Bakıda səhər vaxtı haradan qəhvə almaq olar? - ARAŞDIRMA

Paytaxtda yetərincə qəhvəxana yoxdurmu?

Dünyanın bir çox şəhərlərində səhər vaxtı işə gedənlərin yolunun üstündə qəhvə satan obyektlərə rast gəlinir. Biz filmlərdə əllərində qəhvə dolu plastik stəkanlarla ofisə gələn insanları tez-tez görürük. Çünki səhər çağı qəhvə içmək çoxları üçün gümrahlaşmaq, yuxudan ayılmaq üçün ən effektiv vasitə sayılır. Bakıda isə "Take away" xidməti hələ də yetərincə populyar deyil. Şəhər mərkəzindən savayı başqa yerlərdə, yolüstü qəhvəxanalara, qəhvə satıcılarına o qədər də rast gəlinmir. Bu dəfəki araşdırmasında Bakucity.az şəhərimizdə "Take away" xidmətinin necə işləməsi, onun nə qədər sərfəli olması, qəhvə mədəniyyətinin inkişaf problemlərini araşdırıb. Materialı oxucularımıza təqdim edirik. 

Bakıda qəhvə mədəniyyətinin inkişafına nə maneə olur?

Bakıda əksər iş yerləri saat 9-da və ya 10-da açılır. Paytaxtın əksər qəhvəxanaları da adətən səhər saat 9 radələrindən işləməyə başlayırlar. Amma son vaxtlar bir çox qəhvəxanalar səhər saat səkkiz radələrindən ziyarətçilər üçün öz qapılarını açmağa başlayıblar.

“Coffeemania” qəhvəxanasının direktoru İsgəndər Qasımov saytımızla açıqlamasında bildirdi ki, Bakıda səhər tezdən işə qəhvə ilə getmək istəyənlərlərin sayı az deyil, amma nədənsə "Take away" xidməti göstərən müəssələrin sayı elə də çox deyil:

"Bakıda səhər saat 8-də açılan müəssisələr azdır, olanlar da əsasən, paytaxtın mərkəzi rayonlarında fəaliyyət göstərirlər. Bu, belə xidmət göstərənlər üçün müəyyən dərəcədə sərfəlidir, çünki rəqabət böyük deyil. Ümumiyyətlə, bizdə qəhvə mədəniyyəti o qədər də inkişaf etməyib, bəlkə də bu, insanların qəhvənin faydalarını bilməmələrindən, qəhvəyə öyrəşməmələrindən qaynaqlanır".

İ.Qasımovun fikrincə, bu amil şəhərin onsuz da elə də çox olmayan müəssilərində  keyfiyyətli qəhvə tapmağın çətinliyindən də qaynaqlana bilər: 

"Digər ölkələrdə məşhur  olan brend qəhvəxanalar Bakıda yenicə fəaliyyət göstərməyə başlayıblar.  Kifayət qədər tanınmayan müəssəsiələrin sahibləri isə düşünürlər ki, tələbat olmadığına görə obyekti səhər tezdən açmaq sərfəli deyil". 

Çay, yoxsa qəhvə?

Növbəti müsahibimiz, “Barista&Cheef” müəssisəsinin əməkdaşı Elnur Hakimov deyir ki, insanlar  işə gedərkən qəhvə ala bilsinlər deyə, məkanı səhər tezdən açırlar:

 ""Barista&Cheef" səhər 08:30-da artıq açıq olur. Biz müştərilərimizə tək qəhvə deyil, səhər yeməkləri də təklif edirik. Bundan başqa, bizdə "Take away" xidməti, yolüstü işə gedənlər üçün xüsusi pəncərə var.  Artıq səhər tezdən özü ilə işə isti qəhvə aparan daimi müştərilərimiz yaranıb".

Müəssisənin əməkdaşının sözlərinə görə, bu xidmətdən gəlir əldə etmək mümkündür və müştərilərin də sayı kifayət qədər çoxdur:

"Hər 15-20 dəqiqədən bir bizim daimi müştərilərimiz və ya yoldan keçənlər içkilərimizi alırlar. Səhər çağı bizə 15 nəfərə qədər müştəri yaxınlaşa bilir. Deyə bilərəm ki, bakılılar arasında səhər tezdən qəhvə almaq ənənəsi kifayət qədər yayğındır".

Bununla belə, Elnur Hakimov hesab edir ki, Bakıda qəhvə mədəniyyəti hələ inkişaf etməyib, amma zaman keçdikcə, qəhvə  populyarlığına görə çayı ötüb keçəcək: "Paytaxtın qonaqları əksərən yalnız qəhvə almağa üstünlük verirlər, artıq şəhər sakinləri də məkanımızda daha çox qəhvə sifariş edirlər". 

Paytaxtın ən populyar kafeteriya şəbəkələrindən olan “Starbucks” da müştərilərə xidmət etmək üçün səhər tezdən işə başlamağa üstünlük verir.

“Starbucks”ın menecerinin dediyinə görə, səhər tezdən tünd qəhvə almaq istəyən müştərilərin sayı kifayət qədər çox olur:

“Bakıda işə başladığımız gündən etibarən səhər tezdən qəhvə almaq istəyən daimi müştərilərimiz yaranıb. Hətta biz artıq bilirik ki, hansı müştəri dəqiq nə zaman gələcək. Səhər vaxtı bizdə masa arxasında oturmaq istəyən müştərilərimiz demək olar ki, olmur. Əvəzində "Take away"ə üstünlük verənlər çoxdur. Mən hesab edirəm ki, bu xidmət biznes üçün çox sərfəlidir".

Qəhvəxananın əməkdaşının qeyd etdiyi kimi bakılılar  getdikcə daha çox qəhvəyə üstünlük verməyə başlayırlar. “Starbucks”da da qəhvə almaq istəyənlərin nisbət faizi  70%-i təşkil edir. “Starbucks” kafesində doqquz çay növünün olmasına baxmayaraq, müştərilərin yalnız 30%-i  ənənəvi Azərbaycan çayını sifariş edirlər. 

Beləliklə, bakucity.az-ın bu araşdırmasından sonra məlum oldu ki, paytaxtdakı qəhvəxanaların çox az qismi səhər tezdən fəaliyyətə başlayır. Son illərdə paytaxt sakinləri arasında işə gedərkən qəhvə götürməyə adət edən insanların sayı artsa da, bu hələ "Take away"  mədəniyyətinin formalaşması mənasına gəlmir. 

Züleyxa İsmayılova

Bakucity.az

ARAŞDIRMA
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
119 baxış oktyabrda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Bu gün Azərbaycan Milli Elmlər Akademiyasının (AMEA) ümumi yığıncağı keçirilib.  BakuCity.az xəbər verir ki, yığıncaqda Prezident Administrasiyasının sabiq rəhbəri, akademik Ramiz Mehdiyev, Prezident Administrasiyasının Humanitar siyasət məsələləri şöbəsinin müdiri Fərəh Əliyeva, AMEA rəhbərliyi iştirak edirlər. Ümumi yığıncaqda AMEA prezidenti vəzifəsinə seçki keçirilib. Akademik Akif Əlizadə AMEA-nın prezidenti vəzifəsinə R.Mehdiyevin namizədliyini təkli...
Cəmiyyət
Bakıda xarici ölkələrdən ölkə ərazisinə qaçaqmalçılıq yolu ilə xammal və qablaşdırma paketləri gətirməklə qanunsuz fəaliyyət göstərən sexlər aşkar edilib. Baş Prokurorluğun Mətbuat xidmətindən BakuCity.az-a verilən məlumata görə, həmin sexlərdə kustar üsulla pis keyfiyyətli kontrafakt tələbat məhsulları istehsal edilərək müxtəlif satış mərkəzlərinə paylanıb. Bakı şəhəri, Nərimanov rayonu, Dərnəgül qəsəbəsi, 2090-cı məhəllədə yerləşən fərdi sahibkar Tarverd...
Cəmiyyət
"Azərbaycan Hava Yolları" (AZAL) “Payız endirimləri” çərçivəsində aviabiletlərə endirim kampaniyası elan edir. “Azərbaycan Hava Yolları” QSC-nin mətbuat xidmətindən BakuCity.az-a verilən məlumata görə, 2019-cu il 23-31 oktyabr tarixləri aralığında aviabiletlər uçuşdan 72 saat öncə alındığı təqdirdə ekonom-sinif üzrə qiymətlər aşağıdakı kimi olacaq (qiymətlər Bakıya və geri istiqamətdə gediş-dönüş olmaqla göstərilib): • Küveyt – 159 avro• Antalya – 169 avro...
Cəmiyyət
Yaxın vaxtlarda Bakıda ilk dəfə olaraq 5G şəbəkəsinin sınaqları aparılacaq. BakuCity.az xəbər verir ki, bunu "APA-Economics"ə Nəqliyyat, Rabitə və Yüksək Texnologiyalar Nazirliyindən deyiblər. Bildirilib ki, artıq bir həftədir Çinin “Huawei” şirkəti ilə belə bir eksperimental zona Heydər Əliyev Mərkəzində yaradılıb: "Hazırda bu şəbəkənin istismara verilməsi məqsədilə müvafiq qanunvericilik hazırlanır. Bu işlər hələ ilkin mərhələdədir. Paralel olaraq sahə ü...
Hakimiyyət
Prezident İlham Əliyev Mikayıl Çingiz oğlu Cabbarovun Vergilər naziri vəzifəsindən azad edilməsi haqqında sərəncam imzalayıb. BakuCity.az xəbər verir ki, dövlət başçısının digər sərəncamı ilə M.Cabbarov İqtisadiyyat naziri təyin edilib. Qeyd edək ki, sabiq təhsil naziri M.Cabbarov İçərişəhər Dövlət Tarix-Memarlıq Qoruğu İdarəsinin rəisi (2009-2013-cü illərdə) vəzifəsində də çalışıb. BakuCity.az
Hadisələr
Bakı şəhərinin Pirallahı rayonundan balıq tutmaq məqsədilə dənizə çıxaraq itkin düşən 1976-cı il təvəllüdlü Quliyev Vurğun Akif oğlunun axtarışları davam etdirilir. BakuCity.az xəbər verir ki, hazırda Fövqəladə Hallar Nazirliyinin Aviasiya dəstəsinin helikopteri qəzanın baş verdiyi ehtimal olunan koordinatlarda axtarışlar aparır. Həmçinin oxu: Bakıdan dənizə çıxan 4 balıqçı itkin düşüb - Helikopterlə axtarırlar Eyni zamanda, Kiçikhəcmli Gəmilərə Nəzarət və...
Hadisələr
Bakıda piyadaların vurulması ilə nəticələnən yol-nəqliyyat hadisəsi kameraya düşüb. BakuCity.az Avtosfer.az-a istinadən xəbər verir ki, üç qız Heydər Əliyev prospektində yolu keçməyə çalışır. Bu zaman orta yoldakı sol zolaqla hərəkətdə olan avtomobil onları vurur. Həmçinin oxu: Bakıda sənədsiz sürücü qırmızı işıqdan keçdi, qəza törətdi - FOTO + VİDEO Qızlardan biri avtomobilin altında qalır. Digər ikisi isə yüngül xəsarətlə canını qurtarır. Qeyd edək ki, h...
Cəmiyyət
Bakının Xətai rayon məhkəməsində Milli Qəhrəman Mübariz İbrahimovun anası Şamama İbrahimovanın psixoloq Nərmin Şahmarzadə barəsində xüsusi ittiham qaydasında verdiyi şikayətlə bağlı məhkəmə başa çatıb. BakuCity.az-ın məlumatına görə, vəkil Ramil Rüstəmovun Oxu.Az-a bildirib, hakim Cavid Hüseynin sədrliyi ilə keçirilən prosesdə qərar elan edilib. Vəkil deyib ki, N.Şahmarzadəyə verilən cəzaya görə, o, Xətai rayonu ərazisində küçə süpürəcək. Qərara əsasən, N....
Cəmiyyət
Oktyabrın 22-də Bakı Sərgi Mərkəzində XXV Azərbaycan Beynəlxalq İnşaat (“BakuBuild 2019”) sərgisi açılıb. BakuCity.az xəbər verir ki, sərgidə 23 ölkədən 280 şirkət iştirak edir. 1995-ci ildə təsis edilmiş sərgi bu illər ərzində 35 ölkəni təmsil edən 5000-dən çox şirkəti bir araya gətirib. Azərbaycanın hüdudlarından çox uzaqlarda da tanınan “BakuBuild” sərgisi özünü işgüzar əlaqələrin qurulduğu, inşaat sənayesi üçün innovativ texnologiya və avadanlıqların n...