifadəyə verilib. Bir çoxları müstəqillik dövründə tikilən stansiyaların azlığından şikayət edirlər. Onların fikrincə, metroya daha çox investisiya qoymaqla, şəhərin ictimai nəqliyyat yükünü xeyli azaltmaq olardı. Bundan başqa, metrodakı digər problemlər də sakinləri narahat edir. Son dövrlərdə qatarlarda tez-tez nasazıqların yaranması, sərnişinlərin qatarlardan boşaldılması, qatarların gecikməsi kimi hallar yaşanır. Bakucity.az bu dəfə Bakı metrosunun problemlərini araşdırıb, hansı yeniliklərin gözlənildiyini müəyyənləşdirib. Suallarımızı "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov cavablandırıb. Materialımızı oxuculara təqdim edirik.

Yeni stansiyaların tikintisində müasir texnologiyalar və  dünya standartları tətbiq ediləcək

Bəxtiyar Məmmədovun bildirdiyinə görə, Bakı Metropolitenində islahatlar 2011-ci ilin konseptual inkişaf planına uyğun olaraq aparılır və hal-hazırda paytaxtın Ceyhun Səlimov küçəsində tikilməkdə olan Bənövşəyi xəttin 3-cü (B3) stansiyasında tikinti işləri dövlət planına uyğun irəliləyir. Bu xətt müasir texnologiyaların və dünya standartlarının tətbiqi ilə fərqlənəcək:

""Memar Əcəmi" B3 stansiyasında yol infrastrukturunun qurulması istiqamətində əsas işlər görülüb və burada ilk dəfə olaraq ağac şpallardan yox, metropolitenin istehsalat sahəsinə aid dəmir-beton bloklardan istifadə olunacaq. Bakı iqlimində ağac şpalların dayanıqlığı 40 ildirsə, yeni şpalların ömrü minimum 50 ildir. 2-ci böyük yenilik isə stansiyanın arxasında dönmə kamerasının olması və bənövşəyi xətt üzrə əlil arabaları üçün liftlərin quraşdırılmasıdır”.

B. Məmmədov həmçinin qeyd edib ki, yeni stansiyalar 3 mərtəbəli olacaq: 

“Bu müasir dövrün daha bir tələbidir. İnsanların stansiyalardan təxliyəsi, stansiyaya daxil olmaları, çıxmaları daha rahat və təhlükəsiz olmalıdır. “Memar Əcəmi” B3 stansiyasıda artıq tikintinin həlledici mərhələsi başlayıb, müəyyən sahələrdə isə quraşdırılma işləri görülür. Stansiyada ümumilikdə 17 eskalator istifadəyə veriləcək. Hər xəttin öz deposu olacaq. “Avtovağzal” istiqamətindən “Xocahəsən” deposuna gedən tunellərindən biri 2018-ci ildə inşa olunub, digər tunelin tikintisi isə davam edir".

“Metrostansiyanın tikintisi heç də ucuz başa gəlmir”

“Bakı metropoliteni yerin altı ilə bütün şəhəri əhatə edəcəyindən hansısa stansiyanın və ya tikinti işinin aparıldığı dövrdə ortaya müxtəlif problemlər çıxa bilər, - metropolitenin mətbuat katibi davam deyib: bundan əlavə, metrostansiyanın tikilməsi heç də ucuz başa gəlmir. Bakı metropoliteni özü-özünü təmin edən müəssisə deyil. Ümumiyyətlə, dünyada özü-özünü maliyyə cəhətdən təmin edən metropolitenlərin sayı çox azdır. Metropoliten stansiyaları dövlətin ayırdığı vəsait hesabına tikilir və bu baxımdan da onu dövlətin sosial layihəsinin tərkib hissəsi hesab etmək olar. Yəni, tunellərin inşası və s. əvvəlcədən planlaşdırılmalıdır ki, metro stansiyalarının artımı baş versin”. 

Qatarların metroda tez-tez ləngiməsi, tuneldə qalması məqamlarına münasibət bildirən katib bu məsələnin deyildiyi qədər çox baş vermədiyini bildirib:

“Metro yerin altı ilə hərəkət edən nəqliyyat vasitəsidir və hərəkətin gur vaxtında interval 2 dəqiqə ilə hesablanır. Amma yerin üstündə olduğu kimi altında da müəyyən texniki nasazlıqlar və ya hansısa problemlər yarana bilər. Ümumiyyətlə, metro paytaxtda ən çox istifadə olunan nəqliyyat vasitəsidir, buraya sərnişin axını daha çoxdur və buna görə də müəyyən texniki problemlər dərhal rezanans doğurur. Metropolitenin qarşısına qoyduğu ən ümdə məsələ sərnişinlərin təhlükəsizliyidir və indiyənə qədər həyat üçün təhlükəli hadisələr olmayıb. Qatarlarımızın texniki baxışı, texniki xidmət, təmir növləri və s. hamısı vaxtı-vaxtında və qaydasında həyata keçirilir. Bakı Metropolitenində istismar müddətini başa vurmuş qatar anlayışı olmayıb, olmayacaq da. 

Bəzən sərnişinlər qatarların gəlmə vaxtını dəqiq bilmək istəyirlər. Vaxt göstəricisi isə əsasən qatarın maşinisti üçün və onun idarəetmə sistemləri üçündür. Qatarın gəlib getməsində sərnişini maraqlandıra biləcək informasiya sadəcə olaraq əlavə faydalı informasiyadır. Hal-hazırda Bakı metropolitenində sadəcə qatarın getdiyi vaxtın göstərilməsi həm də növbəti qatarın gələcəyi vaxtı göstərir. Qeyd etdiyim kimi, qatarların interval vaxtı 2 dəqiqədən başlayır və sərnişin sıxlığından asılı olaraq yuxarıya doğru dəyişir. Bakı metropolitenində qüsurlar həmişə olub, indi də var, amma sərnişin həyatının təhlükəsizliyi baxımından metromuz həmişə nümunəvi olub”.

Məmmədov sonda qeyd edib ki, bu il ərzində 6 qatar (30 vaqon) alınacaq ki, bu da istismardan 30 vaqonun çıxarılaraq yenilənməsi deməkdir. Bundan başqa, ventilyasiya sistemində dəyişikliklər olacaq, 7 yeni ventilyator alınacaq.

Qeyd edək ki, dövlət proqramına uyğun olaraq 2030-cu ildə paytaxtımızın yeraltı yollarının ümumi uzunluğunun 119,1 km-ə, stansiyalarının sayının isə 76-ya çatdırılması gözlənilir. 

Ramilə Qardaşxanqızı

Bakucity.az

Bakı metropoliteni
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Hələ heç kəs qiymətləndirməyib
1657 baxış dekabrda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Türkiyə təcrübəsini Azərbaycanla paylaşmağa hazırdır Azərbaycan Türkiyənin İstanbul şəhərindəki nəqliyyat idarəetmə təcrübəsini Bakıda tətbiq etmək istəyir. Bu məqsədlə Bakı Nəqliyyat Agentlyinin rəsmiləri bu meqapolisdəki nəqliyyat idarəetməsi ilə yerində tanış olublar. İstanbul Böyükşəhər Bələdiyyəsinin İdarəetmə Mərkəzində keçirilən görüşdə ictimai nəqliyyatın idarə olunması prosesi haqqında məlumat verilib. Görüş zamanı ictimai nəqliyyatda sərnişinləri...
İdman
Tamaşaçılar da hərəkətləri təkrar edib Bakıda Milli Gimnastika Arenasında Azərbaycan Gimnastika Federasiyasının Birinci estafet yarışları başlayıb. BakuCity.az-ın Trend-ə istinadən verdiyi məlumata görə, estafetdə müxtəlif gimnastika növləri üzrə Azərbaycan milli komandalarının üzvlər və onların valideynləri, ümumilikdə 200 nəfər iştirak edir. Estafetə 9 komanda - “Şahdağ”, “Odlar yurdu”, “Koroğlu”, “Xəzər”, “Gülüstan”, “Qarabağ”, “Qobustan”, “Göygöl” və B...
İdman
Çempionatda 8 komanda iştirak edir Azərbaycanda ilk dəfə amputa klubların çempionatına start verilib.  BakuCity.az “Qafqazinfo”ya istinadən xəbər verir ki, artıq çempionatın ilk matçı da baş tutub.  Abşeron Olimpiya İdman Kompleksinin stadionunda keçirilən qarşılaşmada “Qarabağ”la “Sumqayıt” üz-üzə gəlib. “Gənclik şəhəri”nin təmsilçisi bu matçdan son dəqiqələrdə vurulan 1 qolla qalib gəlib.  Çempionatın növbəti oyunları qarşıdakı günlərdə keçiriləcək. 4 ko...
Cəmiyyət
Qırmızı Qəsəbədəki qəbiristanlıqda torpağa tapşırılacaq Bakıda vəfat edən deputat Yevda Abramov bu gün dəfn olunmayacaq. BakuCity.az-ın məlumatına görə, mərhum deputatın qızı Bəsti Yusifova Report-a bildirib ki, dünyasını dəyişən şəxsin şənbə günü torpağa tapşırılması onların adət-ənənəsinə uyğun deyil: "Ona görə də atamın dəfn mərasimi bazar günü, yəni dekabrın 8-də keçiriləcək". Beləliklə, Y.Abramovla vida mərasimi dekabrın 8-i saat 12:00-dan 13:00-dək Q...
Cəmiyyət
Gələn ildən yüklərin Çinə nəqli nəzərdə tutulub Qədim İpək Yolunun başlandığı Sian şəhərində ənənəvi “Silk Road Business Summit” işinə başlayıb. Bakı Beynəlxalq Dəniz Ticarət Limanınından BakuCity.az-a verilən məlumata görə, çoxlu sayda dövlət və özəl şirkət rəhbərləri, “Bir Kəmər, Bir Yol” layihəsi üzərində fəaliyyət göstərən qurumların iştirak etdiyi tədbirdə Bakı Limanının Baş direktoru Taleh Ziyadov çıxış edərək bildirib ki, 21-ci əsrin bütün texniki s...
Cəmiyyət
Tbilisi sakinləridirlər 2019-cu il noyabrın 2-də Bakı bulvarı boyunca guya erməni milliyətindən olan şəxslərin avtomobillə hərəkət edərək erməni dilində danışıb qeyri-etik ifadələr işlətmələri ilə bağlı video yayılmışdı. BakuCity.az İTV-yə istinadən xəbər verir ki, "Ermənilər Bakıda" başlıqlı bu görüntü müəyyən müzakirələrə səbəb olmuşdu. Jurnalist araşdırması nəticəsində bəlli olub ki, həmin şəxslər Gürcüstan vətəndaşı olan azərbaycanlılardır. Tbilisi sak...
Hadisələr
Avtomobillərə ciddi ziyan dəyib Nərimanov rayonunda 4 avtomobilin iştirakı ilə zəncirvari yol-nəqliyyat hadisəsi baş verib. Qəza Əhməd Rəcəbli küçəsində qeydə alınıb. BakuCity.az Oxu.az-a istinadən məlumat verir ki, Qənbərov Seyfəddin Kərəməli oğlu idarə etdiyi “VAZ 2107” markalı minik avtomobili ilə hərəkətdə olarkən geriyə dönmə əməliyyatı etmək istəyib. Lakin arxadan gələn nəqliyyat vasitələrini gözləmədiyindən qəzaya səbəb olub. Belə ki, arxada hərəkət...
Cəmiyyət
Qatarlar yeni cədvəl üzrə hərəkət edəcək Azərbaycanda sərnişin qatarlarının maksimal hərəkət sürətlərinin artırılması ilə əlaqədar olaraq 8 dekabr 2019-cu il tarixdən etibarən beynəlxalq və ölkədaxili sərnişin qatarlarının 2019/2020-ci illər üçün yeni hərəkət cədvəli tətbiq ediləcək. “Azərbaycan Dəmir Yolları” QSC-dən BakuCity.az-a verilən məlumata görə, Bakı-Tbilisi-Bakı marşrutu ilə hərəkət edən beynəlxalq sürət qatarının yolda olma müddədti 55 dəqiqə, B...
Ekologiya
Mülayim külək əsəcək İstirahət günlərində gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən BakuCity.az-a verilən məlumata görə, paytaxtda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin dekabrın 8-də axşama doğru bəzi yerlərdə yağış yağacağı ehtimalı var. Səhər zəif duman olacaq. Mülayim cənub-şərq küləyi əsəcək. Havanın temperatu...