YARAT Bakıda yeni layihə təqdim edəcək - VİDEO

YARAT Bakıda yeni layihə təqdim edəcək - VİDEO

"İnsan: özünü dərk et" proqramı təşkil ediləcək

Bakucity.az xəbər verir ki, bu ilin mart ayından dekabr ayına kimi YARAT Müasir İncəsənət Məkanı özünüinkişafla bağlı ödənişsiz əlavə təhsil imkanları üçün "İnsan: özünü dərk et" proqramını təşkil edəcək.

YARAT-dan verilən məlumata görə, bu proqram şirkət rəhbərləri, habelə tələbə və müəllimlər, yaradıcı şəxslər, yaşından və təhsilindən asılı olmayaraq, hamıya çağdaş insan üçün vacib bacarıqlara yiyələnmək üçün praktik biliklər verməyə kömək edə bilər.

YARAT Müasir İncəsənət Məkanının təsisçisi Aida Mahmudovanın sözlərinə görə "Nəzərdə tutulan təlim və mühazirələrin əsas mahiyyəti şüurdur. Məlumdur ki, bu bacarığın inkişafı nəticəsində insan Özü özünə qoyduğu məhdudiyyətlərdən azad olub özünü inkişaf etdirərək həyatını kökündən dəyişə bilər. Əminəm ki, şüurun inkişafı istiqamətində atılmış hər hansı bir addım bizə daha yaxşı insani keyfiyyətlər qazanmağa və ətraf mühitlə harmoniyada olmağa yardım edəcək.

Proqramın mövzusu çoxşaxəli özünüinkişafla bağlı 4 əsas kateqoriyanı ehtiva edir:

Mən indi və burda: zehni bacarıqlar

Mənim gələcəkdə olmaq istədiyim obraz və bu istiqamətdə etdiyim cəhdlər: planlamaq və arzulara çatmaq bacarıqları

Əmin-amanlıq və xoşbəxtlik: bunlara elmi baxış

Ətrafla qarşılıqlı münasibət: empati, minnətdarlıq və bağışlama bacarıqları

"Çağdaş dünyamız o qədər sürətlə dəyişir və inkişaf edir ki, insanın psixi və daxili tarazlığını qoruyub saxlamaq bacarıqlarını inkişaf etdirmək günbəgün aktuallaşır. Bu bacarıqları inkişaf etdirmək üçün heç də hamı əlavə təhsil almaq imkanına malik deyil. Odur ki, bu proqram boşluğu doldurmağa effektiv kömək edir", - deyə proqramın direktoru Arstarulsmirus qeyd edir.

Proqrama dünyanın müxtəlif ölkələrindən fərdi inkişaf sahəsində qabaqcıl mütəxəssis və bestseller müəlliflər dəvət olunublar. Mart ayından etibarən və 2019-cu il boyu proqramda ABŞ, Almaniya, Rusiya, Belorus, İsveç və İrlandiyadan olan 10 müəllim və alim iştirak edəcəklər. Onların hər biri aşağıdakı sahələrin və bacarıqların inkişafı üçün tədris kursunu təqdim edəcəklər:

Diqqətin yönləndirilməsi • Stress müqavimətliliyi

Emosional özünütənzimləmə • Ettektiv istirahət

Özünüidarə qabiliyyəti • Pozitiv psixologiya

Məşğələlərdə insanın daxili dünyasının xüsusiyyətləri, onun vərdişləri və meyilləri, beynin neyroplastikliyi və psixoemosional vəziyyətlərin idarə olunma metodlarına baxılacaq. Təlimçilərin gəlmə imkanlarını nəzərə alaraq, proqram ardıcıl olaraq davamlı keçirilməyəcək, təlimləri tək-tək seçərək iştirak edə bilərsiniz. Təlim proqramına əsasən məşğələlər bu formatda keçiriləcək:

Giriş dərsləri — ümumi, tanışlıq məlumatı ( 2 saat).

Təlimlər — daha yüksək səviyyə, vərdişlərin transformasiyası (6 saatdan 3 günə qədər). Proqramı məşhur Amerika professoru və müəllimi Barbara Oukli açacaq və ilk tədbiri o aparacaq. O, özünün məşhur "Öyrənməyi necə öyrənməliyik" kursunu keçəcək. Siz bu təlimlə qarşınıza qoyduğunuz hədəfə necə yönəlməyi, yaddaşınızı inkişaf etdirərək yeni və çətin materialları asanlıqla yadda saxlamağı öyrəncəksiniz. Bu təlim sizin öyrənmək prosesinə baxışınızı tamamilə dəyişə bilər.

Layihənin giriş mühazirəsi martın 7-də, təlimlər isə 2019-cu il martın 8-də və 9-da başlayacaq.

Ətraflı məlumat və qeydiyyatdan üçün:

Website: www.insan.yarat.az Əlaqə nömrəsi: +994 50 289 31 32 Email: [email protected]

Bakucity.az

Yarat
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər