Bakıda küçə sənəti niyə formalaşmır? – ARAŞDIRMA

Paytaxtda qraffiti nümunələri azdır

Müasir dövrdə qraffiti sənət nümunələri bir çox şəhərlərin bəzəyidir. Hətta əfsanəvi qraffiti rəssamı Benksinin London divarlarına çəkdiyi qraffitilər artıq muzeylərdə saxlanılır, sərgilərdə göstərilir. Təkcə Qərb ölkələrində deyil, hətta qonşu Gürcüstanda da elə qraffiti rəssamları var ki, onları bütün ölkə tanıyır və əsərlərini qiymətləndirir. Çünki qraffiti özlüyündə təkcə güclü mesajları daşımır, o həmçinin şəhərin görkəminə və fəlsəfəsinə dəyər qatır. Bəs Bakıda qraffiti mədəniyyəti niyə formalaşmayıb, niyə biz paytaxtımızda küçə sənəti nümunələri görmürük, buna nələr mane olur? Bakucity.az araşdırmasında bu suallara cavab tapmağa çalışıb.

Bakı küçələrində niyə qraffiti nümunələrinə rast gəlinmir?

Saytımıza açıqlama verən “Wish” ləqəbli gənc qraffiti rəssamı Səid Şərifovun dediyinə görə, binaların boş hissələrində qraffiti rəsmləri çəkmək olar: 

“Qraffiti özü qanunsuz fəaliyyət növüdür, onun “mural art” qolunda isə binaların boş hissələrində şəkillər çəkməyə qanunla icazə verilir, sadəcə bizdə bu qanunu tənzimləyən qaydalar yoxdur. “Mural”la məşğul olmaq üçün xüsusi təşkilat yaratmağı tələb edirlər, buna görə də Bakı küçələrində qraffiti nümunələrinə rast gəlinmir. Çətinliklərə baxmayaraq, biz paytaxda unudulmuş yerlər və ya şəkil çəkə biləcəyimiz parklar tapıb işləməyə çalışırıq. Bu ərazilərdə maneəsiz rəsm çəkmək mümkün olsa da, çəkdiklərimizi çox az insan görür. Min-bir əziyyətlə çəkdiklərimiz sonradan qiymətləndirilir”. 

“Bakının mərkəzində elə binalar var ki, - “Wish” davam edir;  divarları boşdur və belə onlar çox çılpaq görünürlər.  Halbuki həmin çılpaq divarlarda gözəl əsərlər yaratmaq və o əsərlər vasitəsilə paytaxtda küçə incəsənətiylə maraqlananlar üçün qraffiti turları təşkil etmək olardı. Ukraynanın paytaxtı Kiyevdə yaşayış binalarının yan tərəfləri və səthləri “mural” larla bəzədilib.  Hətta Kiyev küçələrində bir çox tanınmış rəssamların əsərləri var. Misal üçün, kosta-rikalı rəssam Mata Ruda orada qədim slavyan mifologiyasındakı qadın ruhu “Bereginya”nın rəsmini çəkib. Rəssam İlya Paveleç isə Kiyev Estrada və Sirk İncəsənəti Akademisyasının 2 divarını qeyri-adi “mural”larla bəzəyib. Kiyevin mərkəzində fransız rəssam MTO-un da təsvirləri yer alıb. Ukraynada qraffitinin inkişafı üçün tədbirlər görülür. Biz də dövlət tərəfindən dəstək görsək, bu təcrübədən yararlana, şəhərdə qraffiti mədəniyyətini formalaşdıra bilərik”. 

Bakıda qraffiti rəssamları azdır

“Street-art”la (küçə sənəti) məşğul olan rəssam Yunis Krılov isə Bakıda yüksək səviyyədə, amma az sayda qraffiti rəssamlarının olduğunu deyir:

“Bakıda yalnız bir əlin barmağı qədər qraffiti rəssamı var, amma az olmalarına baxmayaraq, onlar yüksək səviyyədə iş görürlər və əsərlərinin bəziləri hətta Avropa rəsmləri səviyyəsindədir. Mən onlarda hər gün nəsə yeni, maraqlı bir şey görüb qürurlanıram. Bakının əsas küçələrində qraffiti nümunələrinin rast gəlinməməsinin səbəbi rəssamların azlığından tutmuş, keyfiyyətli boyaların olmamasını göstərmək olar, amma ən əsas səbəb bu sahəyə dəstəyin olmamasıdır. Əksər xarici ölkələrdə qraffiti ilə məşğul olan gənc rəssamların leqal fəaliyyəti üçün dövlət tərəfindən xüsusi divarlar ayrılır. Bundan əlavə, onların inkişafı üçün stimul verən müxtəlif tədbirlər həyata keçirilir. Bu ölkələrdə qraffiti qeyri-qanuni və ya qeyri-ciddi iş kimi təqdim edilmir, əksinə, bu, bir növ özünüifadə hesab edilir”.

Yunis Krılov “Street-art”ın əsasını qraffitinin təşkil etdiyini, amma “Street-art” qraffiti olmadığını deyir:

“Qraffiti - hip-hop altmədəniyyətinin (subkultura) 5 sütunundan biridir. Qraffiti həyat tərzi kimi başqa mahiyyət, siyasi olaraq isə tamam başqa mahiyyət kəsb edir. Hip-hop altmədəniyyəti prizmasından baxmasaq, qraffitinin populyarlaşması İkinci  Dünya Müharibəsi dövründə Kilroy adlı fəhlənin Detroytda yerləşən fabrikdə bomba yeşiklərinin üzərinə “Kilroy was here” cümləsini yazması ilə başlayıb. Sonra bu sözlər əsgərlərin və zamanla müxtəlif cəmiyyətlərin şüarı olub. Bir çox səbəblərdən “Street-art”ın yaranmasını dolayı yolla bütün dünyada siyasətlə əlaqələndirirlər. Bəzən isə divarlarda yazılan siyasi şüarları qraffiti ilə səhv salırlar”. 

Qraffiti ilə bağlı nazirliyin heç bir planı yoxdur

Saytımıza açıalama verən Azərbaycan Respublikası Mədəniyyət Nazirliyinin sözçüsü Qalib Qasımov qraffitinin ölkəmizdə inkişaf etdirilməsi və ya təbliğiylə bağlı yaxın 2-3 il ərzində hansısa bir tədbirin həyata keçirilməyəcəyini deyib:

“Biz peşəkar incəsənəti dəstəkləyirik və bu sahədə tədbirlər görürük. Qraffiti ilə məşğul olmaq istəyənlərə Bakı Şəhər İcra Hakimiyyəti, Bələdiyyələr, QHT-lər və s. kimi qurumlar və ya bu işə marağı olan şəxslər tərəfindən müvəqqəti və ya davamlı şəkildə xüsusi divarlar ayrıla bilər. Qraffitiyə xüsusi maraq varsa və bu maraq cəmiyyət üçün təhlükəli deyilsə, deməli, onun qarşısını almaq da düzgün deyil. Rəssamların ideyası, mövzusu nizamlı şəkildə aparılarsa, qraffiti növlərinin mahiyyəti incəsənətə xidmət edərsə, onda bu sənətə gələcəkdə nə zamansa şərait yaratmaq olar. Hazırda isə tarixi binalarımızın, şəhərimizin gözəlliyinin və arxitektura ansamblının qraffitiyə ehtiyacı yoxdur deyə düşünürəm”.

Qeyd edək ki, Azərbaycanda İnzibati Xətalar məcəlləsinin 393-cü maddəsinə uyğun olaraq yaşayış sahələrində binaların, onların avandalığının və abadlıq obyektlərinin korlanmasna görə inzibati qaydada cərimə tətbiq oluna bilər. Amma Nazirliyin sözçüsünün də qeyd etdiyi kimi, ümid edirik rəssamlarımızın ideyası, qraffiti növlərinin mahiyyəti şəhərimizin gözəlliyinə əlavə gözəllik qatmaqla ölkəmizdə bu mədəniyyət növünü populyarlaşdıracaq.

Ramilə Qardaşxanqızı

Bakucity.az

qraffiti küçə sənəti
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Şənbə və bazar günləri icazəsi olanlar işə velosipedlə gedə bilərlər. “Fəaliyyətinə icazə verilmiş qurumda, təşkilatda xidmət edən və onun işə gedib-gəlməsi üçün icazə portalına məlumatı yerləşdirilmiş şəxslərin özləri də fərdi nəqliyyat vasitələrindən istifadə edə bilməzlər”. BakuCity.az xəbər verir ki, bu barədə Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev “Xəzər aktual”da danışıb. K.Əliyev, bu qərarın səb...
Hadisələr
Bakıda küçəyə çıxmaq qadağasının ilk günündə polis qadının həyatını xilas edib. Səhər saatlarında Binəqədi rayonunda xroniki xəstəliyi olan şəxs polisin köməyi ilə xəstəxanaya çatdırılaraq, həyatı xilas edilib.  BakuCity.az xəbər verir ki, bu gün səhər saatlarında Binəqədi rayonu, Biləcəri qəsəbəsində həyat yoldaşının vəziyyətinin qəfil pisləşdiyini görən kişi ərazidə xidmət aparan Binəqədi polisinə müraciət edərək, kömək istəyib.  Çağırışa dərh...
Ekologiya
7 iyunda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq, mülayim şimal küləyi əsəcək. Havanın temperaturu  Abşeron yarımadasında gecə 18-21, gündüz  25-29, Bakıda  gecə 19-21, gündüz  27-29 dərəcə isti olacaq.  Atmosfer  təzyiqi 764 mm c...
Ekologiya
Sabah Bakıda gücləndirilmiş dezinfeksiya işləri aparılacaq. Bakının mərkəzi və qəsəbələrdəki əsas küçə, prospekt və yollarında xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq. Bu barədə BakuCity.az-a paytaxtın kommunal strukturlarından məlumat verilib.  Dezinfeksiya işləri səhər saatlarından başlayacaq.  BakuCity.az
Kriminal
Bakıda bıçaqlanma hadisəsi baş verib. BakuCity.az xəbər verir ki, hadisə Suraxanı rayonunun Hövsan qəsəbəsində qeydə alınıb. Naməlum şəxs 1983-cü il təvəllüdlü Mustafayev Fərid Fərhad oğlunu bıçaqlayıb. Yaralı təcili tibbi yardım briqadasının köməyi ilə xəstəxanaya çatdırılıb.  Ona döş qəfəsinin və boynun kəsilmiş-deşilmiş yarası diaqnozu qoyulub. Faktla bağlı araşdırma aparılır. (report) BakuCity.az
İdman
"Həftəsonu qadağaların olması çempionata təsir edəcək" "Məşqlərin bərpa olunması bizi sevindirir. Hamı ilk futbola başladığı gün kimi sevinclə çalışır. Komanda üzvləri çox həvəslidir".  BakuCity.az xəbər verir ki, bunları "Report"a açıqlamasında "Zirə"nin futbolçusu Ağabala Ramazanov deyib.  27 yaşlı hücumçu məşqlərdə tələb olunan bütün qaydalara əməl ediklərini bildirib. A.Ramazanov Bakıda həftəsonu tətbiq olunan qadağaya da münasibət bildirib: "Bu, bizim...
Cəmiyyət
Şənbə və bazar günləri evdən çıxmaq istəyənlər 102 xidmətinə zəng edə bilərlər.  Nazirlər Kabineti yanında Operativ Qərargah 6 iyun saat 00:00-dan 8 iyun saat 06:00-dək Bakı, Sumqayıt, Gəncə, Lənkəran şəhərlərinin və Abşeron rayonunun ərazisində əhalinin yaşayış yerlərini və ya olduğu yerləri tərk etməsini qadağan edib. BakuCity.az xəbər verir ki, bu tarixlərdə sakinlər yaşayış yerlərini və ya olduğu yerləri həyat və sağlamlığa bilavasitə təhlükəli vəziyyə...
Biznes
Bakı ilə Kiyev arasında birbaşa uçuş həyata keçiriləcək. Ukraynanın “SkyUp Airlines” aviaşirkəti iyunun 13-də Bakı ilə Kiyev arasında birbaşa aviareys həyata keçirəcək. BakuCity.az xəbər verir ki, bu barədə Ukraynanın Azərbaycandakı səfirliyi nyayıb. Məlumata görə, uçuş Bakı vaxtı ilə 21:20-də baş tutacaq. Bildirilib ki, uçuş əsasən Azərbaycanda qalmış Ukrayna vətəndaşlarına istiqamətlənib.  Qeyd edək ki, Azərbaycanın hava limanları iyulun 1-nə qədər bağlı...
Hadisələr
Bakıda yük avtomobili yanıb. Hadisə dünən axşam saatlarında, paytaxtın Sabunçu rayonu ərazisində qeydə alınıb. BakuCity.az Fövqəladə Hallar Nazirliyinə istinadən xəbər verir ki, "МАZ" markalı yük avtomobilinin kabinə hissəsi və mühərriki yanıb. Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb. BakuCity.az