Bakıda “Yaradıcı gənc əllər” adlı sərgi açıldı

Bakıda “Yaradıcı gənc əllər” adlı sərgi açıldı

Sərgidə müxtəlif əl işlərindən ibarət stendlər nümayiş olunacaq.

Bakucity.az xəbər verir ki, Sərgi Azərbaycan Respublikasının Gənclər Fondu və Xətai Sənət Mərkəzinin birgə təşkilatçılığı ilə Xətai Sənət Mərkəzində “Yaradıcı gənc əllər” adlı rəsm sərgisi açılıb.

Sərginin təşkil edilməsində məqsəd yaradıcı gənclərin tanınmasına və əl işlərinin nümayişinə nail olmaqdır.

Sərgidə müxtəlif əl işlərindən ibarət stendlər, o cümlədən, rəsm əsərləri, muncuqdan, saplardan hazırlanmış bəzək əşyaları, təbii ağacdan və epoksi maddəsindən hazırlanmış aksesuarlar, dekorativ əşyalar, daş üzərində çəkilən əsərlər nümayiş olunur.

Ekspozisiyada 50-dən artıq gəncin əl işi və rəsmləri sərgilənir.

Sərgidə, həmçinin Koreya Respublikasına aid bəzək əşyaları, jurnallardan ibarət guşə, bu ölkənin milli geyimi olan “Hanbok” da nümayiş olunur. Qonaqlar təkcə Azərbaycan mədəniyyəti motivləri ilə deyil, dost ölkənin mədəniyyətinə aid nümunələr ilə də yaxından tanış ola biliblər.

Sərgi çərçivəsində gənc ifaçılar royal və skripkada müxtəlif musiqi nömrələri ifa edib. Layihənin rəhbəri Nigar Yusupovadır.

Bakucity.az

Sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər