Bakıda Xocalı yürüşündə iştirak edənlərin sayı açıqlandı

Bakıda Xocalı yürüşündə iştirak edənlərin sayı açıqlandı, Javid

Bakı Şəhər İcra Hakimiyyəti məlumat yayıb

Bakucity.az xəbər verir ki, Bakı Şəhər İcra Hakimiyyəti fevralın 26-da Bakı şəhərində Xocalı soyqırımının 27-ci ildönümü ilə əlaqədar Xətai rayonundakı soyqırımı qurbanları abidəsinə ümumxalq yürüşü ilə bağlı məlumat yayıb.

Məlumatda bildirilir ki, yürüşdə əlli beş mindən çox insan iştirak edib.

Yürüşün ön sırasında Azərbaycan Respublikasının prezidenti İlham Əliyevin və birinci xanım Mehriban Əliyevanın olduqları yürüş zamanı “Xocalıya ədalət!”, “Xocalını unutmayın!”, “Rədd olsun erməni faşizmi!” və digər çoxsaylı şüarlar nümayiş etdirilib.

“Bu yürüş xalqla hakimiyyətin birliyini, vəhdətini və xalqın öz rəhbərinə verdiyi böyük dəstəyi bir daha göstərdi. Yürüşdə iştirak edən böyük insan kütləsi Xocalı soyqırımının heç zaman unudulmayacağını və bu qanlı cinayəti törədənlərin Azərbaycan prezidentinin apardığı siyasət, gördüyü işlər nəticəsində cəzasız qalmayacaqlarına xalqımızın inamını nümayiş etdirdi”, - deyə məlumatda qeyd olunur.

Bakucity.az

Xocalı yürüşü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər